موقفي في رياض قاليري(استوفى حقه من الردود)

الاخت الكريمه صدقت في كلامها وانا بعد ما اقدر اروح المولات من كثرة البلى اللي اشوفه
واسمحولي انا كنت ساكنه في جده من عشر سنوات وجيت الرياض هنا لعمل زوجي والله ان الحريم هنا عندهم قوات عين وقلة حياء ماشفتها في اي منطقه ختى في البلدان الاجنبيه وليس الرياض جاليري فقط شوفي الحياة مول الصحاري مول قمة قمة قمة المسخره
تقولين الحريم ماشافو جنس رجال في حياتهم حتى اخوي اللي جاي زياره يقول اشفيهم الحريم هنا غندكم حالتهم مره صعبه تبي تلزق في حضن الرجال ولو بالقوه هذه ليست نظرتي بل نظرة اي واحد يجي زياره وحده لهذه المولات فانا انصح الاخوات الفاضلات اللي يبون راحة الراس من الاشكال هذه روحي المولات في الصباح بدري لان الخفافيش ما تخرج الا في الليل وسلامتكم

والله يمكن انتي ماتطالعين احد صح بس تفتنين رجال بغطاك وربي سلط عليك من يفتن زوجك تستري حبيتي وارضي ربك وتشوفين شلون البنات يصدون عن زوجك

هع هع انتي زوجك وبقول يمكن توه شباب لكن انا ابوي شااااااااايب
ماسلم انحرج وطلع انهبل المصيبه بنات الطعش وبقوة عين ويلاحقونه هونيها وتهون البنااات صاااااااااااارو يخوفون الله يهديهم

موب المشكله انها تناظر ..
اصلا الغلط ان ازواجكم يتدعسون بكل محل معكم ويضيقون علينا المحلات خليه ينتظر برى يدخلونه المحل وياويل اللي تناظره يمكن تبي شي وانتم واقفين عند اللي هي تبي ..
صراحه انا وحده يطق ظغطي مليون اذا شفت رجال مع مرته جوا المحل ..
المحل مترين وتسحب زوجها معها لا واحيانا معهم عربيه خلوه ينتظر برى المحل موب ضاره شي ..
السوق للحريم موب لك انتي وزوجك..
وعلى قولة الاخت اللي راحت السوبر ماركت فعلا صرنا كل مانصادف وحده مع زوجها باكثر من محل خفنا تحسبنا نلاحقها من كثر ماتتشكون هنا عقدتونا صراحه ..

واللي تقول الرياض فيها زود ... انا عايشه طول عمري بالرياض واروح السوق الليل والنهار وماقد شفت هاللي تقولون الاكيد اللي بيراقب خلق الله ويفسر التصرفات على كيفه بيشوف كل شي ..

وبشرو ولاتنفرو كرهتونا بالحياة حطيتونا اسوء خلق الله .. والرسول عليه الصلاة والسلام يقول ( اذا قال الرجل هلك الناس فهو أهلكهم)


ملاحظه
* الاختلاف في الراي لا يفسد للود قضيه ..