السلام عليكم ورحمة الله
اخواتي انا في حاله الله يعلم بها من القهر
تصوروا اليوم سمعت نغمة رساله بجوال زوجي قامت بنتي وخذت الجوال وضغطت وانفتحت الرساله جيت اشوف الا والاقي رساله من وحده تقول له حبيبي فلان مشتاقه لك موت فديتك ابيك تشحن جوالي مافي رصيد
لاشعوريا اخذت الجوال واعطيته اياه كان شبه نايم قلت شف واقرا وش هالرساله قام قراها قال لي هذي وحده بتزوجها واتفقنا على كل شي وباقي الملكه بعدين دق عليها قدامي وقال زوجتي شافت الرساله وابيك بسرعه تعطيني موعد عشان اجي اخطب وخذي كلميها وفهميها واعطاني الجوال وقال لو تقلين ادبك عليها ولا تقولين اي شي غلط قسم بالله لاطلقك ووو
اخذت السماعه وقلت نعم ومن انتي قالت انا احبه ويحبني من زمان وبنتزوج قلت والي بتتزوج تشحث شحن جوال قالت انا بنت ناس ومااسمح لك تقولين عني شي زوجك يبيني واخذ الجوال مني وقام يسولف معها وجلس يكرش فيني ويقول لي انا معلمك اني بتزوج من زمان وقايل لك بعرس وانتي تبين تجلسين اجلسي تبين تتركيني ماعندي مانع
وانا عندي اطفال والحمدلله ماناقصني اي شي بس قهرني قهر مايعلم به الا ربي وش اسوي تكفون ردوا علي
شاركي في النقاش
سجلي الدخول لإضافة تعليق.
التعليقات
266- مالك الا الدعاء ثم الدعاء ثم الدعاء
- يمه وش هذا عيني عينك
الله يعينك والجأي للعزيز الحكيم في كل امورك والله يفرجها عليك - لاحول ولا قوة الا بالله
الله حسيبه افرشي سجادتك وادعي ربك
الله يصرفه عنها ويسخره لك ويهديه يارب العالمين - الصراحه احس زوجك وقح
بس مالك إلا تقولين لأهلك على الموضوع وعليكي بالدعاء - لا حووول ولا قوة الا بالله
الله يصبرك ياااااااااااااااارب
رددي حسبي الله ونعم الوكيل
مواضيع مشابهة
تابعي تجارب أخرى من هذا القسم.