تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

متابعة النقاش، صفحة 234

شاركي في النقاش

سجلي الدخول لإضافة تعليق.

التعليقات

2,165

  1. @aazyz_almnal

    ازيكو يابنااااااااات

    نادو واحشنا كتير ياريت متغبيش عننا بأه تاني
    رمال كلامك صح و ميه ميه ولا فراخ الجمعيه وياريت الكل البنات تاخدوا في الاعتبار
    أملي اهلا بيكي معانا و مستنيين تملي السي في بتاعك عشان نتعرف عليكي اكتر
    دوعه انتي عسل هاتي العيديه بأه بتاعتي

  2. @dodaaa_1

    عزيزة المنال
    ازيكو يابنااااااااات نادو واحشنا كتير ياريت متغبيش عننا بأه تاني رمال كلامك صح و ميه ميه ولا فراخ الجمعيه وياريت الكل البنات تاخدوا في الاعتبار أملي اهلا بيكي معانا و مستنيين تملي السي في بتاعك عشان نتعرف عليكي اكتر دوعه انتي عسل هاتي الع…
    ازيك يا زوزة
    عيدية ايه
    دانا غلبااااااااااااااااااااااان:44:
    العيد عندي لافيه كحك ولا عيدية ولا خروجات ولا ضيوف
    الاختلاف فيه ان اتصلنا بالناس في مصر عيدنا عليهم ودمتم
    هاتي انتي بقي عيدية:39:

  4. @shymolata

    رمـــــال
    وداع .. ازيك ياحبيبة قلبى عاملة ايه .. انتى فعلا عندك حق انا متدايقه بسبب الغياب المبالغ فيه ده واتمنى ان البنات يرجعوا ينتظموا تانى .. وبرغم ان الغياب طول لكن الغايب حجته معاه واكيد ظروف هى اللى اخرتهم عننا .. بس عايزة اقول كلمة للبنات …
    والله ياريمو انا موجوده كل يوم وبدخل اطمن عالبنات ولو عندى رد على حاجه بقولها عالعام او عالخاص بس انتى عارفه ان كلامى قليل ومش بعرف اتكلم كتير لكن بكون هنا معاكم هوا انا يعنى ليا مين غيركم ولا عندى حتة تانية اروحها بس من كتر قلقى عاللى غابو بطلت اسأل وبقيت استنى يمكن حد يرجع منهم

  5. @rmal_8

    زينب ابراهيم
    نفسيتي صفر وأي حاجه ولو صغيرة نتخانق أنا وجوزي مش عارفه حاسه بإحساس غريب مش قادرة أقولكو عليه
    وحدى الله يازوزو وركزى كده انتى ايه مدايقك مش تدايقى روحك على الفاضى لازم يبقى فى سبب لخنقتك دى واعتقد انه بسبب البيريود قربت .. شوفى لو هى فعلا قربت تبقى هى السبب ومودك ده طبيعى جدا يبقى مش مظبوط ..
    بلاش بقه تعكننى على الراجل اللى معاكى واللى ملهوش ذنب فى كل ده كان الله فى عونه ليه الجنه ان شاء الله من عمايلك ..:27: انا قربت افتح ملف "صرخة رجل " اجمع فيه الازواج المساكين دول واخليهم يفضفضوا مع بعض من عمايلكم ولو ما ارتجعتوش هشتغل لهم خاطبة واجوزهم تاااانى :35: واللى خايف على جوزو يرجع لعقله :39:
    وبعدين تدايقى واحنا موجودين بقه ده اسمه كلام عيب عليكى وجاية تقوليهالنا فى وشنا كده .. يالا احنا كلنا هنتحملك وامرنا الى الله بقه مضطرين نسمعك وربنا يستر ودانا متتخرمش

تابعي تجارب أخرى من هذا القسم.