وداعا للاستشوار

بسم الله الرحمن الرحيم





السلام عليكم ورحمة الله وبركاته





كيفكم ياحلوات



اليوم جبت لكم قنبله الموسم يمكن فيه كثير اكتشفوها قبلي بس انا تو اكتشفتها وقلت وداعا ايها الاستشوار وداعا

انا ماحطول عليكم امس قلت لزوجي روح الصيدليه وجيب لي مكواة الشعرمن براون وراح يقبرني وجابها لي انا قلت كالمعتاد بسوي استشوار مشي حالك وبعدين اسوي شعري بالمكواة السيراميك ومن قمه كسلي تعرفوا الوحده مع رمضان والحمل مافيها تسوي شي سويت شعري بالمكواة بس والله الذي لا اله الا هو اني تفاجأت بالنتيجة لدرجه اني ماودي اتحرك من عند المرايه ايش لمعان ايش نعومه ماشاء الله ولا الشعر مسبسب تقولوا شعر فلبينيه
وهذا هوا شكل المكواة



braun-es2_500x500


لاتقولوا ماتنفع الا للشعور الناعمه لا تنفع لجميع انواع الشعر حتى الخشنه

ومن مميزاتها انها تفرد الشعر وتموج الشعر وتجعده



وسعرها ب450ريال سعودي انا اشتريتها من صيدليه النهدي والنوع اللي عندي اسمه






BRAUN Satin.hair Colour


وفيه منها حبيباتي نوعين للشعر الصبوغ وللشعر الاسود انا زوجي جاب لي للشعر المصبوغ لانه عارف اني بعد ماولد حصبغ

اتمنى اني افدتكم بهاالمعلومه حتى لو كانت مكرره ونصيحه يابنات لاتشتروها الا من الصيدليه

يالله ايش تستنوا وداعا للاستشوار وصوته المزعج وداعا للمشاغل وكريمات الفرد اللي ريحتها تصك الراس جربوها ولاتنسوني من دعاويكم الحلوه.

58 تعليق 9,815 مشاهدة

شاركي في النقاش

سجلي الدخول لإضافة تعليق.

التعليقات

58
  1. @fy2009_1

    يسعدني اكون اول من يرد على موضوعج بس يالغلا انا عندي خوف من هذي الاجهزه علشان جه اخاف وما اشتريها بس تشجعت من موضوعج
    والحين جاوبيني
    انا شعري مره خفيف عدي وايتاثر اواتساقط الشعر ؟
    كيف طريقه استخدامها بالتفصيل وكم مره في الاسبوع اويومي ؟
    وسامحيني على كثرة الاسئله وربي يسهل حملج
  2. @am_lara_12

    صاحبة الموضوع
    في2009
    يسعدني اكون اول من يرد على موضوعج بس يالغلا انا عندي خوف من هذي الاجهزه علشان جه اخاف وما اشتريها بس تشجعت من موضوعج والحين جاوبيني انا شعري مره خفيف عدي وايتاثر اواتساقط الشعر ؟ كيف طريقه استخدامها بالتفصيل وكم مره في الاسبوع اويومي ؟…
    اهلين والله ياقلبوا نورتي الموضوع حبيبتي لا والله ياعمري توكلي هذي بنتي شعرها خفيف كلهم نتفتين وسويت لها وطلع جنان ابوها مانزل عينه ماشاء الله عليها
    ياقلبي طريقه استخدامها زي الاستشوار بس لازم الشعر يكون جاف ولا قطره مويه فيه شغليها وامسكي الخصله مرريها عليها مرتين ثلاث بالكثير ببطء وشوفي النتيجه المبهره ولاستخدامها على حسب ماتبغي الافضل انك تستخدميها بعد ماتستحمي جففي شعرك وسمي بالله وابدأي اول ماتشغلي المكوة السيراميك يبان في الشاشه الون الاحمر حددي الحراره في 3درجات للحراره بعد 30 ثانيه حيصير لون الشاشه اخضر وبكذا ابدأي استخدميها اتمنى تكوني عرفتي

    والله ثم والله مانزلت الموضوع الا لاني منبهره بالنتيجه وحبيت افيدكم
  3. @aaobaaa

    الاستشوار متعب شوي ويضر الشعر بس مو كثر السيراميك الاستشوار ارحم مليون مره اذا استخدم بطريقه صحيحه

    يعني النتيجه مؤقته ولحقي تسنعي شعرك بعد الدماار الي بيسويه

    انتبهي اختي كنت استخدمه مرتين بالاسبوع ودمر شعري :(
  4. @am_lara_12

    صاحبة الموضوع
    عوباء
    الاستشوار متعب شوي ويضر الشعر بس مو كثر السيراميك الاستشوار ارحم مليون مره اذا استخدم بطريقه صحيحه يعني النتيجه مؤقته ولحقي تسنعي شعرك بعد الدماار الي بيسويه انتبهي اختي كنت استخدمه مرتين بالاسبوع ودمر شعري :(
    ياقلبي على حسب النوعيه اللي استخدمتيها هذي نوعيه مطوره تو نازله بالسوق ونتيجتها مثل الاستشوار وزود وبراون معروفين بها الاشياء حتى براون القديمه محد اشتكى منها مدري انتي كيف كنتي تستخدميها

    وبالعكس هيه افضل من الاستشوار بكثير حبيبتي

تابعي تجارب أخرى من هذا القسم.