كل عام وانتم بخير جميعا بمناسبة عيد الفطر المبارك
أعاده الله علينا وعليكم وعلى الأمة الإسلامية بالخير والبركات
أدعو الله ان يبلغنا وإياكم وسائر المسلمين والمسلمات والمؤمنين والمؤمنات رمضان القادم
اليوم حبيباتي حابه اخد رايكم في عيدياتي للاطفال احترت وماعرفت فين انزل الموضوع وعشاني ليا فتره مانزلت موضوع في قسمي المفضل بحكم انشغالي بالنقل للبيت الجديد وكمان عشان حصير ماما :35:<<<< تبغاكم تقولوها مبروك
قلت خلاص يابنت نزليه هنا ان شالله تعجبكم العيديات وتاخدو منها افكار
طبعا العيديات دي السنه ماكانت شغل ايدي اخدتها من محل في مكه مع انو عشقي دي الاشياء بس ايش نسوي ظرووف وتراها سهله مايبغالها شي تقدرو تسووها بنفسكم
كترت هرج يالله تعالو نشوف
اول شي عيدياتي لاطفال اهل زوجي
السطول للبنات والمراوح للاولاد وترا كلهم صغار اكبرهم عمره 4 سنوات

وهذي عن قرب

وهذي المراوح

وهذي وحده عن قرب

اما هذي عيديات ماما للاطفال تشبه المراوح بس على شكل وردات

واخر شي عيدياتي لاولاد اختي هما تلاته ولدين وبنت الله يحفظهم يارب

وطبعا ححط فيها فلوس بس الين دحين ماجات الريالات الجديده قاعدين نستنى
ان شالله تكون عجبتكم وسامحوني يابنات انا عارفه اني مقصره معاكم بس الله عالم بالظروف
وموضوعي دا اعتبرو مقبلات للي جاي والوجبه الرئيسيه والحلا عن قريب باذن الله
:35: خخخخخ تفكيرها كلو اكل
ولا تنسو تدعو لاختكم بثبات الحمل وعقبال يارب كل محرومه يحقق لها ربي امنيتها وتقر عينها قادر ياكريم