تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

السلام عليكم
ازيكم يا بنات
وحشتوني اوي والله وعلي طول كنت معاكو بس مش كنت قادره اكتب

انا الحمدلله الجنين نزل بأدويه عشان طبعا انا عملت عمليتين تنضيف قبل كده وكان مش كويس اعمل تالته
وده كان رأي دكتور هميسه
وانهرده لسه جايا من عنده وقالي الجنين والكيس فعلا نزل بس لسه فاضل بقايا بسيطه لو منزلتش المردي تنزل في الدوره الجايا وان شاء الله تنزل
ولو منزلتش هنعمل عمليه تنضيف
بس قالي ان شاء الله هينزل كله في الدوره الجديده

انا رحت لدكتور هميسه في اسكندريه عشان انا عند ماما
وقالي انا شاكك يكون عندك حاجز رحمي فقالي اعملي
d3

المهم انا كنت مستبعده بس قلت اعمله

وفعلا طلع عندي حاجز رحمي
قالي هو ممكن ميكونشي السبب 100% بس لازم نشيله كده كده بالمنظار الرحمي
عشان هو اكيد بيسبب اجهاض في الشهور الاخيره

المهم طبعاقلت كويس انه يكون السبب
وان شاءالله اعمل المنظار الرحمي ده كمان شهرين واحمل بئه وميقوفشي النبض تاني ووووووو

بعت لدكتور عادل عشان هو اللي يعملي العمليه
رد عليا رد فله
دايما ردوده فله كده

قالي اولا لا يسبب توقف نبض الجنين
وأنا لا اجري عمليه بلا داعي

طبعا مش عايزة اقولكو احساسي وقتها كان عامل ازاي

المهم دكتور هميسه قالي ممكن في الحمل اللي قبل كده البويضه الملقحه انغرست في مكان الحاجز
لسوء الحظ

وبالتالي هذا الحاجز به شعيرات دمويه ضعيفه وقليله لا تكفي لتغزيه الجنين

انا طبعا تايه جدا
بس انا ان شاء الله هستخير ربنا وهعمل المنظار الرحمي عند الدكتور اللي د.هميسه رشحهولي اسمه د.مصطفي كامل تقريبا
وهفضل علي السيدوفاج ومتخنشي والعب رياضه

هعمل ايه تاني؟


انا اسفه انش قلقتكو عليا الفتره اللي فاتت
بس انا والله مكنتش قادره اكتب[/
توفي حبيبتي قدر الله وماشاء فعل وربنايكتب لك الحمل السليم المعافى عاجلا غير اجل
بالنسبة للحاجز الرحمي وعلى قدمعلوماتي كلا الطبيبين على صواب وكلاهما على خطا في نقطة
الحاجز الرحمي غالبا مش هو سبب توقف النبض في مرحلة مبكرة كدة من الحمل لكن غالبا بل مؤكدانه ممكن يسبب مشاكل في الحمل لاحقا ابتداء من اجهاض ,ولادة مبكرة ,جنين قليل الوزن
عشان كدة الافضل ازالته
وانا هاديكي مثال قريب انا كان عندي لحمية صغيرة جدا في الرحم طولها1,5سم بس دكتور شريف المصري في مكز ادم اصر يشيلها قبل مانبدا اي اجراء للحقن اللمجهري وناقشته انهافي اعلى الرحم يعني مكانها مش مؤثر في العملية قال انا معاكي بس الافضل ازالتها عشان نحاول نتفادى اي اسباب للفشل ونرفع نسب النجاح على قدمانقدر
انا راي
اولا:لازم تروحي لاختصاصي امراض دم دة اناو ماما ريقنا نشف في النقطةدي
ثانيا:بعد الاستخارة استشيري دكتور تالت في الموضوع ودي النصيحة الذهبية لما كل دكتور يقول كلام يبقى لازم تسمعي راي واتنين من حدتالت بدون ماتقولي على كلام الدكاترة التانية
لازم حدتالت يشوف الاشعة وطول الحاجز قداية
وربنا يوفقك وطمنيناعليكي

[/

طمطم ربنايعوضك صبرك خيرويرزقك


ماما ربنايكرمك ياحبيبتي وترجعي السودان وانت شايلة الحلم في احشائك

توتاااااااااااااااااااا مساء الخيرات
وحشتيني اوي ووحشني اسم لالا بقالي كتير ماسمعتوش
اما العصابة الحمدلله هم كويسين بس المسؤلية صعبة اوي وانا لوحدي حتى شوية البرج اللي فاضلين في مخي طارو خلاص
بالنسبة لسؤالك عن الكورتيزون انا لم استعمله ابدا رغم اني قريت عن دكتارة بتوصفه لمريضاتها لكن ماحدش كلمني عنه ولافي السودان ولافي مصر
انا حاحاول ادور اكتر وشوف لك اجابة شافية رغم ان اغلب حالات الاجسام المضادة بيبقى الاسبرين والهيبارين كفاية

ريمووووووو انت اون لاين؟ ازيك ياقمر واحشاني جدا
ربنا يجازيكي كل خير على وقفتك مع البنات رغم مشاغلك الكتيرة

بنات كلكم وحشتوني جدا بس معليش مش هاقول اسماء لان الذاكرة بعيد عنكم بقت وحشة بس بحبكم كلكم في اللهوالبنات الجداد اللي انضموا للملف اهلا بيكم نورتونا