تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

متابعة النقاش، صفحة 269

شاركي في النقاش

سجلي الدخول لإضافة تعليق.

التعليقات

2,165
  1. @am_ayad_2009

    ام مريم طالما عندك جنين مجمد يبقى لازم ترجعيه
    وان شاء الله ربنا يطرحلك فيه البركة
    انتى نازلة مصر امتى؟
  2. @mikomiko

    دوعة و توتا و رمال و ماما..
    المشكلة اني مابقيتش ملاحقة علي خناقة. البنت ليلة العيد يوم الخميس كانت تعبانة جدا لدرجة اننا كلمنا الدكتور ونزلنا يوم الخميس مخصوص و طلع عندها نزلة شعبية و انا كمان واخدة دور محترم, مش يجي يوم العيد و يخلينا احنا الاتنين نريح في البيت لا لازم نروح لحماتي نعيد عليها. المهم عديتها و روحنا و يوم الثلاثاء كان عيد ميلاد حفيد خالة جوزي و كلنا معزومين احنا كنا عند خالة زوجي قبل 9 و مايا يوميها سبتها تسهر رغم ان ميعاد نومها الساعة 8 علشان اخت زوجي مسافرة تاني يوم فقولت علشان تقعد معاها و كل ده و هيا لسه تعبانة و رحنا بيها عيد الميلاد, حماتي جت الساعة 11 كانت البنت خلاص حتمةت تنام فدخلتها تنام. المهم اننا امبارح كان عندنا خطوبة بنت خالة زوجي و رحت و انا تعبانة و وديت البنت لماما من الصبح و رحت اخدها النهاردة. و انا عند ماما لقيت حماتي بتكلمني و تقولي هوا انتي مش جاية فقولتلها لا يا طنط احنا تعبانيين فقالتلي بس انا ماشوفتش مايا خالص فقولتلها بس احنا اتقابلنا يوم الثلاثاء عند طنط فقالتلي بس انا مالحقتش اقعد مع مايا فقولتلها علشان انها جت متاخر وكانت البنت عايزة تنام فقالتلي (وهيا بتكدب) اصل جنة (حفيدتها من بنتها) انها عيانة و بيلفوا عليها علي الدكاترة و ه ماحصلش فقولتلها يعني انا يا طنط و لا مايا اللي سولام فقالتلي اصل ظروفي مش ملكي فقولتلها و لا انا.. يعني كان ممكن تيجي عيد الميلاد بدري مع بنتها التانية ومش ديه حفيدتها زي ما ديه حفيدتها؟ لا و اللو ان جنة عندها حساسية بسبب اكل الشوكولاتة و برضه بيوكلوهالها!!!!
    و بالنسبة لجوزي قبل العيد بيومين كان عندنا عزومة في البيت, المهم مامتي جت هيا و الست اللي بتساعدها علشا يحمرولي الحاجة و انا رحت اجهز فلقيته بيقولي ايه السفالة اللي انتي فيها؟؟ تخيلوا كل ده علشان فيد دوشة في المطبخ مطرح توضيب العزومة........... و كذا مرة يقولي بطلي طولة اللسان رغم اني واللهي ممكن اشد معاه لكن عمري ماغلطت فيه.
    وكل شوية علي اي حاجة يعمل موضوع و يروح يشتكي لماما تيجي ماما تتخانق معايا بسببه زي مرة بوست ايد مايا لاني عيانة فمش عايزة ابوسها علي خدودها فاتخانق معايا انتي كده حتعدي البنت وراح يقول لماما اني ماعنديش حسن تصرف و اني عايزة اعيي البنت و اني ببوسها و انا عيانة و حاجات كده فجت ماما اتخانقت معايا...
    حاجات كتير كده, ومرة من كام يوم جالي خبر حلو من واحدة صحبتي فرحت اقوله و هوا بيتفرج علي التليفزيون فراح مغلس عليا و غلط فيا برده و لما عاتبته يقولي اصلي بتفرج علي التليفزيون.... و انا تعبانة من كام يوم و كنت متلجة و مش قادرة اقوم اجيب الترمومتر فبقوله هاتهولي فقالي ييوهه بطلي تمثيل و لولا اني اتحايلت عليه ماكنش قام جابه.
    حاجات كتير و منها اني لسه فاضلي كام كيلو بعد الولادة و مش وحشين خالص, كل مايشوفني يقولي يا دبة, يا بقرة و هوا نفسه تخن كتير و انا عمري مابقوله حاجة.............

تابعي تجارب أخرى من هذا القسم.