تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

بتقلبى المواجع ليه يادوعة

ده العيد ده كان غريب حتى ولا حد افتكر يتصل هو يعيد علينا وكويس لو افتكروكى برسالة بس

بس هى دى ضريبة الغربة يابنتى

عموما يادوعة كل سنة وانتى بالف خير ولو انها متأخرة بس انتى عارفة انا معنديش نت فى البيت فبستنى اجى الشغل واكلمكم

ريمو انتى معاكى حق المفروض محدش يستنى اللى غايبين على مايرجعو بس ساعات ادخل مالاقيش حد معرفش اقول ايه بحس انى عبيطة لما مش بلاقى حاجة اقولها وخصوصا ان غيابى انا كمان كتير

فساعات بلاقى بنات جداد عليا بس بقالهم فترة موجودين وبلاقى حتى ان الترحيب بيهم هيبقى متأخر قوى

بس بجد انا مبسوطة انك من الناس اللى دايما رافعين راية التواجد على قد مايقدروا

ونفسى اسالك بقى ياريمو انتى نفسك مخططة لايه الفترة اللى جاية عشان ماينفعش انتى تفكرى مع كل البنات كده وتنسى نفسك
هو انوس ماشاء الله بقى عنده قد ايه دلوقتى ؟
وبتفكرى فى اخ او اخت لانوس الايام دى ولا ايه؟

اصل انا نفسى تجيبى بنوتة امورة كده زى انوس واخدها لابنى كمان

ريمو الحمد لله بابا احسن دلوقتى بس لسة طبعا الجرح بياخد وقت على مابيلم الحمد لله على كل حال

انا ماسافرتش طبعا ولغيت الاجازة لان كل الناس اتصلت عليا من مصر يخوفونى من النزول وان ممكن ان المشكلة تكبر لو حصل لى حاجة لاقدر الله وان بابا وقتها مش هيكون مبسوط وطبعا بابا وماما هم اللى عملوا القلبان ده كله عشان يقنعونى انى ما انزلش وطبعا سمعت الكلام وقعدت غصب عنى وكنت الحمد لله اتطمن على بابا وهو كلمنى بعد العملية على طول وقالى انه كويس وانه هيتعب لو انا نزلت

والله ياريمو بحاول اكون معاكم على قد ما اقدر بس مسالة ان مفيش نت فى البيت هى دى اللى مكتفانى انا الحمد لله قدمت على تليفون فى البيت وركب وادينى مستنية بقى اتعاقد مع شركة هنا عشان النت وان شاء الله ابقى معاكم على طول ومتخافيش انا هبقى اجيب الواد الخلبوص ده معايا المنتدى عشان ما ابعدش عنكم

توتا عاملة ايه ياحبيبتى والله مش عارفة ليه على طول انتى فى بالى الايام دى وبفكر فيكى كتير

ده انا باين عليا واقعة فى غرامك ولا ايه ياتوتا وشكلى هتقدم لخطوبتك قريب


الحمد لله ياقمر انا بخير والحمد لله بابا بقى احسن

انتى طمنينى عليكى وعلى اخبارك




ام اياد

احنا بدأنا النوم اهه حاولى بقى تشبعى نوم الفترة دى عشان كله بيقولى هتنسى يعنى ايه نوم بعد كده
فانا بحاول اقضى اليوم كله نوم دلوقتى عشان انتقم للى هيحصل لى بعد كده

ربنا يكملك على خير يااودى يارب ويحفظلك جنينك ويفرحك بشوفته فى حضنك يارب


يابنات
حد يطمنا على توفى الله يخليكم

اللهم امين
انا ناويه باذن الله اطلع المره الجايه المدينه بس بصراحه حاسه هناك براحه غير عاديه واهلها طيبين وذوق


ايوه ياعم الناس اللي صيفت دي
عادي كبري دماغك
سبحان الله قبل الزواج كنت بقول ان طيبه ام زوجك بيد الزوجه من خلال المعامله الطيبه بس طلع الحال غير الحال
ما علينا الا اننا نتقي الله فيهم وربنا يسخرهم لينا ويحببنا في قلوبهم
تخيلي انا زوجي سافر تدريب اسبوعين يعني قاعده لوحدي في البيت اسبوعين من غير اهل وفي غربه وامبارح كلمتها تقولي عملتي لزوجك اكل ياخدوا معاه قلتلها اه
قالتلي هو حيقعد في فندق قلتلها في شقه مفروشه قالتلي ياحبيبي يعني ابنها صعبان عليها وانا ؟؟؟؟؟؟؟؟؟؟؟؟؟؟؟؟
فعلا امك مستحيل حد يحبك زيها ويخاف عليكي مهما كانت الادعائات


ياحبيبتي والله حاسه بيكي والفتره اللي فاتت كانت كلها كدا عندي لدرجه اني راجعه من المدينه معيطه واحساسك انا بحسه وعارفاه استغفري ربنا وادعي ان ربنا يصلح ذات بينكم