ولدت يابناااات باركولي :icon28:
ولدت يوم الثلاثاء تاريخ 14 رمضان ولله الحمد والمنه بعد انتظار دام 9 اشهر بمستشفى دله تحت اشراف الدكتوره ايه
بدايه المشوار كان من يوم الاثنين كنت احس بنغزات زي الم الدوره بس ماكبرت الموضوع لاني من دخلت التاسع وانا احس فيها غير انها ماكنت منتظمه وكان عندي موعد مع الدكتوره بنفس اليوم
رحت لموعدي وسالتني الدكتوره عن اي اعراض قلت نغزات غير منتظمه مااظنها طلق قالت بشيك واشوف :09:
لما فحصت قالت الرحم مفتوح 2 سانتي انا تفاجات قالت بكتب لك تنويم ولاده لانك طالبه ابره ظهر والافضل تاخذينها الحين قبل لا يتوسع الرحم اكثر من 4 ولاتفيدك الابره
انا خلاص خفت وقلت لها لا انا بطلع وبرجع لك الصباح قالت براحتك بس لاتتاخرين
طلعت من المستشفى وخبرت ابو الشباب بالموضوع وقلت له ماراح نرجع الا لما احس بالالم قوي ولازم ارتب وضعي وولدي لازم احطه مع خالتي ام رجلي لاني ساكنه مع حمولتي
رجعنا للبيت وتسحر :arb: اما انا فقلت ماراح اكل شي عشان معدتي تكون فاضيه فتتسهل ولادتي باذن الله
عالساعه 7 الصبح قمت وتحممت وتجهزت ونومت ولدي وروحته وقلت لرجلي يله خلنا نروح للمستشفى قبل لايفوت الوقت على ابره الظهر
وصلنا للمستشفى 7 ونص واستغرت اجرات الدخول نص ساعه وعلى 8 دخلوني غرفتي وقالوا استرحي لين تجي الطبيبه المناوبه تفحصك وعطوني التحميله الشرجيه
بعدها بساعه ونص جت الطبيبه المناوبه وقالت الرحم مفتوح 4 سانتي يله يودونك لجناح التوليد عشان ابره الظهر ولما نقلوني وركبولي الجهاز خلوني وانا استنى واستنى واستنى وهم يدخلون ويحطون لي محاليل بالمغذي ويروحون وطلوقي تزيد واناديهم ابي ابره الظهر وهم مطنشيني :icon33:
جت الدكتوره المناوبه لقسم المواليد الله لايوفقها لانها كانت جافه بمعاملتها وتنظر لي بقرف وكانها اول مره تفحص وقالت الرحم فاتح 5 سانتي قلت وابره الظهر قالوا البيبي نايم لانه مافيه طاقه لانك جايعه ولافيك طاقه لازم يصحى اول وتركوني وقعدت اتالم ساعه وبعدين سوت لي فحص وقالت الرحم 5 سانتي والبيبي ضغطه منخفض ماراح نعطيك الابره وانا اتالم من الطلق :icon33:
عالساعه 12 قالت اوكي الحين نعطيك الابره جا دكتور مصري وقال لي راح احط لك بنج موضعي ودخل ابره البنج وانا شوي واضرخ من الالم وقال يله بدخل القسطره ويحاول يدخلها بفقرات الظهر ومو راضي تدخل ويحاول يدخل وانا ازاعق عليه ااااااي يوجع يووجع وهو يقول فقراتك مسطكه مع بعض مقدر ادخل الابره وانااقول خلااص انا ابغاها تروح الالم مو العكس ماابي ابره ظهر خلاااااااااص
طلع الابره وقال يله بحطلك بنج موضعي مره ثانيه وانا ازعق لااا ماابي وهو يقول تحملي ويعطيني بنج مره ثانيه :icon33: ويحاول يدخل القسطره مره ثانيه وانا مررررره متوتره وهو يقول ارخي ارخي
لما دخلها قال لي انتي حاله اول مره تمر علي وانا اقول بقلبي الله لايوفقك يالفاشل
وتدريجيا مع الابره خف الالم بس احس به دخلت الدكتوره وفتحت مويه الراس وحطولي طلق صناعي واستنى ويزيد الالم عالساعه 1ونص واحس يالطلق واتصل على دكتورتي واقولها تعالي انا بولد قالت شوي وجايه انا بالعياده تحت بعدها بربع ساعه جت وفحصت قالت الرحم فاتح 6 سانتي بس وانا اقولها احس بطلق قووي قالت شلون تحسين وانتي حاطه ابره ظهر ونادت الدكتور وزاد جرعه البنج ومازلت اتالم وبعدها حطولي محلول يفتح الرحم بعدها بنص ساعه احس بالم الطلق القوي واصاخ ابولد ابوووووووولد
جت الدكتوره وقالت لسه لسه قلت خلاص بولد انا ادفع البيبي فحصتني وقالت مفتوح 10 يله توليد وانا ازااااااااااعق باولد ابووووووووووووولد دكتوره يله ولديني وهي مبرررررده تقول طيب طيب
اقولها يله وسعي لي عشان اولد قالت لين يطلع الراس اقول خلاااااص وهي ماهمها تطااااالع انا خلاص صرت ادفع وادفع وهي وسعت لي وطلع البيبي اخيررااا الساعه 2 ونص الظهر
وخيطتني وكنت احس بالخيوط واقولها بنجيني وتقولي انتي حاطه ابره ظهر وانا كنت احس بكل شي يابنات ابره الظهر مافادتني ماادري ليه
الحمدلله على كل حال ولدت وجبت بنوته زي القمر سميتها ميار الله يخليها لي ويجعلها عبده صالحه والله لايخيب التعب
وملاحظه اخيره انا دعيت للي احبهم وانا اطلق ومن ضمنهم دعيت لبنات قسم تاخر الحمل بالحمل السليم عاجل غير اجل وربي يرزقهم وكل محرومه والله يتقبل الدعاء قولو امين
شاركي في النقاش
سجلي الدخول لإضافة تعليق.
التعليقات
30- الف الف مبروك والحمدلله على السلامه
بالنسبه لابرة الظهر تحسين بالم بسيط والى وشلون توليد لازم تحسين بطلق عشان تدفعين بس لوطلبتيهم راح يزيدونك بنج . - الحمدلله على سلامتك
لها الدرجة الابرة مهمه
<<< ماجربت
ماودي اخذهااا يارب مانحتاجهاااااااااااا
انتي بكرية ؟ او لا؟
يجيني مغص خفيف من كم يوم
بس مو قوي ولا في دم وموية
وباقي كم يوم واخلص التاسع ..
يارب سهل ولادتي يارب
والف مبروك - لحن الحياه انا كنت احس بطلوق قويه كاني ماحطيت بنج واللي يخليني متاكده انها مو اول مره اولد هذي ثاني ولاده لي ولااحس فيه فرق كبير بين الولادتين
مشكوره على ردك ياعمري
مشكله بلا حل
ابره الظهر مو ضروريه بس انا طلبتها واصريت عليها وترى مافي فرق كبير بين الولاده بابره ظهر او بدون
انا مو بكريه والنغزات اللي تحسين فيها يمكن تكون بدايه طلق لان انا كنت احس بنغزات وانصحك تروحين تفحصين وربي يسهل عليك - الف الف مبروك حبيبتي
ان شاء الله من الذريه الصالحه دعواتك الي - اي مستشقى انتي يااختي انا بعد زيك توي والده
مواضيع مشابهة
تابعي تجارب أخرى من هذا القسم.