وصلنا عندك يا مهى
أول شي, شلونك؟ اشتقنالك.. أنا التهيت بولادتي و ابني بعدين و ما عاد عندي فرصة اسأل عن حدا
لا حبيبتي, ماني حامل.. حرام عليكي يا شيخة, ما صرلي 3 شهور والدة.. استني حتى انسى شوي آلام الولادة :D
و ناديني ام غسان, مع اني لسى صغيرة و ما بحب حدا يناديني ام فلان.. اسمي بيكفي و بيوفي :39:
يللا خلينا نرد عليكي
زوجك كان معه حق بطلباته, لأني لاحظت ان الوحدة بس تقعد بالبيت بتسمن و بتصير من جارة لجارة.. بس هذا مو خطأ بالمبدأ, هذا خطأ بالتطبيق
بعدين انتي كنت محظوظة, زوجك قعد مع أول ولد.. بس مو الكل محظوظين مثلك.. هذا اذا جاز لنا نسمي قعدة الرجال بالبيت حظ!! :arb:
شوفي أنا قبل ما احبل كنت دور على شغل, حتى لو بتتذكري قلتلك اني قدمت عندكم بالجامعة و كنت short listed
لأن أول أيام الزواج, خصوصا بالغربة, ملل بكل معنى الكلمة
بس هلأ كل قناعاتي تغيرت بعد ما اجى غسان الله يحفظه
بتعرفي انه نحن النسوان بنعمة و مو حاسين؟؟ تخيلي زوجي شو حكالي.. قالي نيالك, حتكوني أول وحدة بتشوفي ابننا لما يمشي, و لما يحكي, و لما ياكل... الخ
لو مو مضطر اشتغل مشان اصرف عليكي انتي و ابننا, كنت استقلت و قعدت جنبك مشان اقدر كون مع ابني بكل لحظة مهمة بحياته
من فترة ببرنامج اوبرا شفت حلقة عن موضوع عمل المرأة.. كل النساء العاملات بلا استثناء كانوا نادمين لأنهم ما بيلاقوا وقت كفاية لأطفالهم.. و المشكلة الحياة بالغرب صعبة, و الرجل يفرض على المرأة العمل لأنه لا يحب ان يتكفل بمصاريفها
حتى اوبرا حمدت ربها انه ما عندها أطفال و الا ما كانت عرفت كيف تشتغل!
و الله نحن بنعمة
بابا من يومين شاف تقرير عن حرية المرأة و عملوا مقابلات مع نساء عاملات
بتعرفي شو حكوا؟ قالوا نحن لا نعتبر عملنا حرية لأننا لسنا مخيرين بالعمل.. نحن مضطرين للعمل لأن راتب أزواجنا وحده لا يكفي.. لذلك نحن نتعرض للذل و المهانة و احيانا التحرش من الموظفين و لا نستطيع ان نثور لكرامتنا لأننا نحتاج الراتب!!!!!!!!!!
أي حرية هذه؟ الحرية الحقيقة هي أن يكون لك الخيار بأن تعملي متى شئتي و تتركي العمل متى شئتي..
تخيلي ان هؤلاء النسوة العاملات حسدن ربات البيوت على الرفاهية التي ينعمن بها.. و على قدرتهن على التواجد مع ابنائهن...
بعدين يا مهى يا حبيبتي, فلوس الدنيا بتعوضك عن ابنك؟؟ انا ما قصدي عليك تحديدا لأن اولادك صاروا بالمدرسة و دوامك حلو, بس فترة وحدة.. بس تعي شوفي غير بيوت.. الام عندها دوام طويل (مشان الفلوس) و بناتها بالبيت حاسين بفراغ.. النتيجة: علاقات مشبوهة مع الشباب.. و هذا الكلام مو من راسي.. في بنات كانوا معنا بالمدرسة, ما شاء الله أهلهم صلاح و تقوى, بس الام لاهية (ممكن مو بس العمل شاغلها, في نسوان من جارة لجارة و اولادهم بالشوراع)
المهم كان في بنت بعرفها, مو مخلية شب من شرها, تتصل على الشباب بكل عين وقحة و تطلب تقابلهم بنصاص الليالي و امها و لا حاسة
بتعرفي كم كان عمرها؟؟؟؟ رح تنصدمي.. 13 سنة بسسسسسسسسس
و يا مهى ما بدي ذكرك شو حكيتي لما زرتيني بالامارات.. بس صدقيني المرأة بتحب زوجها يشتريلها و يصرف عليها.. أصلا زوجي قالي انه بالنسبة له يللي بيحب وحدة لازم يصرف عليها دم قلبه مشان تعرف مقدار حبه..
و بعدين أنا من دون ما اشتغل زوجي مقدرني.. أكيد مو طول الوقت.. بس الصبح بيشوفني تعبانة لأني سهرانة طول الليل مع ابنه, فبيزعل علي و ما بيقومني ساويلو فطور..
و حتى قبل ما يجي ابني, أيام الحمل كنت تعبانة و كان يجيب كل يوم غداء من برا مشان ما اتعب بالطبخ
هذا طبع بالرجال.. يعني مو ضروري تشتغلي حتى زوجك يحس فيكي
موضوع للنقاش- ربات البيوت بصراحة هل أنتن راضيات عن حياتكن؟
متابعة النقاش، صفحة 8
