شاركي في النقاش

سجلي الدخول لإضافة تعليق.

التعليقات

9
  1. @aathbh_21

    هيتر+ قهوه ومغ او دله وفناجيل
    اشياء خفايف للأكل شبسات و كذا
    سليبر ( شبشب ) واحد للغرفه و للحمام وانتي بكرامه
    روب حمام و روب ثاني للبيت عشان لو احتجت تطلعين لغرفة صاحبتك او جتك صاحبتك وانتي لابسه لبس النوم
    فوط نسائيه و بنادول و لزقة للجروح و اشياءك الصحيه اللي متعوده عليها
    مجموعه صغيره للخياطه
    اذا تحبين البخور مبخره صغيره و فحم سريع الاشتعال و عود .. الخ ..
    بطانيه اضافيه و ياليت تشترين طقم مفرد جديد احسن لك

    و بالتوفيق
  2. @klmy_sdyky

    اتمنى لك التوفيق ويسخر لك الرفقة الطيبة
    الصالحة ويرحم غربتك ماعندي فكرة بس
    حزنت لانك بتبعدين عن اهلك لكن اجر طالب
    العلم عند الله عظيم.................................
  3. @quotskon_alfdaaaquot

    عبايه وطرحه اضافيه
    جزمك وانتي بكرامه حطيها بصندوق ارتب لك ومعها شرابات مناسبه
    استشوار وكريمات شعر وفرش وبنس
    اله النتف << حح ترا كثير نسوها وتوهقوا
    فازلين وفقس وبنادول و لزق جروح وميبو او رتنن اي <<لاثار الجروح وكريم حروق ومعقم وعدة التشقير لو كنتي من اصحابها
    ملابسك كثري منها وعلى الالوان الرئيسيه اخذي خيوط وابر لو امزع عليك شي او طاح زرار
    بجامات ساتره لان يفتشون عليكم.. وملابس بيت معقوله
    خذي لك 2-3قطع حلوه للبيت سبحان الله وحده جاها احد زياره او جاكم داعيه او انتي بتطلعين لاحد اقاربك
    وجلابيه ناعمه جدا وميني جلابيه للتغيير
    مناشف صغيره
    الاكل لا تشيلين همه هناك متوفر سوبر ماركات بنفس الاسعار
    خذي كتب تثقيفيه تسليك .. كتيب اذكار..قران صغير
    شناطك اليدويه حطيها باكياس حمايه لا تخرب عليك هناك
    مكياجك اليومي وعطورك واكسسواراتك
    دفتر كبير ونوت واقلام وورق تذكير (ابو لزق) وملف حامل
    فرشتين اسنان ومعجون
    وشنطه سفر صغيره<< ليييييييييه لان بتطلعين لاهلك بين فتره وفتره وماراح تاخذين من ملابسك الا الحاجه
    اغراض الجوال واللاب توب
    ولو نقص شي بتتيسر

    ولاتشيلين هم بعدك عن اهلك صدقيني بتتأقلمين وبيكون دافع لاجتهادك وبتكون ايام حلوه
    المهم تعرفي تنقي الصحبه الصالحه هناك.. وياحلو العقل والرسميه ببداية تعارفك على العالم
    وبعدي عن الممنوعات افضل لك

    نسيت امر .. تاكدي من الباص اللي بتروحين معه وخذي اسمه ورقمه ومكان وقوفه لا تتوهقين تروحين مع باص ثاني لجامعه ثانيه

    موفقه في حياتك الجديده

تابعي تجارب أخرى من هذا القسم.