اليوم جتني عيديه بس مادخلت قلبي

اليوم حصلت على عيديه

عيديتي 100

تدرون بنات متى تطلع العيديه حلوه لما تاخذينها من قلب يحبك .. ومايكونون عطوها لك مجامله مثل عيديتي

كانت وحده من قرايبنا تعطي بنات اخوي عيديه على 50 ريال ونا كنت بجنبها والله ماكانت هي ناويه تعطيني بس شكلها

انحرجت وعطتني حتى انا اصلا كنت منحرجه انها جالسه تعطي الصغار فكنت منزله راسي فلما عطتني قلت لاتكون بس ظنت

اني اقصد بحركتني هذي انه ونا ماعطيتيني يعني بديهيا انا بنت كبيره مو بزره ومو بعمر العشرين حتى دخلت الثلاثين

فستغربت منها وقلتلها لاوالله ماخذها هذول صغار اما انا كبيره قالت لا عادي هالعيديه في السنه احسنه حالك حال البنات

تقصد بناتها بس بناتها صغار 20 و15 يعني مو كبرهم انا وهي اربعينيه .. مرات احس الناس تعاملني كأني دنيئه نفسيا وانه

احب العطايا مع انه والله انا مو كذا يمكن تعبيراتي بالحيا لما يسوون اي موقف يبين لهم انه يلا ادفعو عني او عطوني مع انه انا

مو كذا والله بالعكس احب المشاركه خاصة بالطلعات لاني وحده ولا عندي احد اطلع واجي معاه فأفرح لما اروح مع احد من اهلي

فلما مثلا نكون بنتغدى برى يقولون يلا خلونا نطلب فانطلب جميع فهم لانهم خوات خلاص وحده فيهم تدفع للجميع

ثم يتحاسبون فلما اقولهم بكم الوجبه يقولون لا خلاص على احسابنا واذا جات المره اللي بعدها انا ادفع لهم كلهم

عشان ارد لهم عزومتهم لي مع انها وجبه لي انا بس انا طبعا ما اقيسها بالكم ولكن اللي ابغى اوصله لكم انه انا ماعمري

قصدت لافي عيد ولا في طلعه مع احد انه عطوني او ادفعو لي فاليش الناس تظن فيني هالشئ لاني اشوف تعبير وجهم

وكانهم متوهقين يدفعونلي او زي هذي لما عايدت علي مع العلم هالانسانه هذي في كل ولاداتها كنت اهديها ذهب

4 مرات اهديتها ذهب مره اسواره ومرتين قلبين مع سلسلتهم ومره خاتم ومرتين على 500 ريال وطول عمري

تمر علي مناسبات ماعمرها ردتلي شئ حتى اذا جات تعطيني فاتعطيني ارخص الاشياء وهي ماشاء الله موظفه

وراتبها كبير ومو زعلانه ,, لاني لما اهدي احد من طبعي ما انتظر الرد لانه عيب بس اللي يبي يردلي مايهديني شئ اقل

من اللي يقدر يهديه لي وكانها تقول انتي ماتستاهلين مع اني قدرتها واحترمها هي وغيرها بس مدري وش السر

ورى هالتصرفات

وش رايكم انتو :44:

30 تعليق 3,957 مشاهدة

شاركي في النقاش

سجلي الدخول لإضافة تعليق.

التعليقات

29
  1. @hrkh_aafoyh

    لا ياقلبي انتي حيل حساسه ترى مراح تعيشين وبعدين الناس عيد عادي لو تعطيك 10 ريال وانا بعد وحده عطتني 100 مع اني مو جاهل ولا محتاجه وعادي مافيها شي حنا بعيد ............والناس للناس بالامور اللي ذكرتيها انك تطلبين وتدفعين او غيرك يدفعلك كلنا هيك عادي حبيبتي
  2. @am_sdym_1

    المشاركة المقتبسة غير متاحة.

    ياختي انتي حسااااسه زياده عن اللزوم.... عيشي حياتك ولاتحللين النظرات والناس لانك راح تتعبين واحسني الظن بالناس حتى لو قلبك قالك غير كذا
  3. @bhr_bark

    المشاركة المقتبسة غير متاحة.

    حبيبتي لاتزعلين الي استنتجتوه انك انت حساسه شوايه تري الموضوع عادي
  4. @groh_mbaathrh

    المشاركة المقتبسة غير متاحة.

    طنشششششششششششي والله كذاا رااح تتعبيييييين بالحيييييييييييييييييييييييييييييل
  5. @ohdh_mn_albshr

    صاحبة الموضوع

    المشاركة المقتبسة غير متاحة.

    بس انا شفتها كيف كانت متردده انها تعطيني عيديه ونا اصلا ولافكرت فيها

    فاموحلوه بحقي وبنفس الوقت صعب الشعور ان اللي قدامك كأن احد غاصبه

    يسوي شئ مايبغاه ,, يمكن اكون حساسه بس لاني احافظ دائما على مشاعر الاخرين

تابعي تجارب أخرى من هذا القسم.