تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

متابعة النقاش، صفحة 240

شاركي في النقاش

سجلي الدخول لإضافة تعليق.

التعليقات

2,165

  1. @rmal_8

    د.وداع
    انا قصدي باسئلتي اني حاسة من غير طفل اني ضيفة في بيتي وعلي حياة الشخص ده وانه اصلا مش بيتي واي حاجة بينجزها الزوجين دول ملهاش فيها حق حتي في آخر العمر بتبقي برده ضيفة علي كتير بالقانون وبالشرع في بيتها ده اللي عاوزاكو تغلطوني فيه وتقنعوني…
    يا خبر ابيض يا وداع ده بجد .. انا اسفه كنت واخده الموضوع هزار فى الاول بس لا كده كلامك جد
    انتى خوفتينى عليكى يابنتى
    قولى لى بقه ايه اللى جواكى على المكشوف كده علشان بصراحة انا شاكة ان الموضوع مش مسألة الاطفال وبس انتى فى حاجه تانيه وهى اللى فورت القديم والجديد عليكى .. يالا انا سمعاكى قولى كل اللى فى نفسك ومعلش انا بقوللك طلعى اللى جواكى برغم انه ممكن يكون شئ خاص بيكى ومش من حقى انى اعرفه بس طالما وصلتى للمرحلة دى يبقى لازم لازم تتكلمى لانى حاسه انك على حافة الانهيار ياوداع
    بس انا بقه مش هسمح لك تنهارى .. يالا و أدى قاعدة انا سمعاكى اتكلمى

  2. @dodaaa_1

    رمـــــال
    يا خبر ابيض يا وداع ده بجد .. انا اسفه كنت واخده الموضوع هزار فى الاول بس لا كده كلامك جد انتى خوفتينى عليكى يابنتى قولى لى بقه ايه اللى جواكى على المكشوف كده علشان بصراحة انا شاكة ان الموضوع مش مسألة الاطفال وبس انتى فى حاجه تانيه وهى ا…
    مش انهيار والله يا رمال
    الافكار دي بتجيني علطول بس لما بطلعها من جويا وحد يكدبهالي برتاح
    كل الحكاية عاوزة اعرف هي صح ولا غلط
    لان الافكار دي جايالي من احداث حصلت مع ناس
    فانا لما بزهق من الخنقة وافكر اني تعبي ممكن لاقدر الله يضيع بستخسر احتمالي وبقرر اطفش

  3. @rmal_8

    د.وداع
    مش انهيار والله يا رمال الافكار دي بتجيني علطول بس لما بطلعها من جويا وحد يكدبهالي برتاح كل الحكاية عاوزة اعرف هي صح ولا غلط لان الافكار دي جايالي من احداث حصلت مع ناس فانا لما بزهق من الخنقة وافكر اني تعبي ممكن لاقدر الله يضيع بستخسر احتم…
    وداع ياحبيبتى ..
    مينفعش تقولى على الكلام ده افكار دى لا ترتقى لمستوى الافكار لان داخل فيها وسوسة ابليس وحديث نفس جدا فا تستعيذى بالله من الشيطان الرجيم كده فى البداية علشان نتكلم على ميه بيضا
    اولا مفيش اتنين يختلفوا على ان الكلام ده مش مظبوط لا كل اللى هيقرأه هيقول ايه الكلام الغريب ده فا مسالة انك عايزة تتأكدى من صحة او خطأ الكلام ده فا انتى بنفسك هتشوفى ردود الافعال على الكلام ده وهتتاكدى انه تخريب ووسوسة زى ما قولت لك
    نيجى لثانيا الافكار دى جت لك من احداث حصلت مع ناس.. طيب وانتى مالك ومال الناس واللى بيحصل لها كل عيلة وليها معيشتها واللى ينفع على غيرك مش بالضرورة يمشى معاكى ويحصل لك .. وكمان البيوت بتختلف حسب اختلاف المستوى والبيئة فا مفيش داعى انك تقولى لنفسك ان فى حاجه هتحصلى لمجرد انها حصلت فى تجربة قدامك وشوفتيها وكمان مفيش داعى تربى جواكى مخاوف من حاجات الله اعلم هتحصل لك ولا لا
    ثالثا لو جينا لمشكلتك بتاعه الصدليه او ايا كانت المشكله عندك .. انا عايزة اقوللك انها حصلت معاكوا مش علشان انتى وزوجك لسه ربنا ما كرمكوش بالاطفال لا ياماما اصحى وفوقى وشوفى الدنيا فيها ايه بيحصل ياما ناس بيكون عندها عيال ولاد وبنات وربنا موسع عليهم فى المعيشه وبيتطلقوا وحياتهم بتتحول جحيم .. وياما ناس زيك عندهم عيال وبيتعبوا وبيشقوا ومتغربين وتعبهم رايح لغيرهم على الجاهز .. اللى بيبقى بره مصر بيشتغل يعنى للأسف بعض العائلات بتنظر له نظرة انه ظروفه اتحسنت وبالتالى بتكتر عليه الاعباء الماليه تجاه اهله وده تفكير بعض العائلات حقيقى .. وياما ناس برده يا وداع ربنا ما كرمهاش بالاطفال بس عاشوا حياتهم اسعد حياه وبيجسدوا معنى السعادة على الارض لكل الناس .. واللى بحكيلك عليه ده كلللللللله نماذج عايشه حواليا وربنا عالم انها حقيقية وقريبه منى ..
    فا مفيش داعى اننا نقول ان تاخر الحمل هو سبب مشاكلنا كلها لا ياوداع انتى بكرة هتحملى وربنا هيعوض صبرك خير وهيبقى عندك بدل الطفل اتنين وتلاته بأمر الله وهتشوفى ان اللى حصل لك ده هيحصل لك تانى وتالت ورابع لان عقليه الناس كده بس احنا اللى حساسين وبنعلق كل مشاكلنا فى الحياه على شماعة اصل الحمل متأخر فا الناس بتلعب بينا كورة ..
    انا هكمل نقاش معاكى بس بعد ما اشوف انا قدرت افهم جزء من اللى جواكى ورديت صح ولا فهمت غلط

  4. @dodaaa_1

    د.وداع
    مش انهيار والله يا رمال الافكار دي بتجيني علطول بس لما بطلعها من جويا وحد يكدبهالي برتاح كل الحكاية عاوزة اعرف هي صح ولا غلط لان الافكار دي جايالي من احداث حصلت مع ناس فانا لما بزهق من الخنقة وافكر اني تعبي ممكن لاقدر الله يضيع بستخسر احتم…
    رحتي فين ياريمو
    عموما
    انا مش منهارة ولا مكتئبة علي الاطلاق بس هي افكار بتتوارد ملازمة للفراغ والقلق وكده
    والموضوع مش اطفال لاني بقيت بتعامل مع الموضوع ده بهدوء
    لانه فات وقت الاستعجال علي الحمل وانكار واقع وجود مشكلة مانعاه وبقيت عارفة اني مش بالساهل اخلف علي اختلاف الاسباب والعلاجات

  5. @rmal_8

    د.وداع
    رحتي فين ياريمو عموما انا مش منهارة ولا مكتئبة علي الاطلاق بس هي افكار بتتوارد ملازمة للفراغ والقلق وكده والموضوع مش اطفال لاني بقيت بتعامل مع الموضوع ده بهدوء لانه فات وقت الاستعجال علي الحمل وانكار واقع وجود مشكلة مانعاه وبقيت عارفة اني …
    انا هنا اهه والله مستنيه ردك على الكلام اللى قولته مش روحت ف حته انا قاعدالك الليله دى لحد ما تفك وتروق يا قمر .. هى المشاركة مش ظهرت ولا ايه

تابعي تجارب أخرى من هذا القسم.