ما قدرت اتسحر انسدت نفسي

مرحبا
بنات ابقولكم موقف حصل اليوم وانا متفشله منه وهو اني صليت في المسجد
وكانت ام الجيران وهي صديقت امي الروح يروح عشرت عمر كانت بنفس الصف الي انا فيه يعني بيني وياها حرمتين او ثلاث وانا بطبعي ما احب اتلفت واسلم على اي احد مو تكبر لا والله بس لاني بنوته واستحي مع اني كبيره بلعمر متخرجه من الجامعه المهم وسلم الامام وقمت وطلعت للبيت مشي ويوم وصلت
اول ما دخلت الا استلمتني الوالده وقالت لي وهي حمقانه شوي ومتفشله مني
قالت ليش ما سلمتي على ام الجيران يا ذي الفشيله كنت تلبسين نعالك وانا وياها واقفين عندك ولا سلمتي عليها لا وتمشين قدامنا ولا تسلمين انا قلت لمي تراني ما انتبهت صدقيني وسئلت امي هل الحرمه انتبهت لي وهل قالت شي قالت ايه انتبهت اكيد بس وش تبينها تقولي تبينها تقول ليش ينتك ما تسلم
انا يا بنات خلاص احس اني دخت من الفشيله ودي ان الارض تنشق وتبلعني
حتى نصدقون ما قدرت اتسحر انسدت نفسي المشكله ان ها الحرمه هذي حبوبه ومحترمه وانا كل شي يهون عندي الا ان احد ياخذ عني فكره اني متكبره

19 تعليق 2,235 مشاهدة

شاركي في النقاش

سجلي الدخول لإضافة تعليق.

التعليقات

17
  1. @oamtrt_that_syf

    عادي ماصار شي
    بكره سلمي عليها وحبي راسها قولي لها اعذريني ياخاله العتب على النظر ما انتبهت لك امس .. حتى امي عاتبتني
    وهي حبوبه وماراح تزعل منك
    وبالنسبه للسحور عادي لو ماتسحرتي من اجل الحفاظ على رشاقتك ههههههه
  2. حصل خير حبيبتي .. بكره اول ماتدخلي المسجد سلمي عليها وقولي لها امس كنت تعبانه شوي ومانتبهت لك السموحه
    واكيد انها راح تعذرك :)
  3. @thlaa

    صاحبة الموضوع
    الاخت ام سلمان وسوسو
    لو سمحت انا قلت من البدايه اني ما كنت منتبهه لها هي وامي يوم كنت البس نعالي ويوم كنت امشي واقول مره ثانيه ما كنت منتبهه

تابعي تجارب أخرى من هذا القسم.