تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

اوكسي للاسف انا مرحتش لهميسة
اولا جوزى رافض انى اروح لدكتور فوسط البلد
بس انا كان ممكن اقنعه
بس حصل عندنا ظرف صعب قوووي
وبعديه على طول نزول عليا دم وكنت حفقد جنينى
روحت عملت سونار والدكتورة زودتلى المثبتات وقالتلى لازم راحة تامة
ومن ساعتها مبروحش فحته غير للدكتورة اللى كنت قايلالك عليها فمبرة العصافرة
وانااصلا بقيت بتعب من اقل حاجة فحاسة انى عشان اروح سيدي جابر حيبقي صعب عليا جدا
بس الحمدلله الدكتورة اللى متابعه معاها ممتازة وانا مرتاحلها نفسيا
وربنا يعدى شهور الحمل على خير وعقبالك ياحبيبه قلبي انتى وكل المشتاقات

ماما
ازيك لسة كنت عايزة اسلم عليكي وربنا يجبر خاطرك يوم الثلاثاء ان شاء الله وتبشرينا
انت عارفة يا مامتي دي كانت فضفضة معاكم وفعلا تاخير الحمل خلانا انا وجوزي استمتعنا بحياتنا وفهمنا بعض اكتر واتعودناعلى بعض
بس الناس مش بترحم حد مثلا يقولك كفاية نمتي 5 سنين (كاني قعدتهم بمزاجي)
ولا واحد من قرايب جوزي زارنا وقالي البيت وخلصتوه والعيال3 مش ناقصكم حاجة عايزين اية تاني

ام اياد ربنا يبارك لك في حملك ويتمم لك على خير بس ارجوك التزمي الراحة التامة بمعنى الكلمة ولاخروج ولامجاملات يادوب اتحركي في الشقة عشان تمشي الدورة الموية كيس واستودعي جنينك عند ربنا
ومعاكي حق انا لمابقعد مع نفسي وافكر اقول اكيد ربنا حملني مسؤلية اد دي وهوسبحانه وتعالى عارف اني المفروض اكون قدها عشان كدة بقيت استغفر كتير واحاول ابص للناحية الايجابية
معليش يابنات انا دوشتكم معايا والمفروض نتناقش في حاجات اهم لان مش دة هدف الملف بس انا بطبعي كتومة ولاول مرة احس اني مش قادرة اشيل الحمل لوحدي فانفجرت معاكم
سااااااااااااامحوني