شاركي في النقاش

سجلي الدخول لإضافة تعليق.

التعليقات

2,187
  1. @time_over

    مرحبا بنات،،

    اشحال بنات بلادي،،ربكن مرتاحات..

    اسمينا شقيانات وي هالتدوير،،الا نبا مكياج ولا جلابية ولا خياط ولا ما ادري شو،،الله يعينا على هالدنيا نربع وراها وراها،،اللهم نسالك حسن الخاتمة..

    انا ما رمت طبعا اقرا كل الملف،،بس بديت من 180..
    ابا اتخبركن،،

    ابا حد يسوي زفات اسلامية ولا اغاني بدون موسيقى دي جي،،لو من الامارات احسن واحسن بس الاسعار تكون معقولة،،الزفة يمكن ادفع فيها 500 بس الباجي حرام ادفع فيهن هالمبلغ،،لان اذا طلع المبلغ كبير بييب فرقة تدق من المغرب لين تالي الليل ب5000،،صح ولا..

    الشي الثاني،،ابا اسير دبي اتنقى لي فستان وعرسي عقب شهرين،،تعتقدن اقدر القى محل يفصل لي،،ولا خلاص انا في الوقت الضايع..

    السؤال الثالث،،ابا اطقم فوط ماركات تقليد،،واعرف حد هنيه يبيع في المنتدى فيا ليت تخبروني عنها..

    يزاكن الله خير..
  2. @rmash

    صاحبة الموضوع
    يالغاليه عند ام محمد الكويتيه جلابياتها شبيه الاسطوره الي موجود في بو ظبي
  3. @hnayn81

    Time Over
    مرحبا بنات،، اشحال بنات بلادي،،ربكن مرتاحات.. اسمينا شقيانات وي هالتدوير،،الا نبا مكياج ولا جلابية ولا خياط ولا ما ادري شو،،الله يعينا على هالدنيا نربع وراها وراها،،اللهم نسالك حسن الخاتمة.. انا ما رمت طبعا اقرا كل الملف،،بس بديت من 180…
    الله يعينج الغالية
    و احستبي الاجر في كل شي تسوينه و ان شاء الله تكتب لج بها حسنات
    بالنسبة للدي جي نحن حق عرس اخوي يبنا من محل في شارع الوحدة اسمه الافراح العامرة و اذا بغيتي بطرش لج الرقم عالخاص عشان تتفاهمين معاهم

    بالنسبة للفساتين اذا تاخذين جاهز احسن لج من بهدلة الخياييط : عندج المراكز اللي في دبي: البستان - المنال-مركز الشاطي/جميرا........ و مركز صحارى بعد عندهم فساتين جاهزة
    و في عضوة معانا عندها خياطة في بيتها في المزهر و اذا تبين بعد ممكن اطرش لج الرقم عالخاص
    و بالنسبة للفوط اعرضي طلبج في قسم العروض التجارية و الكل بساعدج ان شاء الله
    نحن في خدمة الشعب و حاضرين اي وقت:)
    و السموحة منج اذا ما فادتج معلوماتنا المتواضعة
  4. @am_yasmyna

    لو سمحتوا بنات دبي بغيت اعرف وين احصل ماركه كافالي عندكم؟؟وياريت اللي تعرف اسم المحل تبعث لي رقمه على الخاص لاني ابي اكلمهم ضروري

تابعي تجارب أخرى من هذا القسم.