الســـــــــــــــــــــــــــ عليكم وحمــــة الله وبركاته ــــــــــــــــــــــــــــلاأاإاآاإاإأآم
أخواتي ..
أبي اسألكم وأستشيركم حبيباتي..
أنا عندي ولد الله يحفظه ويجعله هو وأخوه وعيالكم للمتقين إماماً..
عمره 3سنوات وسته أشهر.. وما يتكلم كلمات جداً بسيييطة ينطق اسم عمته إذا أنا رددت عليه يقول ماما بابا إذا أنا رددتها عليه ومزاج مو كل ما أردد عليه يقوله على حسب مزاجه تلك اللحظة يعني أحياناً حتى لو رايق وما يبغى يردد يطالع فيه ومطنش ..
لما يكون ينتظر شي مني أعطيه أأشر له بيد شويه شويه يعني انتظر .. يأشر بيده مثلي ويقول شويه شويه
يتكَّــى على الحروف .. لما أقول الله أرددها عليه يقول أقد كأنه يقول الله بالإنجليزي GOD
ولما أردد عليه سبحان الله يقول ســا أقـــا <<< يعني الكلام في جهه وكلامه في جهه ثانيه
الحمـــد لله <<<<< آآشي
مره كنا بالسياره نبغى نروح الملاهي ولما وصلنا للمكان شافه وعرفه فرحان ويقول ســا أقــــا
>> يعني من الفرحة يقول سبحان الله
غير كلامه ..كمان
إذا دخل مكان وفيه لو شخص واحد يستحي مررره تلاقوه فاتح عين ومغمض عين مستحي ..
ولما يشوف الناس ما هم منتبهين له ومشغولين مرره يفتح عينه ..عادي .. خجول جداً وحساس مررره حتى لما يشوف نونوات يبوسهم بشويييش عكس أخوه تلاقيه دفش الله يحفظه
مع الأطفال تلاقيه ماخذ له زاويه الأطفال جالسين جنب بعض وهو لوحده يتفرج عليهم ..لما آخذه وأدخله معاهم
غصب يرجع مكانه وأحيان إذا لعبوا فتاحي ياورده عشان عارفها يندمج معاهم ويلعب رجعوا جلسوا رجع مكانه
وديته دكتور هاشم مساوى بجدة الوطني .. قالي هذا ما فيه مسحة توحد .. لآني درست ببريطانيا وجلست مع
أطفال توحد أبداً ولدك ما فيه .. بس دخليه روضه وشوفي كيف وقتها تبغيه يسكت من كثرة كلامه
ولدي يحضني ومررررررررة يحب الحضن ويحب يقرب وجهه من وجهي من وجهي أبوسه
بس مشكلته الكلام مافيه حتى المويه لما يبغى مويه يروح للمطبخ ويتبكبك يوقف جنب البراده يعني يبغى مويه
أخوه اللي أصغر منه ماشاء الله عمره سنه و8أشهر ينطق كثير كلمات ويقول تعالي يجرني من يدي ويقول مويه
بالنهاية ومعليش على كثرة الكلام بس عشان أكون دقيقة بالوصف عشان أعرف مين عندها أو تعرف طفل بأقاربهم مثل ولدي وبعدين صار يتكلم ويسولف عااادي وإجتماعي
يعني أدخله مركز تخاطب أطفال ولا روضه
وفين ألاقي مركز تخاطب حلووووووو ويهتموا بالطفل صح
وفين ألاقي روضه 100% اهتمام بالطفل والمعلمات على مستوى عالي من الإهتمام بالطفل وتعليمه..
الله يوفقكم دنيا وآخره انتظر مساعدتكم لي على أحر من الجمر
شاركي في النقاش
سجلي الدخول لإضافة تعليق.
التعليقات
18- ياحياتي عليه.. الله يفرحك فيه.. ماعرف ايش اقولك بس نصيحتي لو تقدري وديه لدكتورة اسمها سهير بلخي استشارية اطفال في مستشفى الملك فيصل التخصصي تخصصها في تطور الاطفال (جسديا ولغويا وعقليا) للاسف التخصص هذا جدا نادر مع انه مطلوب بشدة وفي جدة كلها مافي الا هي حتى الحرس ماعندهم.. في الرياض موجود بعدد محدود استشاريين في هذا التخصص في الحرس والتخصصي..
هم فقط بعد الله اللي راح يفيدوك في مشكلة ولدك وعلاجها.. لان مو اي دكتور اطفال حتى لو استشاري يعرف لهذا الشي.. والتوحد له اختبارات للتشخيص مو مجرد كشف سريري - جارتي كانت حالت ولدها تشبه حالت ولدك
وراحت لدكتور و قال لها لو طلب منك شي بالاشاره طنشيه
مرات ومرات لبيه و اشوي اشوي زيدي التطنيش
و اساليه وقولي له مو فاهم وش تبي تكلم و قال لها بعض الاحيان حطي له خيارات
مثلاً يبي مويه قولي له تبي حليب تبي تاكل و من بينهم تبي مويه
وطلبي منه يهز راسه لشي اللي يبيه و اشوي اشوي خليه ينطقها
و بعد نصحها تدخله الروضة ودخلته سنتين صحيح للحين طايحه بعض
الحروف وحرف يجي مكان حرف مادري وش يبي .....
بس وربي شاهد ع كلامي انه كثير كلام صار و يقرق ع راس امه قرق
وللعلم ولدها يوم تدخله كان عمره 6 سنوات دخلته روضة مو عارفه اسمها
بس هم يركزون ع تعليمة بالنطق و التركيز و الكتابه .....
بس هي رياض اطفال طبيعين مو خاصه بفئات انتبهي ياثر عليه سلبي وهو سليم
وتوها السنة دخلته المدرسة ضيعت عليه سنه فانتي الحقي ع ولدك وهو توه و الله يوفق
و لا تنسين تنذرين لله نذر أن استجاب ولدك ومشى مع الروضة - للاسف ما عندي فكرة عن حالة ولدج لكني طمعت في دعوتج
وعسى يجي يوم قريب تسمعين ولدج يتكلم ويصارخ ويعبر عن نفسه مثل ما تتمنين يا رب
وولدي معاه
انا ولدي فيه متلازمة داون علشان جذي كلماته بسيطة ولفظه غير سليم
اتمنى تدعين لي ولعيالي - ياعمري مافيه الا العافيه ان شاء الله
بسألك فيه احد من اقاربه كلامه مكسر يعني فيه حروف ماينطقوها
احيانا تجي وراثه
واحد من اخواني كان كذا بطفولته وكانت امي تدلعه طريم ياحبي له
والحين بسم الله عليه اول سنه جامعه وذكي ومافيه الا العافيه
تخيلي ماكان يتكلم الا لما وصل الاربع سنين
ولما تكلم مايفهمه الا امي
بس انتي تأكدي اذا فيه له اقارب نفس حالته لو من بعيد
الله يخليه لك وتشوفينه عريس
لاتحرميني دعواتك ان الله ينصرني ع من ضلمني
ودمتي بود
اختك
بنت عتيبه - ما حأنساكم من دعائي وحده وحده باسمها
مواضيع مشابهة
تابعي تجارب أخرى من هذا القسم.