للتخلص من الحبوب باسهل طريقة

السلام عليكم ورحمة الله وبركاته


ازيكم يا بنات اخباركوا ايه ؟ يا رب تكونوا بخير .

كل سنة وانتم طيبين

الحقيقة دى اول مشاركة ليه واول مرة اكتب موضوع فى منتدى . المهم عشان مطولش عليكوا .

انا كنت بعانى من مشكلة الحبوب فى بشرتى من سنين حوالى 6 سنين . لغاية ملقيت الحل . انا قريته فى

احدى المنتديات بس الحقيقة مصدقتش ان ممكن الملح يكون الحل . المهم قلت اجرب مش هخسر حاجة وخصوصا انى جربت كريمات و انواع صابون ومجبتش نتيجة اكيدة ,
الطريقة
انا جبت شوية ملح ودوبتهم فى شوية مياه ودهنت على وجهى وتركته شوية ما حسبتش قد ايه بصراحة انا سيبته لغاية لما نشف , كنت بحس انى وشى بيتحرق قلت معلش استحمل . وبعدين غسلته ونشفته كنت بكرر الحكاية دى كل يوم والحمد لله بجد يا بنات ادانى مفعول هايل مش هتصدقوا مطلعش اى حبوب بعد كده وصحابى لما شفونى كانوا مستغربين لقيوا انى وشى صافى جدا الحمد لله .

يا ريت يا بنات اللى يجربها ويلاقى النتيجة حلوة كده ياريت يدعيلى بالتوفيق وربنا يحققلى اللى اتمناه .

ملحوظة : يا بنات علشان مكنشى كدبت عليكوا بصراحة فعلا انا الحبوب بطلت تطلع لفترة طويلة بس مش عارفة ليه اليومين دول بدا يطلعلى بس مش زى الاول خالص يعنى يدوب حبتين او تلاتة بالكتير بتكون خفيفة كمان بس مش عارفة يمكن عشان حالتى النفسية مش كويسة او انواع اكل سببت ده بس ناوية انى اعمل الطريقة برده وانا واثقة انهم هيختفوا بسرعة . وكمان ابقوا ادهنوا بعديها مثلا عصير جزر بصراحة هو جميل جدا بعد لما احطوا بحس انى بشرتى جميلة وطرية وناعمة .
متنسوش تدعولى :39:

4 تعليق 670 مشاهدة

شاركي في النقاش

سجلي الدخول لإضافة تعليق.

التعليقات

4

تابعي تجارب أخرى من هذا القسم.