شاركي في النقاش

سجلي الدخول لإضافة تعليق.

التعليقات

1,981
  1. @mhaoo

    السلام عليكم ورحمه الله وبركاااااااااااااااااته

    شلونكم كلكم يابعد قلبي والله اشتقت لكم

    اشكر كل من دعت لي الله لا يحرمني منكم ياغلا خواااااااااات في الكوون ربي يتمم لكل حامل حملهاا ويهون عليهاا ويعووض لكل مسقط وفاقده ضناها بالعوض الصالح في القريب العاااجل ويرزق كل راجية للذريه ويفرح قلبهااا

    ابشركم انا طيبه وبخير ولله الحمد اللهم اجرني في مصيبتي واخلفني خير منهااا وربي يجعلهم شفعااء لي لبوهم يوم نحتاااج لهم ان شاء الله

    تكفون مابي احد يحزن منكم لاني ماخسرتهم بالعكس انا كسبتهم ضمنت من يفتح لي باب من ابواب الجنه ولله الحمد

    بقول لكم ايش صاار لي


    يوم الثلاثااء قمت الظهر ابي اصلي نزل معاي شي حطيت يدي لقيت ماي بس بدون ريحة ولون توضيت صليت ونمت قمت العصر نفس الشي وبدون الم المهم عقب الفطور رحت للطواري نقعوني في الانتظار وعقب دخلت على الدكتور قال ابي اسوي لك فحص داخلي قلت له ابي دكتوره فحصتني قالت مو من البيبي هذا سائل مادري من وين وحولوني على السونار لقو الاجنه ماعليهم شر طيبين بس عنق الرحم كان 3 ملم وماخلوني انزل من السرير ودخلوني المستشفى قالو انتي فيج نوع من البكتريا او جرثومه تعرفون من متى مسويه التحليل هذا من قبل لا اطلع يوم اسوي الربط يعني تاريخ 10-8 وماكلفو انفسهم يدقون علي ويبلغوني ويبدون العلاج المهم عطوني مضاد حيوي كبسولات وتقريبا ماستفدت منها لانه ينزل معاي سائل لونه بيج على مشمشي شوي وبدون ريحة يعني اللتهاب وبدون حكه او شي المهم بس نوموني عندهم وقالوو مافي يدنا شي لانه احتمال يصير اسقاط انتي تمي مريحة وادعي ربج والحمد الله
    المهم يوم الجمعه الساعة 9 ونص جاني شي وابي اروح الحماااام وانتوو بكرامه قلت يمكن ابي اخرج _ سوري على اللفظ بس ابي اوضح لكم _ اول ماقعدت على المرحاض وانتو بكرامه الهواء اللي كنت اشتكي منه يبي يطلع قلت شنو هذا وبدى يمشي الحواء في عنق الرحم ينزل احس بشي بس مادري وشوو حطيت يدي لقيت طلعت لي كوره يمه شنو هذا قمت على طول وضغطت على الجرس وجانو السسترات يركضون شفيج قلت البيبي نزل ورجعته وبدون الم ياخواتي نوموني على السرير ودخلت يدها الدكتوره وقالت اي هذا الكيس بنزلك غرفة الولاده وجاوني الاستشاريين والاخصائيين في غرفة الولادة يبون يفتحون الربط بس ماقدروو يوصلون للربط لان البيبي سكر المنطقة جابو لي كبير الاطباء وفتح لي الربط الساعه 11ونص الصبح وقال انت مفتوحة 9 سم يعني ولاده سبحان الله ونزل معاي دم شوي وخلوني 12 ساعه في غرفة الولاده وماصر شي لا الم ولا شي وقف الدم وطلعوني فوق على الساعه 1ونص الليل وقعدت لين الساعه 7 الصبح رحت الحمام وانتو بكرامه وهم نزل نص البيبي ونزلوني غرفة الولادة طلع البيبي الاولاني الحمد الله بدون الم وايد خفيف نفس وجع الدورة قامت الدكتورة تظغط على بطني عشان اتطلع المشيمة كامله وانا امسك يديها اقول لها شوي شوي فيه باقي بيبياات وشالت يدي وقعدت تضغط بقوو ذبحتني قلت ربي يعوضني في اخوانه لان الدكتور قال لي البيبي نازل في الحوض ولابد يطلع لكن ماراح انتدخل في الباقين يمكن يبقون وانا كنت عايشه على هالامل قالت لي الدكتورة انتي اللحين الرحم عندك مفتوح شرايك نحط لك طلق صناعي عشان نهون عليك وينزلون الباقين لانه خطر عليك من امس الرحم عندك مفتوح ونخليه بعد مفتوح وهم راح ينزلون لان البيبيات ورى بعض ليش نعذبك وراح اتكون المسؤليه عليك وبنوقعك على ورقة لانه اهم شي عندنا رحمك مايتاذى من الاتهاب وقعدت اصيح قلت دخلو امي علي واستشرت امي وقالت توكلي على ربج اهم شي راسك والعوض عند ربك ونفس الشي زوجي وتوكلت على الله وركبو علي الطلق الصناعي ونزل ولدي الثاني وبعده مت من الوجع يوم تنزل البنت لانها تاخرت في النزل ونزفت شووي دشو علي 5 دكاترة كل واحد يتفلسف علي ويدخل يدة ويظغطون على بطني ذبحوني الولادة اهو علي من تنظيفهم وبعد هالعذاب كله دخلوني العمليات تحت البنج وسولي تنظيف والحمد الله رب العالمين توني طلعت من المستشفى واسفة اذا كدرت احد منكم بموضوعي بس ابي اطمنكم علي

    وانصح كل وحدة معاها اللتهاب لا تسكت على عمرها عالجي نفسك اول باول لانه هو السبب الرئيسي في فتح الرحم


  2. يابنات وش الاخبار اللي تضيق الصدر

    الله يتمم على الجميع ياااارب ولايحرمهم فرحتهم باولادهم

    مهااو ربي يحفظ لك اجنتك يااارب واستودعيهم من لاتضيع ودائعه
    موانئ شوق الله يعووضك يااارب
    غير الناااس يااارب يكوون شفيع لكم يااارب ويرزقك بالذريه عاجلا وليس ااجل...ويارب تحملين بعد الاربعين وحسبي الله على من ضيع امانته.
    اجل ابرة رحمة ...............سبحان الله
    شاادوو طمنينا عنك وش صار عليك الله يبلغك رؤيه اطفالك بصحه وعافيه
    ياسمونا جزاك الله خير على الدعوات

    يااااارب بهذة الليله الفضيله اتمم علينا الحمل وقر به اعينننا

    والحق بنا أخواتنا منتظرات الذريه

    يااارحيم يارحيم يارحيم

    من غيرك ندعوه ونرجوه ياخالقنا ياقادر على كل شي

    يااارب العالمين

  3. ياقلبي عليك يامهااااااااااااااااااااااو

    بكيتيني .......................لاحول ولاقوة الا بالله

    ذكرتيني بشرايين زوجها

    ياربي يعوضك بالخلفه الصالحة التامة يااااارب

    ربي كريم ويجعلهم شفعاء لك عند مليك مقتدر
  4. @elesar_ko

    الأمومة المنتظرة
    يابنات وش الاخبار اللي تضيق الصدر الله يتمم على الجميع ياااارب ولايحرمهم فرحتهم باولادهم مهااو ربي يحفظ لك اجنتك يااارب واستودعيهم من لاتضيع ودائعه موانئ شوق الله يعووضك يااارب غير الناااس يااارب يكوون شفيع لكم يااارب ويرزقك بالذريه عاجل…
    مهاوو..حبيبتي..

    الحمدالله على سلامتك...

    صدقيني لا شعوريا شهقت لما شفت دعاءك..

    بس رجعت ابتسمت لما شفت الكلام اللي بعده..

    الله يربط على قلبك ..

    وفعلا انتي ما خسرتيهم انتي كسبتيهم..

    هذا ابتلاء من رب العاالمين..

    و الله اذا احب عبدا ابتلاه..

    /

    لله ما اعطى ولله ما اخذ..

    انا لله وانا اليه راجعون..

تابعي تجارب أخرى من هذا القسم.