شاركي في النقاش

سجلي الدخول لإضافة تعليق.

التعليقات

219
  1. @ghda_safrh



    مادمت صابرة متحسبة منكسرة بين يدي رب العالمين فثقي بأن الله لا يضيع جزاء من أحسن عملا
    وعليك أن تؤمني بالقضاء وأن في تدبير رب العالمين خير لو علمتيه لذابت روحك خجلاً منه
    واعلمي يا أخيتي أنه لا يوجد نعيم يشبه نعيم الأخرة سوى نعمة الإيمان فكوني مؤمنة وصدقيني
    لن يهمك لو غضبت عليك الأمة أجمع أو جاءك خبر يقين بأنك لن تتزوجي أبد الدهر ..

    فرج الله همك ونفس كربك وأغناك عن خلقه ورزقك زوج صالح تحيين معه حياة طيبة عامرة بذكره..
  2. @dlaa_17

    نصيحه مجربه ..


    " حبي نفسك .. يحبونك الناس

    عزّي نفسك .. يعزونك ويضربون لك الف حساب "


    معليش اختي واسمحي لي اكون قاسيه معك شوي ..

    انتي جالسه بالبيت تاكلين وتشربين وتنامين مالك اي دور ثاني بالحياه وتقولين هم يحسون اني عاله عليهم ؟ هم مايحسون بشي انتي الي تحسين بهالشئ ومتأكده منه بداخل نفسك علشان كذا اي تصرف يتصرفونه يفسره لك عقلك الباطن انك عاله .


    بعدين من قال لك الزواج او الوظيفه بيغيرون نظرة الي حولك ويخليهم يحترمونك ؟


    الطريقة الي من السبت "اول يوم دوامات " تبدين تسوينها هي :

    الصبح .. اشتغلي متطوعه " ممكن بجمعية انسان _ جمعية الاطفال المعاقين _ اي جمعيه خيريه " او اطلبي من اي مدرسه اهليه او روضة اطفال انك تشتغلين معهم متطوعه بشرط يعطونك شهادة خبره ..

    العصر .. سجلي بدوره حاسب _ لغه اي شي انتي ماتعرفينه وطوري نفسك فيه .. " ركزي على الدبلومات الي تفيدك بالوظيفه "

    اوقات فراغك .. اقري _ تثقفي عن الاشياء الي يسولفون فيها بعزايمكم ..

    كل عزيمه اطلعي واكشخي وخليك ثقيله شوي واذا فيه اي موضوع انتي تعرفينه سولفي فيه بكل ثقه " طبعا اكيد بتكونين قريتي عنه "
    اذا سألوك عن شغلك .. تكلمي عن انجازاتك بس لا تقولين تعب ومافيه راتب وتشكين ..

    لا تبينين للناس انك جسد بلا روح وان الزواج او الوظيفه هي الي بترد لك روحك ..


    لا تهدين الا للناس الي تقدرك اما الي ماتقدرك بيني لها انك انتي بعد ماتقدرينها .. تري مو غصب كل الناس يحبونا ويقدروننا ويحترموننا .. بس الي غصب ان الي ساحب عليك تسحبين عليه مو تروحين تهدينه !


    اخر شي ابي اسألك سؤال جاوبي عليه بصراحه ..

    لو الله كاتب لك زواجك بيصير بعمر 36 او 38 .. بتقعدين كل هالسنين الجايه بهالحاله ؟

    غيري نفسك تكفين .. بكرا تتزوجين بإذن الله وتقولين يازين ايام العزوبيه ..

    اي نصايح ثانيه تبينها قولي لي انا كنت اطوائيه مثلك بس مو علشان الزواج .. علشان كان فيه عيب بوجهي كنت اكره شكلي بس بعدين قلت وبعدين ؟ الحياه بعيشها مره وحده وعمري الي بيروح ماراح يرجع

    وبديت بالخطوات والحمدلله الحين تغيرت 180 درجه .. وابشرك عدلت العيب الي بوجهي وكل هذا بدأ بالخطوات الي ذكرتها لك ..


    طبعاً استمري على الدعاء والقران والاستغفار ولا تقولين ليه ومتى وشلون .. لان اسلوبك اسلوب وحده يائسه ..


    ادعي وانتي عارفه انه بيتحقق حلمك ..
    استغفري وانتي مؤمنه ان ذونبك بتخف ورزقك بيزيد ..
    اقري قران وانتي مطمئنه بذكر الله ..

    انسي سالفة الزواج والوظيفه والناس ..

    وانتبهي تربطين سعادتك بالناس ولا بالزواج ولا بالوظيفه .. لان عمرك ماراح تكونين سعيده


    اتكلم لك من واقع خبره وتجربه ..

    الله يوفقك وتقدرين تتغيرين مثلي واحسن بعد ..
  3. يا أختي حتى لو ماتزوجتي ولا توظفتي

    خليك شيء فعال بحياة الناس

    لا تقتلين نفسك كذا

    أكيد لك مواهب لك قدرات لك مميزات تميزك عن غيرك

    فعلي الاشياء الجميلة اللي فيك

    ساعدي اللي يحتاج مساعدة

    خليك شيء جميل مشرق بنظر الغير

    افعلي الخير للناس ..بتجدين سعادة كبيرة

    والناس بتصير هي اللي تتقرب منك وتبيك

    الحزين واسيه

    الفرحان شاركيه

    ساعدي المحتاج

    نوري التايه

    قولي كلمة طيبة

    ابتسمي

    خليك مشرقة

    صدقيني بتتغير حياتك

    بس احتسبي الأجر بكل شيء وبكل خطوة

تابعي تجارب أخرى من هذا القسم.