بالنسبة لعلاجات النفاس
في كذا نظام زي قشر قهوة وأم عبودي والعامريه وفيافي
وكل وحده تنقي اللي يعجبها
اوما انا بولادتي الثنتين ما كان عندي لا نت ولا يحزنون وعلى نصايح امي الله يطول بعمرها ولا شكيت من شي الحمد لله
بكتب تجربتي
الولادة الاولى كانت تغذيتي مرعبة بصراحه مع الاكتئاب وطلعت من النفاس حوسه شوي على ان خياطتي مضبوطه وما التهبت
كنت استخدم اسبوعين ملعقة حلبة مطحونه مع ملعقة عسل واشرب معاها كاسة حليب على الريق وبعد عشرين يوم شوية عنزروته اذوبها في فنجال القهوة الطعم يعععععع يارب لك الحمد والشكر بس يقولون تنظف واخذ رشاد مع حبة سوداء
اشرب وسط اليوم شاهي اعشاب مكون من قرفه ونعناع وكمون وشمر ويانسون
الاكل كالعادة يكون لحم او دجاج ومطازيز المهم شي بر بس مع النفسية كان كل شي استفرغه المهم مع الدورات عدلت المسآئل الحمد لله تذكرت بعد كنت استخدم علاج من عمتي احطه بالفوطه اعتقد مكون من مره مطحونه مع خوا جوا وخياطتي الحمد لله ما التهبت
ولادتي الثانية نفسيتي احسن والتغذيه بالتالي احسن وعلى نفس النظام السابق بس بدون الخلطة اللي احطها ع الفوطة وخياطتي التهبت ومو عارفه السبب بالضبط
والحمد لله اموري معقوله
الكبو ما اعترف فيه لاني ما احبه وكثرة الاعشاب تتعب معدتي
هالمره على خير ناويه اجرب فازلين مع الخوا جوا والمره
واجرب اشرب قشر القهوة مع الاعشاب
ونفس نظامي اللي قبل ما راح اغيره
والله يسهل علينا
♥♥ تجمعنا الـسابع 17عشر لأحلى مواليد أكتوبـ10ـر & نوفـ11ــمبر & ديـسـ12ــمبر ♥♥
متابعة النقاش، صفحة 10