عوضها الله نتيجه صبرها وتضحيتها ..

هذي القصه حقيقه ارويها لكم من واقعي .. واتمنى ماحد ينقل هذي القصه الي أي منتدى ثاني لانها خاصه بمنتدى حواء...

وانا سارويها لتستفيد كل وحده تقرها .. وساختصرها قد مااقدر

هذي وحده الله يذكرها بالخير ويشفيها يارب ويطول في عمرها تزوجت وهي ف 20 من عمرها ,, وانجبت اول طفله
السنه الاولى كلها مشاكل مع زوجها واهانت ..

السنه الثانيه انجبت ولد ..

وبعدها لم تحتمل الزوج صار يتزوج ويطلق وويضارب معها ويوديها لاهلها ومشاكل مع الاب والام ... الي هم اهل الزوجه...

فقررت ان تطلب الطلاق وتربي ابنائها بعيد عن المشاكل ..
طبعا طول الفتره مشاكل انا مابغاء ادخل في تفاصيل المشاكل ..لانها ليست غرضي
قام اخوها رفع قضيه وطلقها ..

وبدا مشوار الام تخيلو ام وعندها طفلين مابينهم غير 10 اشهر فقط ..
امها وابوها كبار بسن مايقدرون على التربيه وهي لحالها انا عندي طفل واحد والحمدلله مرتاحه بزواجي وماتخيل اربيه
بالحالي لكن هذي الام صبرت وعلى الفكره احوالهم الماديه كانت اقل من عاديه ..

صار الاب يجي كل فتره يسوي مشاكل ومايصرف على عياله ..
ربت الام كبرت البنت وكبر الولد دخلوا المدرسه علمتهم احسن تعليم .. كانت توديهم بنفسها المدرسه طبعا مشي .. كانت قريبه منهم ..

صارت تبيع من ذهبها وتصرف على عيالها .. تحملت المسئوليه وهي لسع في 20 من عمرها ...

مرت الايام ونقلوو من البلد الي هما فيها طبعا مع اهلها وهذي الفتره الاب مايسال ياخذ عياله كم يوم ويرجعهم وينحرق
قلب الام لاتاكل ولاتشرب الين يجون عيالها..

كانت تدخل البنت تلاقي امها حاضن ملابسهم وتبكي ..
ومره من المرات .. اخذهم ابوهم بالقوه ومارجعهم الا بعد شهر الام كانت راح تنجن كانت تدق بس تبغاء تسمع اصوات اولادها ..
المهم كبرت البنت والولد وصلوا لمرحله الثانويه ..

كانت الام تعاني لمن تسجل عيالها من مرحله لمرحله ماكان عندها الاوراق الرسميه .. تطلب من الاب لكن مافيه فايده

بالواسطات وتحكي لمدير ومديره المدرسه الظروف ويقبلونهم الين وصلت البنت اولي ثانوي طبعا رغم قسوت ابوهم لكن البنت كانت متعلقه فابوها مرا..

جاء ابوهم لاول مره في رمضان واخذهم والام بدا الخوف في قلبها ..
راح وداهم مطعم وفطرهم ومشاهم ورجعهم ..
وسافر ..

سافر الاب بلا رجعه ..

بعدها بشهرين يجي خبر ان الاب صار لها حادث وانه في حاله حرجه ..

البنت تنهار .. والام رغم قسوت ابوهم ماكرهتم فيه ..
حتى الام دمعت عينها ..

لم تعش معه حتى سنه كامله كانت كلها مشاكل ..
اسبوع اسبوعين ويرجعها لاهلها ..
المهم سوو العزاء البنت قالت تبغاء تشوف ابوها طبعا كفنوه ونزلت وشافته وطاحت ..

اغمي عليها طبعا البنت تحكي وتقوول صح ابوي ماهتم فينا بس سبحان الله نحبه حب فظيع ..
وحنا مسامحينه ونتصدق عنه وندعي له لانه الاب نفسه عاش طفوله سيئه امه توفت وهو صغير
يمكن هذا اثر عليه مانبغاء ندخل فتفاصيل لاني ابغاء اختصرها قد ماقدر..
لان الغرض من القصه الام الي ضحت بشبابها عشان عيالها ..
لاتقولون كل ام بتسوي نفس الشي .. صح في كثير بس هذي الام غير .. بتقولون كيف التكمله اول مافضى ان شاء الله
بروح اشرب قهوتي واكملها قريبا ان شاء الله .. طبعا اذا شفت الردود كثيره وتستاهل اني اكمل القصه ..
واي سؤال عن اصحاب القصه انا حاضره .. :39:
تحياتي / ام احمد ..


63 تعليق 6,013 مشاهدة

شاركي في النقاش

سجلي الدخول لإضافة تعليق.

التعليقات

63

تابعي تجارب أخرى من هذا القسم.