تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

دوعة مش عارفه أقولك إيه ؟
بجد بجد وفرتي عليه كلام كتييييييييييييير


إحساسي copy paste
يعني بالملي اللي أنت حاسه بيه
وخصوصاً إني مغتربة زيك

ربنا يهدينا ويصلح بالنا يارب
ويرزقنا ذرية طيبة صالحة آمين

ريمو
ربنا يخليكي لينا
من ده اللي ميدخلش
هو انا عاد حاجة بتصبرني غيركو
لنا ببقي بخلص اللي ورايا عشان ادخل اطمن عليكو واتكلم معاكو
والتلفزيون ده مخصماه من زمان
بس علي حكاية عاطفة الرجل قليلة انا مش معاكي
انا جوزي بيحب الاطفال قوي وبيموت في ولاد اخواته وساعات بغير من الحكاية دي
طب اقولك كلمة قالها وجعتني قوي
لما موضوع الصيدلية حصل؟؟؟
قال هما مستعجلين علي ايه ماهما اللي حيورثو كل حاجة
بالله عليك مش ابقي معزورة
ام عتريسة
لافض فوك
ماشاء الله كلامك مش بعده كلام
فعلا احنا في نعيم وتعاستنا احنا اللي بنخلقها بالتمسك باللي ناقص في حياتنا
بس صراعتنا مع نفسنا الامارة بالسوء نوع من انواع الكبد
ولعله وسيلة بتزيد من صبرنا وايماننا ورضائنا بقضاء الله وبتهزب نفوسنا كمان
فمش بايدينا غير اننا ندعي ان ربنا يربط علي قلوبنا ويفرغ علينا الصبر ويرضينا بقضائه ويقنعنا بعطائه
والحمد لله علي كل حال
توتا
ان شاء الله
اكيد الواحد كل يوم بيكون انضج واعقل في التعامل مع وساوسه الحمد لله
وانا مقلتش الكلام ده ليكو غير عشان اسمع نفسي الصح بصوت عالي
مسلمة
عيطتيني
ربنا يجازيكي خير عن دعائك وربنا يتقبله يارب ويرزقك مثله
الواحد بيكون عارف الكلام بس في لحظة الضعف بينكره ومش بيعترف بيه
ربنا يزقنا من اليقين ما يهون به علينا مصائب الدنيا

يانهار أبيض على الكلمه وجعتينى
والله معزورة يا دوعه وأنا كمان عزراكي أوي
فكرتيني بكلمة قالها جوزي
أما كنت بقنعة بموضوع شقتنا مش عارفه أنت تعرفي الموضوع ده ولا لأ
المهم احنا جبنا شقة 170 متر
وأهله بيقنعوه يسيبها فاقتنع بكلامهم
وأنا عماله أقنعه بالشقه إنها واسعه وجميله
تصوري قالي إيه
قالي يعني إحنا هانعمل إيه بالوسع في الآخر هانعيش فيها أنا وأنت بس
والله الكلمه نزلت كأنها سكينة في قلبي وسكت وقفلت باب المناقشة نهائياً

أول مرة أعرف يا دوعة إن تفكيرنا واحد ومتقارب جداً بالشكل ده ربنا يرزقنا ويخلف كل ظنونا وشكوكنا السئية دي ربنا يهدينا يارب