تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

اخباري بقا اني ابتديت تنشيط من يوم الخميس اخدت جونال 150 ومينوجون2بودره علي1مايه والحمد لله ماشي التنشيط كويس واخدت حقن سيوله60.احتمال اعرف النهارده ميعاد السحب ادعولي يابنات ربنا يكرمني واعذروني لواتاخرت لغايه اما اصلح جهازي

ريمو حبيبة قلبى

بصى ياستى خلينا نتكلم فى الاهم ثم المهم
اولا بالنسبة لتفكيرك للمرحلة الجاية ماشاء الله انتى طبعا مخططة كويس انا بس كنت خايفة لاتكونى سايبة الامور كده ومش مفكرة فيها مع انى متأكده انك ماشاء الله تفكيرك كويس جدا بس ساعات الانسان بيتلخم بغيره وبينسى نفسه وانتى معاكى طبعا حق لازم ندى لانوس حقه فى الرضاعة ومنستعجلش وكويس برضه انك تنزلى جيم او تلعبى رياضة الفترة اللى جاية دى عشان يبقى مش بنضيع وقت وفى نفس الوقت نبقى بدانا من بدرى وان شاء الله ياريمو مفيش اى مشاكل وهيكون حملك التانى اول ماتنوى بإذن الله


ثانيا بقى ياقمر انا مخدتش كلامك بالنسبة لدخول الملف على نفسى ولا حاجة انا والله ياريمو عارفة انك ماتقصديش حد بعينه بس عادى ياقمر ان الواحد لما يبقى عارف انه مقصر ومش بيدخل انه يقول السبب عشان الناس تبقى فاهمة ومقدرة بس مش اكتر وانا عارفة ياريمو انك صريحة جدا ماشاء الله عليكى ولو فى حد مقصر هتقوليله فى وشه انه مقصر لان المودة والحب اللى بينا يدونا الحق فى ده


ثالثا: بالنسبة بقى لموضوع اخو جوزى فهو ياستى زى ما انتى قولتى بالظبط اتعود على كده من زمان وجوزى ماشاء الله عليه ما اتعودش يقوله لا ابدا حتى لو طلباته مستفزة
بس انا مش بتخانق على الفاضية والمليانة بس ساعات الطلبات بتبقى مستفزة زيادة عن اللزوم واوفر جدا ومشكلة جوزى انه ساعات بيبقى عارف ان ده كتير قوى بس بيتكسف وفعلا ياريمو انا فكرت تفكيرك ده انى ما اخليش فلوس فى البيت عشان لما يطلبوا مش يلاقو بس فى نفس الوقت على مابلحق احوش حاجة مابتكونش تكفى انى احطها فى شئ مفيد او اجيب بيها حاجة ومش برضى اشترى بيها دهب انا عارفة انى مش هلبسه لانى اصلا اللى عندى مش بلبسه غير فى المناسبات وبقول اخلى الفلوس
فى البيت لاى ظرف طارق
بس اللى انا مطمنة له انه مايقدرش يساعد من ورايا لان زى ماتقولى كده حساباتنا مكشوفة ومحدش يقدر يصرف حاجة الا لما يكون التانى عارف

بنوقه ايه اخبارك محدش يقدر ينساكي بس انت متتاخريش علينا وصلحي جهازك ولو عرفتي تاخدي جهازي تصلحيه تعالي:39:
ويارب تكوني من حوامل الشهر دا ويطرح البركه في بويضاتك


حبيتي التحاليل ناقصه بيانات كتير يعني كميه السائل يعني 20 مليون دول في الملي واللي في الاجمالي لو في الملي يبقي طبيعي لو في الاجمالي اقل من الطبيعي
وكمان فيه عندك نسب التشوهات انت مذكرتيهاش

ا
هنا واخدين بحديث الرسول لا جمعه ولا جماعه للنساء
في مره كنت خارجه انا وزوجي يوم الجمعه وبعدين قالي تعالي نصلي الجمعه اختصار للوقت وادخل المسجد واجي افتح الباب بتاع النساء الاقي الجامع كله رجاله اتخضيت وقفلت البا ب بسرعه وكويس اني مكنتش رفعت النقاب


هما مش بصولك قرف لا استغراب هنا اي لون غير الاسمر يلفت الانتباه حتي لو كان حلي
بس بصراحه بحس ان النظام كدا افضل لان اللون الاسود فيه ستره اكثر وكمان سنه عن نساء النبي والصحابيات

وحشتونى واسفة على الغياب لكن غصب عنى ولما تعرفو هتعوزرونى
هستجمع قواية واحكى

اللهم اجرني في مصيبتي واخلفني خيرا منها
ان لله وان اليه راجعون
يارب عوض علية عوض الصابرين والمحتسبين

هبتدى معاكم من الاول من قبل الدورة فى نصف الشهر نزل علية خيوط دم حمرا طبعا استغربت منها وبعت رسالة لدكتور عادل وقلى ان دة ضعف تبويض وهو دة السبب قلت طيب الحمد لله كلة من عند الله وتأخرت الدورة وقلى دكتور عادل انة عادى مع ضعف التبويض انها تتأخر اسبوع سكت وطنشت وعشت حياتى خصوصا اننا كنا فى رمضان وعزومات وخروجات وطبعا زى ما قلتلكو انى جاتلى نازلة معوية وكنت تعبانة جدا مغص وترجيع لكن الاعراض دى مكنتش اعراض النزلة كان تشخيص خطا لانها كانت اعراض الحمل
نعم كنت حامل ومعرفش وطبعا اخدت مطهرات ومضادات حيوية ومفيش فايدة وبعدين نزل علية دم قلت كويس الدورة هى جت يمكن تكون سبب من اسباب تعبى انها متأخرة لكن قعدت يوم وبس استغربت وكلمت دكتور عادل قلى اعملى اختبار حمل وكانت المفاجاه اللى على قد ما فرحتنى على قد ما دمرتنى كنت هتجنن طيب الادوية اللى عمالة ابلبع فيها والدم اللى نزل علية كنت زى المجنونة ورحت لدكتور عادل وقلى انى حامل فعلا بس الحمل دة محكوم علية بالاعدام كتمت حزنى فى قلبى واحتسبت لكن دكتور عادل قلى ننتظر اسبوعين ونشوف لكن زى ماهو قال حمل محكوم علية بالاعدام وادانى ادوية علشان اجهض جنينى بأيدى وقد كان والحمد لله والمؤلم فى الموضوع انها الذكرى السنوية لفقدى جنينى الاول
الحمد لله طبعا انا مقدرتش ادخل انكد عليكو فى رمضان والعيد كان نفسى انى ادخل اقولكو خبر حلو يفرحكو لكن
قدر الله وما شاء فعل طبعا كنت محتجالكو جدا بس بصراحة نفيين واشتقت كانو نعم العون لى ومش عارفة من غيرهم كنت عملت اية ربنا يجزيهم عنى خير الجزاء
فكرت كتير انى مدخلش واقول كل الكلام دة بس بجد انا محتاجة منكو دعوة صادقة لوجة الله
وانا عارفة انكو مش هتزعلو منى علشان مقلتش بس انا كنت شيفاكو فرحنين باودى وتوفى ومكنتش عايزة انكد عليكو سامحونى وادعولى ربنا يصبرنى ويعوضنى

مش قادرة اتكلم تانى سمحونى