شاركي في النقاش

سجلي الدخول لإضافة تعليق.

التعليقات

175
  1. @shroh_alklam

    صاحبة الموضوع
    أجمل الغيد
    ماشاءالله ماقصرتي .تسلم يدينك ..ياليت طرق الحلى وماعليك امر حبيبتي ممكن سؤال؟؟ انتي وين متغربة ؟؟
    هلالا حبيبتي
    الحلى الشيز كيك بالشكولاته
    القاعده
    كيك شكولاته مفتت ومرصوص في الصينيه
    الطبقه الاولى
    دريم ويب بالشكولاته علبه قشطه ربع كاس كريمه خفق 2 ملعقه جلاتين مذوبه في ماء دافي
    الطبقه الثانيه
    8 حبات جبن كيري نص كاس كريمه خفق ربع كاس سكر بودره 2 ملعقه جلاتين بودره مذوب في ماء دافي بعد ماتجمد الطبقه الاولى تصبي عليها الطبقه الثانيه

    حلى الكاسات
    القاعده بسكوت شاهي مطحون شويه قشطه نرصه في قاعه الكاسه
    الطبقه الثانيه دريم ويب مخفوق وبس
  2. @shroh_alklam

    صاحبة الموضوع
    sara_99
    ماااااااشالله تسلم يدك على هالاطباق الرااائعه والله يردك من غربتك سالمه ان شالله حبيبتي بس حابه اسئلك بخصوص بعض الاطباق لو تكرمتي تنزلين طريقتهم مثل دجاج سويت اند سور وصينية اللحم بطريقتك الخاصه وشوربة الفطر الفرنسية وبرضو عندي استفس…
    هلالا حبيبي وتامرين ااااامر

    دجاج سويت اند سور
    تقطعين صدور الدجاج قطع مربعه وتحمسينها في الزيت على نار قويه حتى تتحمر وتتبلينها بملح وفلفل اسود و3 فص ثوم مفروم وشويه زنجبيل مفروم وتقلبينها وتشلينها من القدر
    ترجعي تحطي شويه زيت في نفس القدر وتحطي عليه 2 جزر حلقات 2 بصل مقطع كبير حبه طماطم مقطعه 2 فلفل رومي مقطعه كبير واناناس مقطع وتحمسينها شوي
    تخلطي في طاسه صفيره 2 ملعقه معجون طماطم صويا صوص 2 ملعقه نشاء 2 مكعب ماجي ربع كاس ماء
    تصبينها على الخضار وترجعي الدجاج للقدر وتقلبينها زين 5 دقايق وبالعافيه

    صينيه اللحمه
    نتبيل اللحم بالملح والفلفل والبهارات والكركم والقرفه المطحونه
    في الخلاط الكاس تحطي زنجبيل طازج قرن فلفل حار 2 فلفل رومي 2 بصل 4 فص ثوم وربع كاس زيت وتخلطينه ثم تصبينها على اللحمه وتدخلينه الفرن حتى تنضج

    شوربه الفطر الفرنسيه
    نص اصبع زبده تحطينه على النار مع شويه زيت حتى تسيح نضيف لها الفطر الطازج المقطع ماهو المعلب
    ونحمسها زين نتبلها بملح شويه وفلفل اسود
    ونضيف لها 2 مكعب ماجي وشويه ماء ونتركها شوي
    تخلطي 5 ملاعق حليب بودره مع 3 ملاعق دقيق ابيض مع كاس ماء في خلاط الكاس ثم نضيفه للشوربه ونتركها تغلى حتى تتماسك وتقدميها

    الكب كيك يالغاليه جاهز

تابعي تجارب أخرى من هذا القسم.