ياناااس ياهوه غيروا نظرتكم للبلاك بيري ..هذا ظلم لبعض لمستخدمييييييييه

السلام عليكم ورحمة الله وبركاته

عيدكم مبارك يا غاليااات

اولا انا مسجلة من زمان بهالمنتدى الرائع ولا يوم واحد فكرت اني ارد رد غير لائق او جارح لاني مابيني وبينكم الا شاشة وكيبورد ولا اعرف نفسيات الناس من ورا هالشاشات ولا ظروفهم عشان كذا شارطة ع نفسي هالشرط بعالم النت كله وسامحة لكم تفتشون ملفي بعد

بس اليوم انا عتبانه عليكم قريت هالموضوع

http://forum.hawaaworld.com/showthread.php?t=2592543&page=3

لاخت كانت تتكلم عن البلاك بيري وفيه ببعض الردود اهانة لمستخدميه وتلميح بفسادهم
وانتقاد لهم ابي اسألكم سؤال واحد يعني بنظركم كل وحدة معها بلاك بيري او ايفون فاسدة وكل وحده ما معها تعتبرونها صالحة

لا والله

ياناس كل ما جت تقنية جديدة قمتوا تدورون مساؤها قبل حسناتها وش قلتوا يوم طلع البلوتوث وجوال الكاميرا وقبل هذا الجوال بكبره اول ما جاء للسعودية شنيتوا حرب على كل من شراه والحين ما تستغنون عنه ثانية وحدة ياعالم الناس تطوروا ووصلوا للقمر وانتم للحين تحاربون التكنولوجيا وانا واثقة ان بعد كم سنه راح نشوف البلاك بيري حتى مع الشيبان اللي مايديرونه


انا معكم ان بعض الناس ما ينزلونه من ايديهم وينسون العالم حولهم بس برضه ما نعمم وانا معكم انه المفروض ما يصير مع كل احد لا المفروض مع ناس ناضجين ويعرفون الصح من الغلط وضد انه يصير الجوال كله مع البنت قبل تتخرج من الثانوي بس لازم احنا يالعرب ننظر للجانب المضيء من كل منتج جديد علينا

الاوروبيين ما يديرون اعمالهم الا به لانهم استخدموا الجانب الايجابي منه بدل ما تفتح الخط وسلام وحالة وقرق لا كلها كلمتين تكتبهم وبإشتراك يعني مو كل سبعين حرف بـ25 هلله بالعكس البلاك بيري تواصل اعتبره انا مجاني لانك لو تراسلين اليوم كله والشهر كله ما يصرف عليك الا 99 ريال بالشهر وهذي خطوة ايجابية من الاتصالات اول مرة يسوو شي زين من يوم عرفتهم


وهذي مو دعاية له بس انا شفتكم كاتبين الجانب السلبي له ولاصحابه وناسين الايجابي قلت اذكركم

صراحة انصدمت بنات حواء الفاهمات يقولوا كذا لا والله اجل ما نلوم الباقين

وتبقى هذي وجهة نظر واقتناءه حرية شخصية راجعه لمقتنيه اذا يبيه للخير او للشر والله يهدي الجميع

وانا هنا ما ادافع عن نفسي ادافع عن شريحة كبيرة من مجتمعنا ما تدرون يمكن هاللي معهم بلاك بيري يدعون للاسلام يهكرون مواقع اباحية يعني الايمان بالقلب والله محد يدري عنه ناس كثير حسبناهم صايعين طلعوا يصومون النهار ويقومون الليل وكثير شفناهم صايمين مصلين ويقطعون في خلق الله ويتكلمون على اعراض المسلمين بالعكس يمكن هاللي تطقطق بالبي بي مرتاحة من الجلسة مع الناس وحشهم بخلق الله الواحد ما يدري وين الخير فيه

واختلاف الرأي لا يفسد للود قضية

19 تعليق 1,309 مشاهدة

شاركي في النقاش

سجلي الدخول لإضافة تعليق.

التعليقات

19
  1. @coffee_latte

    انا ملاحظه ان الشعب السعودي الله يسلمه مايعجبه شي
    كل شي بالدنيا ينقد عليه

    مايدرون ان كل شي له سلبياته وايجابياته
    وعلى حسب استخدام الواحد له

    والبلاك بيري زيه زي النت مافيه اي شي غلط
    لكن الله يعين عليهم ..
  2. @lysh_alghod

    ان جهازي بلاك بيري لكن مااستخدمه الاللمكالمات اللهم لك الحمد كما ينبغي لجلال وجهك وعظيم سلطانك
    الحمد لله على كل شي اعطانيه ربي

    الحمد لله على ماعطاني الله من نعمة
    الحمد الله على كل شي
    اللهم لك الحمد كما ينبغي لجلال وجهك وعظيم سلطانك
    الحمد لله على كل شي اعطانيه ربي

    الحمد لله على ماعطاني الله من نعمة
    الحمد الله على كل شي

تابعي تجارب أخرى من هذا القسم.