عمري 32+ما تزوجت+ماتوظفت+عائلتي ما تحترمني+ماعمري حد عطاني هدية

قد يحتوي هذا الموضوع على محتوى غير مناسب. عرض الموضوع
دعواتكم لي
امي ما تتحمل مني كلمة حركه نظره ابداااا
تبغاني جمااااااد
تبي الناس تهزئني وانا ساكته ماارد
تبي الناس تضطهدني وما ادافع عن نفسي
في البيت حالتي الله بها عليم
مالي اي احترام و تقدير ابدااا
حتى ممنوع اني اعبر عن مشاعري
<< طبيعي الانسان راح يكون له ردت فعل اتجاه اي موقف
عايلتي يبغوني جماد ما افرح في الافراح ولا احزن في الاحزان ولا اتكلم او اناقشهم في اي موضوع يتحاورون فيه
مع اني كبيره
وكلهم اصغر مني
اكبر مني ثلاث بس
اللي اصغر مني يسكتوني ما حد يبي يسمع صوتي واللي مساعدهم على قلة الاحترام الام والاب للاسف
هم اللي ربوهم على كذا
ــــــــــــــــــــــــــــــــــ
الناس ماعمر حد اهدى لي هديه مع اني كريمه في توزيع الهدايااا
ما حد يحب لي الخير
والدليل اي خبر عن وظيفه او اي شي مفيد نزل في سوق او اي شي اللي حولي يدرون وانا اخر من اعلم وبالصدفه دائما
ــــــــــــــــــــــــــــــــــــــــــ
الاطفال متسلطين علي طبعا مب انا بس
عادة الاطفال يتمردون على الكبار
بس يردعونهم اهاليهم
اما انا حاله استثنائيه
لا تمردوا علي ما حد يردعهم
ــــــــــــــــــــ
عمري 30 قلت لكم ادعو لي ودعيتوا لي ما قصرتوا يابنات حواء
والعام 31 ونفس الشي قلت ادعولي
في عام 1430 على طول رمضان كنت الح بالدعاء بالزوج الصالح ماحصل شي
وهالسنه نفس الشي لحيت بالدعاء
ودخلت 32 وعلى شهر 5 الجاي بادخل 33
يعني مابقى على 33 الا 7 شهور
ــــــــــــــــــــــــــــــــ
ومازلت ادعي والح في الدعاء
اقوم الليل
لازمه الاستغفار << بس المشكله اني اسرح وارجع اركز وبعدين اسرح واركز وهذا حالي
سويت كل شي يرضي امي عشان ترضى عني
صرت جماد
تنازلت عن كرامتي عن شخصيتي عن كل شي عشان ترضى هي وابوي
مثل الخدامه ويمكن الخدامه افضل مني بكثير بس عشان يرضون عني
وعشان ربي يرضى عني
ــــــــــــــــــــــــــ
كل اوضاعي احتسبها اجر عند ربي
اقول ما تزوجت ياربي كثرة الانظار والاقاويل والاتهامات فجعلها تكفير لذنوبي وارزقني بالزوج الصالح
يارب امي وابي استنزفوني وانت ترا وتسمع فجعلها تكفيرااا لذنوبي
يارب اخوتي ناسي جيراني اقاربي كل خلقك اضطهدوني فاغفر لهم وسامحهم واجعل ما اجده في حياتي تكفيرا لذنوبي
ــــــــــــــــــــــــــــــ
هذا فيض من غيض
انعزلت
ومع الوقت تتطور الانعزال وصار انطوائ
انطويت على نفسي
صوتي تغير
كل من سمع صوتي قال انتي وش فيك <<< تعبانه
خلاص مالي نفس لاحد
ــــــــــــــــــــــــــــــــــــــ
انا خايفه
خايفه تمضي السنين وهذا حالي ماتغير
اخاف هذا قدري
رفعت الاقلام وجفت الصحف
<<< استغفر الله استغفر الله <<< ربي اني اظن منك الخير دائما وابدااا
خايفه
امي وابوي يموتون
وابقى وحيده
او اصير خدامه لزوجات اخواني
اصير عاله
كل يوم في بيت واحد
استغفر الله
الافكار عذبتني
بس فيني خووووف وحزن غريب
ـــــــــــــــــــــــــــــــــــــــــــــــــــــ
بتقولون قومي الليل <قمت
بتقولون الزمي الاستغفار <لزمت
بتقولون اصبري <صبرت
بتقولون اقري البقرة<قري

ـــــــــــــــــــــــــــــــــــــــــــــــ
ابغى منكم شي واحد
الدعااااااااااااااااااااااااااااااااااء
الدعاء في ظهر الغيب مستجااااب
الملائكة تقول ولك المثل واسرع للاستجابه
يمكن فيكم وحده لو اقسمت على الله لابرهاااا
ــــــــــــــــــــــــــــــــــــــــ

235 تعليق 30,655 مشاهدة

شاركي في النقاش

سجلي الدخول لإضافة تعليق.

التعليقات

219
  1. ابشري بالدعاء بظهر الغيب ياقلبي اسال الله القبول وتجي تبشرينا قريب
    اسال الله ان يرزقكي الزوج الصالح اللي يخاف الله فيك ويعوضك عن كل شئ ويفرج همك ويعوض صبرك خير يارب العالمين ويرزقكي الذريه الصالحه قادر ياكريم

    دعواتك ان ربي يجملني ويجمعني بالشخص اللي اتمناه ويسخر من يدله علي يارب قرب البعيد يارب قرب البعيد يارب قرب البعيد امين امين امين
  2. @aby_asgl_obs

    الله يفرجها لك

    واقولك صابري «معناها غير اصبري هي اقوى من الصبر

    وراضي بما ابتلاك الله من رضي فله الرضا ومن سخط فله السخط

    ومره شكى ابو بكر من الهموم لرسول عليه الصلاة ةالسلام اخبره ان المسلم حتى الشوكه ياجر عليها المسلم ... 

تابعي تجارب أخرى من هذا القسم.