بكريه وولدت الحمد لله .. لكن اكتشفت عاده سيئه في بعض النساء اللي ولدوا الله يهديهم
قد يحتوي هذا الموضوع على محتوى غير مناسب. عرض الموضوع
السلام عليكم ورحمة الله وبركاته
عزيزاتي بنات حواء
الحمد لله ولدت يوم 14 رمضان طبيعي الحمد لله وجبت احلى بنوته ربي يخليها ..
بعد طلق لمدة ث ايام لكن صدق من قال ان الم الولاده ينسى بعد مانشوف البيبي سبحان الله ..
المهم
انا مو حابه اقول قصة ولادتي اللي ابي اقوله شي اكتشفته وانا بغرفة الملاحظه بعد ماطلعت من غرفة الولاده
بصراحه اساليب بعض الحريم مستفزه لأبعد درجه وفي النهايه تحط الغلط عالمستشفى باللي فيه وتجي تسب
وتلعن فيهم هنا في القسم طبعا مو الكل مبالغات ومحبات للاثاره ودب الرعب في نفوس البكريات <<< حلوووه
دب متعوب عليها ..
المهم مالكم بالطويله , وانا بغرفة الملاحظه بصراحه طاقم النيرسات وكل الموجودات في قسم الولاده رائعات
تعامل راقي واسلوب محترم وحبوبات وحنونات لأبعد درجه وانا عاملتهم بالمثل وهذا اللي لازم يصير لكــــــــــــن !!!
فيه بجنبي كان سريرين وبيننا ستاير طبعا هذا قبل مااروح غرفتي وكل ماتجي القابله عند وحده منهم تبي
تسوي مساج للرحم ومن هالكلام
وحده تقول : اف عورتيني بلا في شكلك , ابعدي عني ياللا انقلعي وش ذا المستشفى ومن هالكلام
ويشهد الله ان القابله ماسمعت منها اللا خلاص حبيبي وهذا لمصلحتك ومن هالكلام بأسلوب جدا راقي
والثانيه : ابعدوا عني ياحيوانات انتي يامجرمه وانتي ياحقيره والله لأشتكيكم وهم قسما بالله كان تعاملهم ماعليه
كلام بس بعض الحريم الله يهديهم اساليبهم وتربيتهم ماادري وش اقول عنها ياخذون فكره غلط عن بعض
المستشفيات بنظره قاصره هم يشوفونها وهي بعيده عن الواقع ويجون يسبون في المنتديات ويخلون باقي
الحريم يبطلون ويبعدون عن المستشفى المذكور وكل الكلام غلط ..
هذا شي شفته وحبيت انقله ان مو كل من قالت شي او اشتكت من مكان تكون صادقه بالعكس فيه البعض
مبالغات بشكل مو طبيعي ويحبون البهارات الزايده على قصصهم ..
تحيــــــــــــــاتي