بسم الله الرحمن الرحيم
الله يعطيك العافيه وتجيبن له اخ واخت يلعبون معه بس ودي الفت انتباهك لبعض الامور
صدقيني حبيتي انجاب الاطفال ورا بعضهم مرهق للام والاب والاطفال انفسهم وماراح يكبرون ويعتمدون على انفسهم الا بعد ما يطلع الشيب براسك وتخسرين كثير من صحتك لذلك اذا كان ولدك يمل بروحه حاولي بكل الطرق انك تشغلينه بالعب او الكتابه او اطفال الجيران انت العبي معه وجيب اوراق والوان وقصص ورسومات والعاب يركبها على الاقل ياأختي الى ان يتم عامه الثاني وفوقهم 3شهور وبعدها الله يكتب لك واحملي وباذن الله ما يشرف المولود الجديد الا وولدك الاول عمره 3 سنين تكونين بهالفتره علمتيه الاعتماد على النفس في الاكل واللبس والحمام وانت بكرامه
وصدقيني راح ترتاحين وماراح تحسين بالضغوط اللي الكتير من الامهات يعانون منها لانه مافي نظام مع الاسف بالاضافه يااختي فيه نقطه جدا مهمه وهي الغيره ولان الغيره شعور لابد من وجوده بين الاخوه الصغار فعلى الاقل تقدرين تسيطرين عليها وما يكون التعبير عنها بالعنف كيف؟؟؟ انا اقولك ووهذا من ملاحظتي الشخصيه ان الطفل كل ماكان اكبر في العمر كل مااستوعب اكثر وجود اخ شريك له في حياته وكل ما كان اكثر قبول له بالاضافه الى تلهفه لوقت قدومه ومتى يكبر والنقطه الاخيره اللي ودي تفكرين فيها ان لاسمح الله لو الولود الثاني جاك من النوع اللي يصيح ومتعب بالليل ايش راح تسوين مع وجود طفل ثاني ؟؟!!
صدقيني ان التنظيم في انجاب الاطفال راح يتيح لك فرصه كأم للقيام بكل واجباتك كزوجه اولا ومربيه ثانيا
واخيرا اود ان اقول لك اختي ان كلامي هذا عن تجربه شخصيه وما تمرين به الان مررت به وما انصحك به الان قد قمت به ولله الحمد ***اتمنى اختي اني اكون افدتك وتحياتي
اللي عندها اكثر من طفل او طفل وحامل تدخل الله يوفقها
متابعة النقاش، صفحة 2