منهي ام الافكار اللي بتساعدني

هلا خواتي حوائيات الذكيات ايه هين عاد بنشوف بالاخير منهي الذكيه صدق حشى صار لغز ذا موب مشوره المهم اكيد طبعا اغلبكم اسرتكم نظام امريكي يعني بكس وفوقها المرتبه وتحطون الكشكش مابين البكس والمرتبه طبعا تعرفون صعوبه تغيير الكشكش لان المرتبه حق نفرين وثقيله هنا اللغز قصدي المشكله ابي اغير الكشكش باستمرار تعرفون الوان المفارش تختلف وللنظافه بعد ابي طريقه اركب الكشكش بدون ما اشيل المرتبه وحتى المفارش اللي تجي مشبوكه الكشكه منفعت معاي لانه غالبا تجي قصيره ويصير المفرش اي الشرشف ثقيل لا انا ابي اثبت الكشكش على وجه البكس مع الجوانب بس شلون يعني احط شمع او ازره او طقطق مادري وش رايكم يالله عاد ورونا الذكاء الخارق

14 تعليق 1,181 مشاهدة

شاركي في النقاش

سجلي الدخول لإضافة تعليق.

التعليقات

14
  1. للاسف مانيب ذكيه لان مرتبه سرير قصمت ظهري يالله يشيلها ونش معد صرت احط المفرش الي تحت المرتبه
    الشكوى لله الله يرزقنا بوحده ذكيه تدلنا
  2. @am_trky_2030

    عندي فكره حلوه

    خيطي لك الكشكش على طرف المرتبه تبع السرير


    يعني خيطي لك كم لون مناسب لسريرك وتكون تتركب بطقطق او سحاب

    لكن الطقطق والازارير سهله

    واذا انتي مو راعية خياطه وابداع

    خذي الشرشف اللي يجي مكشكش مع المفرش

    وقصي المكشكش وحطي فيه طقطق

    وبعد في المرتبه :icon28:

    وكل ماجيتي تغيرين مفرش ماغير فكي هالطقاطق واكشخي


    هاه وش رايك صح ذكيه <<اقول طسي خخخخخخخخخخخ


    انا الصراحه ماجربتها بس شغلت عقلي << ايه هين

    اعجبتكم الفكره والا اخرطي :09:

تابعي تجارب أخرى من هذا القسم.