شاركي في النقاش

سجلي الدخول لإضافة تعليق.

التعليقات

2,072
  1. rabbouche
    تسلمي يا امل الوطن ان شاء الله.
    كيفكن
    والله أنا عم فكر اعمل رخصة سواقة، بدون مكابرة كنت شوفيرة بلبنان وعندي رخصة لبنانية، بس هون نظام السير كله مختلف.

    يا جماعة اوقات ما بحب شارك بمواضيع معينة حتى ما انفهم غلط وخاصة مواضيعك يا ست الفرقان
    والله انت رح تجننيني انه كيف بتقولي لابنك (موضوعك القديم) يغض نظره مثلا اذا معلمته لابسة قصير، بترجعي بدك تحكيله كيف بيجي البيبي؟؟؟
    بدك تعذريني، برأيي حرام حتى نلمح تلميح كيف بيجي البيبي او من وين بينزل، لاحق يعرف كل شي بوقته، يعني ما منكون دقة قديمة اذا ما حكينا الحقيقة :) :)
  2. @blue_sky_1

    هلا ربوش كيفك وكيف الاولاد
    حتى انا معي رخصة من البلاد بس ما بتنفع هان كل القوانين مختلفة وهان بتتعلمي الشئ على اصوله
    بنات انا لما اولادي بيسالوني هالسؤال وكيف بيجي البيبي بحاول اجاوب بس على قدهم مش ضروري يعني المهم انه يثقوا فيا وما يدوروا على حد ثاني يسألوه ويعطيهم اجابة غلط
  3. rabbouche
    كيفكن والله أنا عم فكر اعمل رخصة سواقة، بدون مكابرة كنت شوفيرة بلبنان وعندي رخصة لبنانية، بس هون نظام السير كله مختلف. يا جماعة اوقات ما بحب شارك بمواضيع معينة حتى ما انفهم غلط وخاصة مواضيعك يا ست الفرقان والله انت رح تجننيني انه كيف بتق…
    شاركي ولاتخافي اللي بفهمك غلط ذنبو على جنبه :27:
    ياستي غ:27: غض البصر شي والاجابة على سؤال طفل شي تاني خاصة انو هالسؤال مو متل اي سؤال
    بعدين انا متل ماقلت ماجاوبت من عندي رحت تثقفت ههههههه وماشرحتله بالتفصيل لااااااا
    واذا عندك وقت اقراي بالنت عن الاسئلة المحرجة للاطفال ورح تلاقي انو لازم نجاوبهن بس بقدر عقلهن متل ماقالت الاخت بلو سكاي
    لا مو لاحق يعرف كلشي لانو لو ماعرف مني رح يعرف من غيري وغيري الله يعلم شلون رح يوصلل الفكرة ورح يقول انا لما سالت ماما ليش ماجاوبتني معناها في ان بالموضوع وحيبطل يسالني مرة تانية وهيك بكون سكرت عليه الصراحة بيني وبينو
    انا عبحكيلكن من واقع مرير مريت فيه ههههههه اهلنا ماحكوا الحقيقة وعرفتها من غيرهن للاسف
    على كل كل وحدة عندها طريقة بالتربية واختلاف الراي لايفسد للود قضية
    الله ينورنا نربيهن صح ياااااااااارب
  4. @am_aabdoly

    السلام عليكم
    كيفكم يا بنات؟ ان شاء الله الجميع بخير
    العيد والله كان ماشي حاله تعرفوا اول عيد فطر بألمانيا العام الماضي نزلنا على البلاد
    اختي فرقان الله يحفظ لك ابنك وانا من رأيي من رأيك انه يعرف بطريقه مبسطه بتناسب عمره
    بالتوفيق للجميع
  5. @aml_alotn

    سلام من الله عليكم
    اخواتي الغاليات محبتي واحترامي لكم جميعا
    اما عن مصارحة الاولاد واسئلتهم الحرجه
    فأنا مع الرأي الذي يطالب بالمصارحه ولكن بطريق مبسطه تجاري عمر الطفل
    لأنه مصيره يكبر ويعرف وبالتالي نقطه تسجل ضد الأهل انهم كذبو عليه وبالتالي يفقد ثقته في اهله
    خصوصا نحن في بلاد الغرب ثقة ابنائنا بنا وتواصلهم معنا ضروره ملحه وانتم تعرفون الوضع هنا
    ولا ننسى انهم في المدرسه في الصف الرابع يبدأون معهم بتناول هذه المواضيع لذلك فعند وصول ابنتي الالى والثانية الصف الرابع ارسلو معهم رساله انهم سوف يدرسوهم الثقافه الجنسيه
    لذلك كنت ابدأ معهم انا قبلهم واحكي لهم بما يناسب عمرهم وفهمهم واعلمهم ان ثقافتهم تختلف عن ثقافتنا وكنت اخبرهم ان يخبروني بكل ما يأخذوه في الدرس لنتناقش فيه واصوب لهم ما علموه لهم انطلاقا من عاداتنا وديننا
    السنه الماضيه بنتي كانت في الصف السادس وفي مادة الاحياء شرح كامل ومكمل لكل شئ وبالتفصيل من مكان الولاده الى كيف يتكون الجنين ووسائل منع الحمل وغيره من الامور ولا ننسى الأصدقاء في المدرسه حيث في الصف السادس او السابع يكون هناك احيانا طلاب قد عادو صف اي اكبر بقليل والمجتمع هنا في سن 13 او 14 من الطبيعي ان يكون هناد صديق وممارسة الجنس وبالتالي يتكلمون امامهم لا شك
    لذلك علينا دور كبير في تثقيفهم ثقافتنا نحن لا ثقافتهم
    اعذروني ان اطلت عليكم ولكن اه لو تعلمون الموضوع كم هو مرهق لنا ويزداد مع زيادة عمرهم
    نسأل الله ان يحفظ الله اولادتا وبناتنا من كل سوء
    ودمتم بكل خير

تابعي تجارب أخرى من هذا القسم.