يالله حي خواتي كلهم وش اخباركم مع حوسة المطبخ والفطور وكيف تلحقون بين الفطور وترتيب البيت وضيق الوقت والزيارات الله يتقبل من المسلمين ولا عاد تجيك مقاضي العيد والحوسه الي مالها داعي لاخلصتي من التوسل لزوجك عشان يوديك للسوق وبعد جهد جهيد رحتي ويالله وانتي كانك بمعركه من زحمة الحريم والتلكيم والترفيس والبقسات الي تجي من ورى هالمقاضي وتدوير المقاس والالوان والموديلات الحلوه وتنسيق باقي الاكسسوارت يالله وجيتي للبيت هلكانه وبزارينك وش جبتيلي وش شريتيلي وانتي تسحبين من هالملابس بوسط هالاكياس وتعطينهم يلبسون كل واحد يقول يمه ماطلع مقاسي يمه تنوريتي قصيره يمه البلوزه ضيقه بدلة اخوي صغيره فستاني موحلو وانتي تسوين كذا:44:ليييييييييييش لان :arb: يحتاج لمطالبه من جديد عشان الترجيع والتبديل ويالله تروح العشر وانتي ترجعين وتغيرين واعلنو العيد جينا لمربط الفرس وشو برنامجكم بالعيد ابد بنفسي حنا بعد صلاة الفجر نتجهز انا وعيالي وزوجي لصلاة العيد ولما نصلي نلبس ملابس العيد انا وبناتي ونروح لأهل زوجي ونشيل معنا هدايا العيد ونسلم ونوزع هدايانا وناخذ هدايا من اهلنا الي هن عباره عن اشكال الحلويات يعني مو العاب لا حلوى المهم بعدين ناكل العيد ونجي الساعه11 عاد اقعد احوس بأغراض عيالي الي موسخ لبسه لازم اغسله لان العيال لازم يلبسون ثوب ابيض فمضطره اغسله عشان البسهم اياه لاهلي والبنات اعدل اي شي يبي تعديل وانام بعد الصلاة ولما تصير الساعه اربع اقوم واصلي وااكلهم اي شي لانهم عند اهلهم يصيرون فرحانين فما ياكلون زين وبعد ماياكلون البسهم وعلى اذان المغرب نروح لاهلي بأستراحه يجووون كل العائله ماشاء الله حوالي ميتين شخص ونقعد لحد الساعه1 ليلا وخلاص نجي تعبانين مره وبس ابغى انام عاد الاقي عيالي كانهم جايين من سفر نايييييييييييميييييييييييين :09:
يالله عاد اترك المجال لكم وابي شرح بالتفصيل :)الممل مو شرافه لا والله بس ودنا نعرف وش طريقتكم وهذي لحبيباتي الي يبي يشاركوننا:26::26:
شاركي في النقاش
سجلي الدخول لإضافة تعليق.
التعليقات
72- يالبى اسلوبك
ضحكتيني وربي
فديتك
احنا نقوم الفجر ونروح مع خالي وامي وخواتي صلاه العيد ونرجع بعدها امي تجهز كبده الخروف ووالكلاوي وتطبخها وتسويها لنا فطور كشنه ومع خبز وحليب او شاهي ونجلس نفطر ووقتها سواق جدتي اهل ابوي
يرسل لنا مرق وعصيده >>>تعرفون 07
ونجلس نفطر بعدها نجلس لين 11
استقبال ضيووف والاقارب
شوفي الحوسه
لان احنا ساكنين ببيت جدتي اهل امي
ويعتبر بيت الجده
يعني خوالي وزوجاتهم وعيالهم يجون كلهم ويتغدون عندنا وكلهم بعد الغداء يروحون
احنا البنات نحطها نومه
وتسمعين شخيرناااا اخر الحاره
هههههههههههه
>>> مبالغه مره
لا بس من التعب ونسحب نومه لين بكرا او الفجر
ونصحى وثاني يوم تبدا الطلعات
وبس - هههههههههههههههههههههههههههههههههه موضوع حلو انا عن نفسي اصلي الفجر وابتدي اتصلح وزوجي يروح يصلي العيد وانا مااروح عشان بنتي وعلى الساعه 6ونص اصحي بنتي ونلبس وننتظر زوجي وياخذنا على بيت عمي الكبير كبير العيله كلهم ونفطر يعني فطور غدا جريش الساعه 9 او 10 وعلى 11 او 12 نفترق انا اروح بيتي وانام انا وبنتي والمغرب نروح لاهلي وبس وزوجي يكون مداوم في كل عيد وزوجي قريبي يعني اهله اهلي وبث
- أما أنا حوستي تبدأ من ليلة العيد خاصة اذا ماكمل الشهر الفضيل نلبس ونتجهز ونروح لاهلي ببيتهم الصبح نروح نصلي العيد مع أمي الله يخليها لنا ويمتعها بالصحة وابيي والمسلمين وعيالي ثم نرجع نلبس ونروح لخالي قريب بعد الظهر بعد استقبال الضيوف الذين ماشفناهم ننام ونبلش بالعيال حتى يقومون ثم ينتهي العيد وعيالي متضايقين يقولون وش هالعيد طفش الله يلحقنا خير ويتقبل منا ومنكم صالح الاعمال
- نصلي العيد ونجلس انا وامي وخواتي ويجون الناس يعايدونا عيد باي حال عدت ياعيد بما مضى ام فيك تجديد
*همسة وفاء* أما أنا حوستي تبدأ من ليلة العيد خاصة اذا ماكمل الشهر الفضيل نلبس ونتجهز ونروح لاهلي ببيتهم الصبح نروح نصلي العيد مع أمي الله يخليها لنا ويمتعها بالصحة وابيي والمسلمين وعيالي ثم نرجع نلبس ونروح لخالي قريب بعد الظهر بعد استقبال الضيوف الذين…
مواضيع مشابهة
تابعي تجارب أخرى من هذا القسم.