يسعدني انضمامي لكم في تجمع الروكوتينيات
صارت عندي خبره مو طبيعيه فيه عشان كذا جيت اعرض عليكم كل الشغلات اللي صارت لي
بالبدايه انا استخدمته مع دكتورة جلديه في مستشفى المانع بالدمام
وكنت مداومه عليه وكنت مسويه حميه مو طبيعيه علشان مايرتفع عندي الكوليسترول
ومع ذلك ارتفع ..
اضطريت معاها اوقف الحبوب شهر بعدها رجعنا للحبوب مره ثانيه
ونفس الشيء الشهر اللي بعده اجبرتني اني اترك الحبوب شهرين لحد ماينخفض الكوليسترول
وبعدها اخذت الحبوب وكان الشهر الثالث معاي
حسيت بصداع مو طبيعي اول مااستخدمتها لكن كنت اخذ معها حبوب بنادول
الحمد الله ماكانت تسبب الام او حاجه غير الصداع وكنت احس بجفاف بجلدي
مابديت احس بشفايفي الا بالشهر الثالث يمكن لاني ماكنت اخذه متواصل
الدكتوره كانت كاتبه لي الجرعه 40 لان وزني 58 لكن ماحسيت اني استفدت منها زادت الحبوب بوجهي وتضايقت حيل من هالشيء
وكانت الدكتوره كاتبه لي كريمات ومراهم مو طبيعيه كنت اخذ الحبوب بما يقارب 800 او 1000 ريال
بعدها رحت لدكتور محمد الخرس في مستشفى ارامكو بالظهران وبعدها حسيت بالتغيير مليون درجه
اول مابديت معاه قال لي ان لكل دكتور طريقته يمكن الدكتور ماكان يبي يوضح ان طريقة الدكتوره هذيك خطأ ..
قال لي راح اعطيك حبوب للكوليسترول لاننا ماراح نقطع العلاج ابداً الا في حاله الصداع الشدييييد مره اللي مايخف حتى بالبنادول
وقال لي الكريمات ماراح تستخدمين الا الفازلين والحاجات اللي ترطب الجلد قلت اوووك
كتب لي الجرعه 60 لان يقول جسمي مااستفاد مع 40 لما استخدمتها مع ذيك الدكتوره
للامانه من اول اسبوعين بديت احس بشفايفي تتشقق بشكل مو طبيعي
وصرت لما اعطس كان ينزل من أنفي دم وانتم بكرامه لكن كتب لي علاج عليه اللي هو اسمه SALINOSE جل
وماله اي مضاعفات هالجل لانه زي الفازلين للانف لكن يرطب اكثر
بالنسبه لتشقق الشفايف انا استخدمت فازلين لان مرطبات الشفايف احسها تنشف قريبتي تقول فيه مرطب من نيتروجينا
بحثت عنه مالقيته بس تمدحه كثييير ..
مع فترة استخدامي للعلاج حسيت شعري ناشف بشكل موطبيعي لدرجه اني رحت قصيته قصه قصيره حيييل عشان ارتاح
واقدر ازيته على راحتي ..
لاحظت ان شفايفي كبرت وكأني مسويه حقن بوتكس ..
برضو صادفتني آلالام شديدة بظهري ورقبتي واكثر شي برجولي اسفل القدم ولما قلت للدكتور اعطاني للالام هذي حبوب
احلى مافي الموضوع ان شعري وبشرتي صارت جافه مو دهنيه
على فكره فترة استخدامي الحين للحبوب 7 شهور وباقي لي شهر لان جسمي مااستفاد من جرعه هذيك الدكتوره
بس الاحظ ان الحبوب ماصارت تطلع والاثار اختفت بنسبة 98%
مااقدر البس عدسات وأول مااصحى من النوم احس بصعوبه في فتح عيني بسبب الجفاف ..
وانصح اي وحده تستخدم هالحبوب انها ماتلبس عدسات لانها مثل ماقالت اختي كابتشنو انها تسبب خدش بالقرنيه
وانا نبهني الدكتور اخر مره قال لاجا العيد انتبهي تلبسين عدسات قلت حتى لو احط مادة كريميه بعيني قال ابداً ماانصحك
بعد فترة العلاج نصحني الدكتور اني البس العدسات بعد 3 شهور على الاقل ترجه موية العين
وسالته عن انو كم يبيله الجسم ويصفى من الحبوب بالنسبه للوحده لو بتتزوج قال شهر كفايه بس احنا نحط زياده عشان نتاكد 100%
اممممممم بعد شنو بقول كثرت عليكم بهذرتي بس حبيت انقل لكم تجربتي يمكن احد يستفيد منها
حاولوا دايم ترطبون الجلد اشتري لك بيبي اويل او جليسرين لان الجلد لما يكون ناشف من الحبوب ومايترطب ممكن يسبب تهيج بالجلد
.
.
وان شاء الله لي عوده بعد مااقرا تعليقاتكم
وكل عام وانتم بالف الف خير
تجمع مستخدمات الروكتــــآآآن 1431هـ .. الجزء(2) [الرجاء فتح تجمع جديد]
متابعة النقاش، صفحة 303