♥♥ تجمعنا الـسابع 17عشر لأحلى مواليد أكتوبـ10ـر & نوفـ11ــمبر & ديـسـ12ــمبر ♥♥

أم راكان

نداء خاص ياريت تذكري لنا عن الحلبه لتسهيل الولادة باذن الله..

اذكر كنتي حريصة ع الموضوع وبحثتي عنه فياريت تفيدينا ياقمر :)

ان شالله .. تسلمين ياقلبي



هلا ياعسل .. قاب فيه بالظهران مول بالتوسعه

ويمكن يكون بتوسعة الراشد مدري انا مااروح لتوسعة الراشد كثير

ونكست دايم حلوو وروعه حتى قطنهم بالبجايم حقت الاطفال روووعه




هلا ياعسل

ماني عارفه وش تقصدين بالقمصان والجلابيه .. اذا قصدج القمصان العاديه ابحثي عنها بالنت وشوفي اشكالهم وانتي تقدرين تتفنين فيها لكن ماتسوى سعرها تخيطينها .. وصي احد يشتريها لج ويرسلهاا

والجلابيه اذا قصدج حق استقبال نفاس وكشخه فيه موديلات كثيييره حلووه بالنت لو تبحثين بتلاقين

والله يعينج عالنقل .. ماشالله كثيييير معنا بالتجمع نقلووو اكرره شي بالحياة النقل اووف .. انا مجربته من غرفه اول ماتزوجت كنت ساكنه عند حمولتي وبس ملابسي وملابس زوجي وطلعت روحي بالترتيب والتعزيل .. وشايله هم لو بننقل ان شالله وش بسوي خخخخ الله يسهل للكل ان شالله


هلا وغلا ياقلبي

الحمدلله ع سلامتج ياعسل ..



هلا ياعسل.. والله الطلق مايخوووف ابد الله معنا ان شالله .. والله يعافي الكمام يهدي الالم شوي .. الي شايله انا همه الفحص الداخلي اكررررهه بشكل مو طبيعي .. وامس اهوجس شلون بفتح رجوولي وقت الدفع وطلعت مشكله اخرى غير الفحص اثاريني كارهه مسأله افتحي رجولج هههههههه الله يهون علينا ويآآآآآآآجرنا ويجزي امهاتنا الجنه



اللهم امين وياج ياعسل وكل حامل ان شالله

والمشي ياشينه مع الثقل .. انا لما امشي بالمجمعات اتعب بس مو كثير ماشالله لكن بس ارجع البيت ودي اصيح من عظامي احسها متفككه مررره



هلا وغلا ياقلبي

شخبارج ..اللهم امين ويسهل لكل حامل ان شالله

بالنسبه للشنطه وحده بس ياعسل تحطين فيها ملابس لج ولـ النونو فقط لان لو خليتيها شنطتين بتصير حوسه ماتسوى كلها 3 ايام حطيهم بشنطه ورتبي اغراض النونو بجهه واغراضج بجهه اريييح مره



هلا وغلا ياعسووله

بالنسبه لـ البلل انا غالبا تتبلل اليوميه عندي من افرازات الحمل زي الماي بس مو كثيره

وساعات تنزل علي افرازات احس فيها زي احساس دم الدوره لما ينزل وربي ارتعب من الخوف افكره دم ويطلع افرازات .. فــ لاتحاتين من ضغط البيبي ان شالله .. بس انتبهي لا زادت كمية الماي روحي

مرت اخوي مره كانت بالتاسع وكانت تمشي تبي تولد عقب مامشت وتنزل عليها مويه وصلت لفخوذها طارت من الفرحه قالت بس ولاده وماانتظرت تروح البيت اقرب مجمع راحت شيكت طلعت افرازات زي المويه بس مو موية الكيس تخيلي خخخخ .. الله يهون علينا ان شالله

وانتبهي من الفحص .. انا اليوم بموعدي قالت الدكتوره مابسوي لج فحص قبل لاتنتصفين بالتاسع ولو احتاج بعد بسوي ولو لا مااحتجتي مابسوي لج ..و الله يفكنا من هالفحص ويخترعون جهاز اشعاعي عن بعد خخخخخ



ههههههههههههههههههه حلوه قليلة الادب ههههه.. الحمدلله ع سلامتها

وعقبالج ان شالله شدي حيلج .. وترا مفعول الجماع عن تجربه يجيب نتيجه .. وكنت ببكري اخف من الحين وماشالله جاب نتيجه ولو اني عوشرت بس جاب مفعولها

اما الحين لا والله مالي خلق لا جماع ولا شي عساني بس اقوم بنفسي وبولدي .. والله يكتب لنا ولاده ميسره



هذا احنا بس كلام نستسهل الكلام والفعل اصعب شي

انا ببكري كنت اقول بمشي ويوم امشي مااقدر نص ساعه وارجع واتعب مرره

والحين قلت لو حصلت لي فرصه مشيت ولو ماحصلت ماني مشقيه نفسي ابد ابي ارتاااح واريح جسمي كافي علي الدرج وشيلة ولدي من جد تعب

الله ياجرنا ويهون علينا ويجزي امهاتنا الجنه

- كقاعدة عامة، على المرأة الحامل اللجوء على الفور إلى الطبيب فى الحالات الآتية:
- إذا كان هناك انقباضات منتظمة كل خمس دقائق لمدة ساعة.
- إذا كانت المرأة فى غير الأسبوع (37) وتظهر لها علامات الولادة المبكرة.
- إذا كانت هناك مياه.
- إذا لاحظت المرأة قلة حركة جنينها.
- إذا كان هناك نزيف مهبلى.
- إذا كانت هناك حمى.
- إذا كانت المرأة تشكو من صداع حاد.
- إذا كان هناك ألم فى البطن.
- إذا كان هناك تغير فى الرؤية.

- من الأفضل للمرأة الحامل فى الشهور الأخيرة حتى وإن لم تعانى من أية مشاكل، ألا تسافر بالطائرة لأنها تكون معرضة للولادة فى أى لحظة.

عذبه

هلا ياقلبي

فديت قلبج .. اي انا سألت عنها وقالولي البنات انها تلين عنق الرحم وتقوي الظهر

وانتي عارفه كيف ظهورنا مع الحمل رايحه فيها .. والرحم لافتح كم سانتي وقف خخخخ

عاد قلت ببدى فيها هاليومين ان شالله بنقعهاا واشرب منها كل يوم كوب او كل يومين كوب ان شالله

والله ينفعنا واياكم منهاااا

واما ببحث عنها بالنت لو لقيت معلومات اكثر ان شالله بحطهاااا

ام ركان
الله يسهل عليكي يارب
تذكرررين لما كنا نقووول وحم قرررف متى تجي الشهور الاخيرة
يارب ترحمنا
اقرى بملفنا الاول والثاني اول ماتعرفنا على بعض
شوووفي كيف قربنا ندخل التاسع ياربي لك الحمد


بسالك >>>> الحلبة ننقعها ونشربها ولا مع حليب

احس مع الحليب طعمها افضل ...مع انه وراي دوام مقدر اشربها كثير ...استحي من ريحتها وبنفس الوووقت مقدر احط عطر
بطبق كلام اختي لما قالت اذا دخلتي التاسع اقطعي العطور ...!!!! عشان الرحم مايشم