كل عام وعيدكم عيد مسك وعنبر
بالصدفة وجدت النتيجة هذي وحبيت أفيد فيها أخواتي:
(وهي أن تجعلي المكيف بريحة المبخرة)
إذا مكيف الغرفة سبيلت سواء غرفة الضيوف أو غيرها
وحبيتي أنه يطلع لك ريحة المبخرة كل ماشغلتيه
إليك هذه الخطوة البسيطة:
لما تصلحين المبخرة وتنتهين من تبخير البيت
خلي المحطة الأخيرة للمبخرة في هذي الحجرة وشغلي المكيف وقفلي الباب
واتركيها لما ينتهي البخور
فقط نصف أو ربع ساعة
(انتبهي تخليها فترة طويلة بعدين تطلع الريحة فحم
طلعي المبخرة، وبتلاحظين أنه الريحة تطل عليك كلما شغلتي المكيف لفترة غير قصيرة
إن شاء الله المعلومة تفيد أحد من خواتي
أنا جربتها مع البخور (المعمول)
العود ماجربته بس اتوقع نفس النتيجة ـ والله أعلم ـ