مشكله لا مسكت معك غلط الا وتبي تنزل موضوع وانت فيك النوم
الا وش الفرق بين هذا
وهذا ؟؟..
زبدة الهرج مالكم بالطويله يالربع ..
مير انا قبل تقريبا كم سنه الا كم شهر قبل اسجل هنا واصير عضوة في المنتطى وطالبه مجتهده في كليتي العزيزة << لايكثر
قريت لي كم لقب هنا بالمنتدى واقول ياربي وش معناه مدري هو : صفه ..اسم .. علم .. باروكه
مدري وش يحس به راعيه وهو مختاره
لكن يوم قدر الله وصار النصيب وجيت أسجل وكنت مزهبه النك ع اساس ابي ابزبرقه واحط له كم نجمه وشباصه .. يعني خلاص عقلتها وتوكلت ع الله وكنت ابسجل بــ سوووكره
الا ويقول لي ضف وجهك ولا ترجع الا ومعك لقب جديد لا تقلّد غيرك ..
وانا قلب وجهي كذا والدموع شلال [URL="http://www.cksu.com/vb/images/smilies/s/cry2[1].gif"]
قلنا يالله ماصار لنا حظ
وانا اقوم واختار لي لقب ثاني قلت ابكتب اسمي
وكتبت اسمي
قال لي يابنت الناس فرحانه باسمك فيه قبلك مليون وحده مسجلين بهالاسم
وانا يغدي وجهي هاللون
قلت ياربي وش اكتب مخي فاضي ,,
ثم نقزت فكره براسي قلت ابكتب اسمي الثلاثي اتحدى في احد زي اسمي
بعدين هونت قلت خير عاد اكتب اسمي يبيلي ثلاث صفحات ولاتوفي من طووول اسم الاب والعائله ..
ثم قفلت معي وتركب براسي أم العبيد قلت يانا ياأنت ..
مسجله مسجله لو على قطع رقبتي << ماتمزح
ثم قعدت افكر وافكر وافكر وافكر وفحطت بالغرفه الين احترق الموكيت ونخرت البلآط وتهلهل ع راس امي بالمطبخ ..
يقولون كثرة المشي والحركه اللي تحرق الرجلين تولد طاقه تنبعث الى مخك وتتولد الافكار ..
لحد يصدق
بالآخير قلت يابنت اكتبي هاللقب واذا في مخه خير يرفض
والا ابروح ادور اللي مسجل بهالاسم وابتودس ببطنه
وافضخ راسه بعجره ملفوف طرفها بعشرين شطرطون..<< يازاحف
لكن ولله الحمد ربي عطاني ع قد نيتي <<
مدري وش دخل هالجمله بس قلت لازم ادعسها بين الحتسي
وزبط معي لقبي المصون
كتكوته صغيرونه
وياعمري الحين تخرجت من الجامعه وكبرت
بس اختي الي مسميتني فجوالها صغيرتي
يمكن عشاني عصقوله ..
ماحد سالك
وسجلت وعشت في هناء ورخاء وتعرفت ع كذا قشطه وعسوله وسمنه
وانقطعت عن المنتدى فتره ليست بالطويله الممله ولا بالقصيره الناقصه << سلكووا ..
لان مالي ومال المنتديات ماكنت فاضيه وراي بيزنس ودراسه تعرفون عاد الاجتهاد اللي ينزل عليكم اول الترم ثم يختفي
وخلصت القصه
وانتي وش سالفتك مع لقبك ؟
اللي يعرف كم مره حطيت هالفيس
بموضوعي ابعطيه حبة جالكسي وشسمه ذا ترى الموضوع مشطوح من منتدى بس سويت عليه لمساتي الخاصه ..