مهاميهو
ازيك يا حبيبتي وحشتيني اوي كل سنة وانتي طيبة
بصي بقة بالنسبة للمراكز أولا انا عايزاكي تعرفي ان أي مركز ايان كان هوا ليس إلا مجرد سبب ، يعني حدوث الحمل مش بشطارة الدكتور وكبر المركز ولا أي حاجة من ده ، لأن في مراكز كتييييير اوي ومن أرخص المراكز وبالرغم من كدة في حالات حمل عندهم ومش قليله.
لأن ده رزق من عند ربنا أحنا كل اللي بنعمله اننا بنأخذ بالأسباب ،وأكبر دليل علي كلامي ده اني عملت ثلاث محاولات في مركز جنين اللي هوا من افضل المراكز وبيتبع كل الأساليب الحديثة وبعمل ترجيع الأجنة في اليوم الخامس يعني كله حلو وفله وعلميا انا المفروض ابقى حااامل دلوقتي ، بس ارادة ربنا فوق كل شئ يعني الدكتور بيعمل اللي عليه وفي الأخر إرادة ربنا هيا اللي بتحصل .
يعني من الآخر متحيريش نفسك كتيير في اختيار المركز المناسب انتي اعملي استخارة وتوكلي علي الله في اي مركز من المرشحين قدامك وتقدري علي مصارفهم وان شاء الله ربنا هيرزقك من واسع فضله
بالنسبة لمركز فارس انا مكنتش مرتاحة هناك مش بسبب المعاملة لأ لأني بعد فشل كذا محاولة معاهم محستش انهم بيدورو علي سبب للفشل ده حتى لو مفيش سبب ، وبيكررو نفس البروتوكول هوا هوا بالرغم عدم جودته معايا ، فحسيت ان الطريقة مش عجباني بالرغم نجاح حالات كتييير معاهم برده ( تقريبا انا اللي وشي وحش علي المراكز كل اما اروح مركز اعمل فيه كذا محاولة ومينجحوش وأخلي سمعتهم وحشة ههههه)
بصي انا رأئي تشوفي مركز آدم انا بسمع ان اسعارة معقولة وفي نفس الوقت المعاملة كويسة جدا ، اسألي عليه واستخيري وربنا معاكي
تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17
متابعة النقاش، صفحة 291