ياابوي اشتقت لحلاوة العيد اللي تخبيها عني ماعاد لدنيا حلى بعد فراقك

قد يحتوي هذا الموضوع على محتوى غير مناسب. عرض الموضوع










يبه عسى مثواك جنه وفـردوس
أوادعك ودموع عينـي تغـارق

ليلة وداعك كم بكت نفس ونفوس
على وداعـك مايبونـك تفـارق

يا كثر ما علمتني درس ودروس
الله يبيحـك والمدامـع تشـارق

***********************************




يابوي طعم العيد... بدونك ولا شي
والله طعمه( مُر) من غير شوفـك

(العيد) والله يـوم أضمـك بيـدي
وبوس راسك ثـم أقبـل كفوفـك

عز الله إني شفت موتي وانا حـي
من كثر ملمح فالزوايـا وصوفـك

يابـوي مامثلـه ولا شفتلـه زي
طيفك وأنا ما أنسا يابوي معروفك

تدري بأني لا تضايقـت وش فـي
لاجيت تسئل وأرتمي فـي كتوفـك

تمسح دموعي لي وتقولهـا لـي
تقول ( يابنيتي) أنسي حزنك وخوفك

والله طعم العيـد بدونـك ولا شـئ
والله طعمه ( مُر ) من غير شوفك
والله طعمه ( مُر ) من غير شوفك
والله طعمه ( مُر ) من غير شوفك

__________________________________


اول عيد يمر من غير ابوي 21 سنه وحلاو العيد ابوي اللي يشتريه وكان يخبيها عنده قبل العيد بثلاث ايام لاني لو عرفت مكانها ماراح اخلي منها شيء بخلصها قبل مايهل العيد واللحين فقدت الحلى كله فقدت ابوي وفقدت حلى الدنيا من بعده اشتقت له واشتقت للحلاوه اللي يجيبها دايم فكل عيد
..


**************************************


جيت المكان اللي شهد موت غالي
قامت دموع العين تذرف هماليل
فقدت من فرقاه أغلـى الرجالـي
وصارت حياتي كل ابوها تهاويل
والقلب من بعده على نار صالـي
ذاق العنا والهم واليتـم والويـل
هو السند هو عزوتي راس مالي
باسمه أباهي يوم أنا لإسمه اشيل
يكفي فراقه فـاق كـل احتمالـي
والا الحياة بفضل ربي تساهيـل
راح وتركنا أيتام فـي هالليالـي
مانشتكي من نقص والا بهاذيـل
ماقـد شكينـا حاجـة للريالـي
نشكي غيابه شيخنا ذابح الحيـل
عساه في الجنة بوارف ظلالـي
ونلقاه ساكن في رفيع المنازيـل
يالله يارب السمـاء ذا الجلالـي
ياخالقٍ دنياي محصي المكاييـل
ترحم ابوي وترحم اليوم حالـي
من ساعة الفرقا ودمعي هماليـل..



*******************************************

ياقبر اعز انسان غالي رقد فيك
خفف عليه من التراب الثقيلي
ياقبر ماني طيب عقب راعيك
اللي رعاني صار عندك نزيلي
اغليك انا ياقبر من حب غاليك
مرحوم ياراعي الوفا والجميلي
ياللي سكنت القبر صوتي يناديك
موتك جرح قلبي وهديت حيلي
ماارتاح والله لين قبري يوازيك
واعلن من الدنيا العريضه رحيلي
واشق جيبي كل ما حل طاريك
كنت افتكر عمرك معانا طويلي
يبكي عليك البيت من عرض اهاليك
ليا دخلت البيت دمعي يسيلي


***************************************


احبك ياابوي ..
كل عام وانت فأعلى المنازل ..



حبيت احط موضوع افضفض فيه عن اللي فخاطري وحزني على حالي فاول عيد من غير الغالي ..
الموضوع لاأي وحده تبي تفضفض..
وتكفوون يالاداره لاتحذفون موضوعي مالي بعد الله غيركم افضفض له


*******************************









فمان الله


156 تعليق 23,097 مشاهدة

شاركي في النقاش

سجلي الدخول لإضافة تعليق.

التعليقات

154
  1. @am_albnat99

    الله يرحم ابوي ويرحم ابوك واموات المسلمين يارب هذا حال الدنيا ياختي ماتصفي لحد عليكي بالدعاءله اذحزنتي عليه ماراح ينفعه بشي
  2. الله يرحم ابوك ويعلي منزلته ويجمعك به في فردوسه الأعلى
    ويرحم ويغفر لأبوي ويجعل قبره روضه من رياض الجنه ويجمعني به في فردوسه الأعلى ,, هذا عزائنا
    والله يلوم اللي يلومك ,, ابوي متوفي من سنين وعجزت انساه في كل رمضان الناس تبارك بالشهر وانا انوح
    واذا جا العيد احس بغصه وبحزن يقطع القلب عجزت انساه او اسلى عنه اذكر ادق التفاصيل لكن مانقول الا مايرضي الله
    وسبحان من هذي سنته في خلقه والله يرحم من ماعاد عليه العيد
  3. @ord_thfar

    ياقبر اعز انسان غالي رقد فيك
    خفف عليه من التراب الثقيلي
    ياقبر ماني طيب عقب راعيك
    اللي رعاني صار عندك نزيلي
    اغليك انا ياقبر من حب غاليك
    مرحوم ياراعي الوفا والجميلي
    ياللي سكنت القبر صوتي يناديك
    موتك جرح قلبي وهديت حيلي
    ماارتاح والله لين قبري يوازيك
    واعلن من الدنيا العريضه رحيلي
    واشق جيبي كل ما حل طاريك
    كنت افتكر عمرك معانا طويلي
    يبكي عليك البيت من عرض اهاليك
    ليا دخلت البيت دمعي يسيلي


    وانا بعد هاي اول رمضان يعدي والعيد الي جاي بدون ابوي وربي نفس احساسي

    الله يرحم ابوج وابوي وجميع موتى المسلمين يارب
  4. @kr_aayony

    وأنا أول عيد من غير أبوي ومن البارح وفيني ضيقه مارتحت غير يوم بكيت والاآن كلامك بكاني الله يرحم أبوي وأبوك ويجمعنا معهم بالفردوس الأعلى ويرحم جميع موتى المسلمين اللهم آمين

تابعي تجارب أخرى من هذا القسم.