زوزة انا مش هعلق كتير على نقطة "حمل كيميائى " ونزل بعد خمس ايام دى لانى مش مقتنعه بيها ومقدرش اقول على حاجه زى كده حمل اساسا ده مش ممكن يكون حمل بس مش هعلق عليها هخلى ماما هى اللى تفصل لنا فى النقطة دى للتأكيد برده يمكن اكون غلطانة بس انا فعلا شاكة انك حصل لك حمل ونزل انا شاكة فى النقطة دى جدا ..
وبصى ياجميل علشان اريحك تعالى نختصر الحوارات الطويلة العريضه والمرواح والمجى اللى ملهوش لزوم ومش هيجيب بفايدة وتعالى نحصر خطواتنا بقدر الامكان علشان نوفر وقتنا ومجهودنا وفلوسنا كمان للتقيل ونشوف ايه اللى نقدر عليه حاليا نعملة .. احنا دلوقتى واقفين فى النص ولا مننا الفلوس اللى اتصرفت جابت بفايدة ولا مننا عارفين هنتصرف ازاى قدام بالظروف دى ..
تعالى نبدأ بالسهل ايه المانع انك بامر الله تتشجعى كويس جدا فى الخسسان يعنى تخسى ياعزيزة بجد وتعتبرى ده علاج انتى وزنك مش قليل ومحتاجه فعلا تهتمى بالموضوع ده ودى اول حاجه واهى مقدور عليها ومش مكلفة بس هتفرق معاكى فى نجاح اى خطوة هتاخديها فى علاجك علشان ربنا يكتب لك الحمل
ثانيا
زى ما قولنا السيدوفاج ميتقطعش ياحبيبتى طالما فى لخبطيشن كده عندنا وهو مش مكلف برده ومش هيضر لو منفعش فى اسوأ الاحوال طبعا
ثالثا
لو هتقدرى تعملى تحاليلك كده الفترة الجايه واحده واحده يكون كويس وخير لو ظروفك المادية تسمح علشان تبقى لميتى نفسك واستوفيتى الفحوصات المبدئية ليكى
رابعا
الدكتور بتاعك يا عزيزة ليا رأى فيه اسمعيه وبراحتك فى الاول والاخر .. رأيى انه ما اضافش ليكى جديد الى الان فا الافضل انك الفترة دى متروحيش ليه وتوفرى فلوسك شويه للتحاليل بس وده أولى الف مرة من زيارته
خامسا
ان زوجك يواظب على العلاج بتاعه لانه مهم اوى طبعا علشان الحالة متتدهورش
اخيرا بقه وده المهم ..
انا عارفه طبعا ان حلك الاساسى فى انك تعملى عمليه ياعزيزة بسبب ظروف زوجك بس مش عارفه هل الانابيب كافى لحالة الدوالى ولا لا .. أعتقد انك هتحتاجى حقن مجهرى خصوصا انك جربتى فعلا الانابيب قبل كده .. وخلى بالك ان الانابيب ياعزيزة هى هى نفس العلاقة الزوجيه مش اكتر ولا اقل فا وفرى فلوسك شويه وحوشى من هنا لحد ما تخسسى نفسك وتعملى الخطوات اللى قولناها تكونى حوشتى مبلغ وساعتها تفكرى فى الحقن فى مركز زى ادم مثلا ايه المانع واهى محاولة حقن هتكون نسبه النجاح فيها ليكوا افضل من الانابيب واديكى عملتى الانابيب والدنيا زى ما هى ..
ها ايه رأيك فى الخطوات مقتنعه ولا نعدل حاجه
تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17
متابعة النقاش، صفحة 151