تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

ازيك ياتوتا
كل سنة وانتي طيبة
انا عارفة ان اول حاجة حتقوليها اللي متجوزوش؟
وعارفة نعمة ربنا اللي من علي بيها في جوزي
جوزي جنة ولله الحمد
اكتر ما حلمت كشخص
ومتفاهمين من اول يوم
بس كان فيه مشاكل كتير قوي بتحصل وكانت كلها بتنزر بصعوبة ظروف الحياة بس كان ديما بيطمني بحبه وبقول ان ده اغلي من كل الماديات التافهة
وكنت عارفة ظروف السجن هنا بس كنت بصبر نفسي باولادي اللي هما حياتي الحقيقية اللي مستنياها وعشانهم استحمل كل حاجة وكل التعب في الاخر ليهم وده كفاية
ولما تاخرشوية بقيت بصبر نفسي بحاجات كتير
ولما اتاخرو قوي واقترن ده
بعدوان علي ممتلكاتنا
وباننا ممكن نبدا من الصفر
الاول خدتني الشهامة الطبيعية بس دلوقتي جايني وسواس اني مينفعش اعيش تعبانة وفي الاخر تعبي يروح لغريب
ولما بتخنق جامد
افضل اقول اني كفاية عليا متعة النهاردة وياعالم ببكرة واصبر نفسي بالامل والتفاؤل
بس في لحظة بتخور القوي
والواحد بيكون مش قادر يضحك علي نفسه وخصوصا انك بتتحاملي علي نفسك عشان تحطي طوبة امل في سيل من الهدم والياس

انا قصدي باسئلتي
اني حاسة من غير طفل اني ضيفة في بيتي وعلي حياة الشخص ده وانه اصلا مش بيتي
واي حاجة بينجزها الزوجين دول ملهاش فيها حق حتي في آخر العمر بتبقي برده ضيفة علي كتير
بالقانون وبالشرع في بيتها
ده اللي عاوزاكو تغلطوني فيه وتقنعوني انه مش حقيقي