شاركي في النقاش

سجلي الدخول لإضافة تعليق.

التعليقات

1,977
  1. بنات الله يجزاكم خير ابي مساعدتكم
    نبي نروح لندن اسبوع وش تنصحوني فيه وش الاماكن الزينه تستاهل الزياره
    وبعد ابي اسواق تبيع تنانير كشخه وفساتين تكفون ابي فزعتكم
  2. @basta

    كل عام وانتم بصحه وسلامه

    كيفكم يابنات بريطانيا

    انا جارتكم في امريكا

    ولا سالت وش نسوي في 11-9 الاجواء جدا عاديه واصلا مايتذكرون هاالايام

    اهم شيء بطونهم وشغلهم ووناستهم

    في بعض المدن الكبيره ممكن يكون فيها متعصبين بس اغلب المدن عادي

    المهم عندي سؤال وان شاء الله تجاوبون عليه

    كم راتب المبتعث مع مرافق وطفل في بريطانيا؟
    هل الراتب يكفي ام المعيشه جدا غاليه وتحتاجون تاخذون من اهلكم في السعوديه؟
    قصدي هل يكفي مسكن وفواتير وملايس واكل؟
    ايش افضل مدينه تنصحون فيها تكون اقل المدن غلاء والجامعه كويسه وتعامل الدكاتره كويس ومايكون فيه عنصريه؟

    سمعت في بريطانيا فيه شوي عنصريه

    انا تخصصي تسويق او بزنسس عام

    مشكوررررين والله يعطيكم العافيه
  3. @um_hana2

    كل عام وانتوا بالف الف خير ياحلوات

    يلو مانقو
    الحمدلله على السلامة .. انا لسى في السعودية والله وحايسه مع بحثي ربنا يسهل بس النادي ما اعلنوا عن اي اجتماع للحين ماجا شي على ايميلي بس راح اسال واشوف
    بالنسبة للبيبي ستر انا ماجربت وحده تجيني لكن اشوف في النت فيه حاضنات كثير ممكن تلقين وحده حول منطقتك
    الله يعينك صراحة الدوام المسائي مو مره
    بس كلها فتره وتعدي ان شاءالله الله يسهل لك
  4. يسراالبسرا
    بنات الله يجزاكم خير ابي مساعدتكم نبي نروح لندن اسبوع وش تنصحوني فيه وش الاماكن الزينه تستاهل الزياره وبعد ابي اسواق تبيع تنانير كشخه وفساتين تكفون ابي فزعتكم
    كتبت رد في الموضوع السابق بس دورت تو ومالقيته ..

    المهم
    انا رحت قبل شهر وشوي مدة أسبوع
    قسمناها بحيث نستفيد أكبر قدر ممكن .. طبعاً راح منها يومين عشان زوجي كان عنده شغل ..
    نقوم من الصبح ونطلع وما نرجع إلا الليل أو نرجع العصر شوي وبعدين نرجع نطلع

    ميزة لندن تمشي وتفرجي
    حتى لو بس في الشوارع زي اكسفورد مثلاً

    أكثر شيء حبيته مطاعمهم
    المطاعم اللي رحت لها وصدق روعة

    صدف (إيراني)
    http://www.sadaf-restaurant.co.uk/

    نورا (لبناني)
    http://www.noura.co.uk/

    مسكوف (عراقي) Le Chef Masgouf‎
    رحنا للفرع هذا

    41 Connaught Street, Paddington, London, W2 2BB

    الفرع الثاني مزحوم مرة ما حبيته

    بريزو Prezzo إيطالي
    مو مرة مميز .. المقبلات حلوة لكن الأطباق الرئيسية عادية

    http://www.prezzorestaurants.co.uk/



    أماكن الزيارة اللي أحبها
    الهايد بارك أحبه مع انه هالسنة صاير أصفررررر للأسف
    الريجنت بارك بعد حلو
    ركبنا الـ لندن آي مرة حلوة ..
    مرينا قصر الملكة بنشوف تبديل الحرس مع اننا وصلنا عالوقت بس كان مرة زحمة
    ولا قدرنا نشوف شيء
    بس ما أدري هل خلص وقت العرض أو لا لأني سمعت انه 3 شهور في السنة << ما أدري عن صحة هالمعلومة
    متحف الشمع (مدام توسو) ما رحت له بس يقولون حلو
    فيه متاحف كثيرة يمدحونها بس ما رحنا

    رحنا لـ اليقو لاند Legoland
    ملاهي أطفال مرة حلوة انبسطوا عيالي

    http://www.legoland.co.uk/Plan/Events/Pirates-Of-Skeleton-Bay/?month=9&year=2010



    رحت للأسواق حاولت أشوف لي فساتين بس ما لقيت شيء مناسب
    واللي أعجبني يجي غالي مرة يعني فوق 2000 باوند

    الأسواق اللي رحت لها هارفي نيكلس، هارودز، سلفردجز
    هي أغلى الأسواق طبعاً لكني سمعت كثير يقولون ان فيها فساتين حلوة
    أنا أحب الناعم البسيط .. لقيت بس مو زي اللي في بالي

    و يقولون فيه محلات متخصصة حلوة فيها الغالي وفيها الرخيص
    أتذكر دوين قبل كم يوم قالت لي عن محل على البوند ستريت .. بس ما بعد رحت له


    BASTA
    شوفي هالموقع

    http://www.uksacb.org/index.php?option=com_content&view=article&id=74:2008-10-24-14-34-45&catid=37:financial-dep&Itemid=131

    الراتب يكفي بعض الأوقات وأوقات تنزنقين !! .. بس ما ناخذ من أهلنا ..

    اما المدن والجامعة ما أقدر أفيدك المدن البريطانية متشابهة لحد كبير

    بس من ناحية الغلا
    المدن اللي في الجنوب وقريبة من لندن غالباً تكون أغلى من مدن الشمال

    بريطانيا بعض شعبها عنصريين وبعضهم عادي

تابعي تجارب أخرى من هذا القسم.