الله يطمن قلبك على كل غالي ادخلي وطمنيني

هلا خواتي
انا مشكلتي باختصار بنتي لها 10ايام داخله بالشهر الخامس رخوه مره رجولها ماتوقف عليهاوالغريب انها دائما بعيده عن بعض يعني لما اوقفها تصير كل رجل لوحدها وتنزل تحت طبعا سوينا لها اشاعات كثيره تاكدنا ان ماعندها خلع وركي ولله الحمد وعرضناها على اخصائي عظام وقال شئ طبيعي في هالعمر ورفض يعطيها اي فيتامين يقول ماتحتاجه فقط عرضيها للشمس مع ان رقبتها لسى ماتثبت وبرضوا يقول عادي وانا بصراحه قلبي مو متطمن خايفه عليها مره خصوصا انها اول مولود لي ربي يحفظها والان لي تقريبا 10 ايام اعرضها للشمس بس مااحس فيه تحسن وطبعا انا ان شاء الله راح اعرضها على اخصائي عظام ثاني بس ابغى اتطمن اول عليها من خلال تجاربكم ومن تدخل وتطمني عسى ربي يطمن قلبها على كل غاااالي يارب انتظر ردودكم000

10 تعليق 3,346 مشاهدة

شاركي في النقاش

سجلي الدخول لإضافة تعليق.

التعليقات

9
  1. @ampstrongamp

    بنتك تقريبا بعمر ولدي لاتخافي شمسيها بس بسألك انتي تشربيها منقوع التمر لانه ممتاز
  2. @aashktk_mnth_tfolty

    صاحبة الموضوع
    &strong&
    بنتك تقريبا بعمر ولدي لاتخافي شمسيها بس بسألك انتي تشربيها منقوع التمر لانه ممتاز
    الله يعطيك العافيه انا اشمسها من 10 ايام وراح استمر ان شاء الله ومنقوع التمر لاوالله مااعطيتها اياه نسيت اقول ان بنتي بدات تنقلب ولله الحمد وطبيعيه حركاتها وانتباهها
    انتظر باقي الردود000
  3. @ampstrongamp

    دامها تنقلب ماافي الا العافيه وطبيعيه بنت عمي كانت بنتها كذا والحين عمره سنه ونص ومشالله عليها
  4. @naanaaah4

    اسدحيها على بطنها عشان ترفع رقبتها وتسوي لها تمرين لو 5 دقايق يوميا وبالنسبه للوقفه عطيها مع الحليب حلبه واذا كانت سمينه ماتوقف بسرعه ترى
  5. @bnt_aatybh_bnt_alaaz

    الله يخليها لك
    والله ثم والله ولد صديقتي ماصلب الا بالثمان شهور
    ومثلك خافت ووسوست بس الحمد لله بالثمان صلب ورفع رقبته
    والحين عمره سنه و3شهور ويسابق اخوانه مافيه الا العافيه
    بس نصيحه حطيها ع بطنها عشان ترفع رقبتها
    حاولي توقفينها اكثر من مره باليوم كتمرين لها
    عطيها رضعة حلبه كل يومين
    فيه بالصيدليه سكر الجلكوز مدعم بالكالسيوم وفيتامين دال خاص للرضع حططي ملعقتين صغار مع الرضعه ممتازوعرضيها للشمس
    وان شاء الله بعد فتره بتراسلينا وتقولين تعبت من بنتي من كثر الحبي<<وجه مبتسم





    ودمتي بود
    اختك
    بنت عتيبه

تابعي تجارب أخرى من هذا القسم.