خمول الغدة الدرقية ؟!!!!!!!!!!

اهلين بنات


توني جايه من الدكتور وضايق خلقي مراا امي مقدر اقولها لانها مريضة ضغط ماعندي الا انتم



رحت اليوم دكتور باطنية لاني توني والدة وبعد ولادتي بـ 3 شهور صارت فوهة معدتي تحرقني اذا صحيت الصباح او ضاق خلقي


قال راح اسويلك منظار قلت لا مايحتاج منظار اللي احسه مو شي خطير قال كيف اعرف اجل


المهم خليته يسوي منظار واخذ مني تحليل دم وبول

قال المنظار مافيه شي بس اكتشفت حاجه في تحليل دمك انه عندك خمول في الغدة الدرقية!!!!!!!!!!!!!!

قلت وش دخل هذا بمعدتي قال ماله دخل بس اكتشفته من تحليل دمك


شرايكم بكلامه واعطاني وصفة للصيدلية اشتري حبوب ولا شريتها


ارجع اسوي التحليل؟

يمكنه غلطان ولا عادي يصير خمول بعد الولادة ويرجع الوضع طبيعي ولا يمكن عشان رمضان وصيام


تكفون شوروا علي


المشرفات انقلوا الموضوع للمكان اللي تبون مدري وين احطه

بعد التعديل


قريت اعراض الغدة الدرقية


الحمدالله مو فيني


ماني سمينة ولا عندي امساك ولاني برادة ودورتي منتظمة وكلشي طبيعي


شسالفة

11 تعليق 2,411 مشاهدة

شاركي في النقاش

سجلي الدخول لإضافة تعليق.

التعليقات

11
  1. @ktyoh_ntyfh

    ياقلبي اول شي لا يضيق صدرك (إذا) انه فعلا عندك خمول بالغده الدرقية فتراه مو شي كايد
    ثاني شي عشان يرتاح بالك روحي لدكتور ثاني وسوي تحليل الغده الدرقية وتاكدي
    ثالث شي كثير من الحريم بعد الولاده وبسبب خربطة الهرمونات يصير عندهم خمول بالغده الدرقية، لكن الغالب ان الخمول اللي يجي بعد الولاده يكون ((مؤقت))، يعني فتره بس وبعدين ان شاء الله وباذن الله يروح وترجعين تعيشين طبيعي، وبعض الحالات يستمر معاها، لكن بعد الولاده الغالب يكون مؤقت
    تفائلي وادحري بليس واذكري الله ولا يضيق صدرك
    وباذن الله تحللين ثاني مره وتطلعين مافيك إلا العافيه
    بشرينا عنك وسلامتك
    :26:
  2. @nbdat_aaashkh

    أنا عندي خمول الغدة والله العظيم دائما احس كأني وحام وأخرها اليوم وأنا مو حامل
    عادي تجيكي الاعراض هذي
    دعواتك لي بالشفاء منها ومن التكيسات

تابعي تجارب أخرى من هذا القسم.