تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

يارب يا مصرية ربنايجبر خاطرك بعصابة زيهم صحيح هتكلمي نفسك وتشدي شعرك بس برضه حلوين
والله العظيم انا دايما بدعي لكم كلكم لاني من سنة بالضبط لوحدقالي اني هاكون ام لتلاتة ماشاء الله ماكنتش هاصدقه بس سبحان الله دلوقتي عرفت ان ربنا رزقني بيهم في الوقت المناسب على الاقل كونا نفسنااناوجوزي وبنينا بيتنا
سبحان الله ماحدش يعرف الخير فين يمكن لوكنت خلفت قبل كدة كنت هاتعب وهماكمان يتعبو انتو عارفين طبعا ان ماشاء الله مصاريفهم كتيرة اد اية بس الحمدلله هم جم بعدماخلصنا كل التزاماتنا الماديةوبقى عندنا بيت ملك لان الايجار هنا بهدلة ع الاخر
دايماربنا جاعل لنا الخير في كل خطوة بس لاننا بشر تفكيرنا قاصر مش هنقدر الحكمة الالهيةدي غير بعد حين
يارب
تعرفي انا نفسي حتي من قبل الزواج اجيب تؤام وماما كانت تقلي انت فاكراهم دجاج اللي يربي واحد يربي اثنين هههههههههه كنت اقولها برده عاوزه تؤام
ربنا كريم

يارب
وربنا يتمم لك علي خير
الراحه الراحه الرحه
الله يخليكي عاوزين نفرح :39:


ربنا يخليكي
ويهدي لك المديره
اهو هي الدنيا كدا لاما مديره للاما حماه:mad:ربنا يعني
وربنا يطرح البركه في العمليه المره دي يارب


ابشرررررررررررررررررررررررررررررررري
اتصلح:39:الراجل جه صلحه وطلعت حاجه بسيطه الحمد لله باذن الله يوم الخميس انزل الوزن الجديد
وياريت حد يشجعني ويدخل معايا

اوكسى اوكسى اوكسى اوكسى اوكسى .. وحشتينى اوى اوى اوى .. يااااه نورتى بجد الملف ياحبيبة قلبى .. والله انا كنت مخنوقة ومتدايقة واول ما شفت مشاركاتك متتخيليش نفسيتى فكت قد ايه .. لا مينفعش يا اوكسى متدخليش لازم لازم لازم تلاقى لنا وقت عندك حتى لو نص ساعه بس كل يومين مش هقوللك كل يوم .. بس حقيقى بلاش تغيبى عننا وربنا ما يحرمنا من لمتنا دى ابدا ابدا ..
ومعلش سامحينى الانترنت فعلا قطعت فى النص واصلا انا كنت باعته المشاركات الاخيرة من فترة موصلتش الا بعد انتى ما دخلتى وكتبتى وغيرك كتب .. كان نفسى اكون معاكى اونلاين بس معلش اكيد ملحوقة ولا انتى ناوية على ايه بالظبط ..
مستنياكى يا اوكسى متغيبيش ها هدخل لك بكرة بأمر الله علشان اشوف اخبارك ايه وهتتحركى الفترة الجايه فين ..

بالنسبه لنيفو ياجماعه هى المفروض هتنشط الشهر ده بس مش عارفه تدخل تقول لحد لان الانترنت مقطوعه عندها لانها نزلت ويندوز جديد والانترنت قطعت من ساعتها ...
بس عندها مشكله حاليا .. البيريود جت لها من يوم الخميس بس غريبه جدا جدا المفروض انها جت لها فى ميعادها الطبيعى يعنى تنزل طبيعية لا دى ياستى بتستهبل خالص وجاية تستهبل فى الشهر اللى هتنشط فيه للأسف .. اول يومين كان افرازات وبعدين نزيييييييييف كتل دم زى الكبده بتقول لى بقالها يومين وطبعا الموضوع ده الله اعلم هيستمر لامتى وهتعرف تتابع التبويض وتعمل هوم وررك ولا ايه النظام فا هى محتاره طبعا علشان التنشيط .. لكن هى قررت انها تنشط ورزقها على الله وكلنا امل ان النزيف يقف فى الكام يوم الجايين او بالكتير على اليوم العاشر علشان تقدر تتابع التبويض والخ ..
وطبعا هى بتاخد دافلون مضاد للنزيف علشان الدنيا تظبط شويه معاها واهى بتحاول من هنا وهناك .. تسدها من ناحيه تضرب من الناحيه التانيه .. ربنا يكون فى عونها ويقويها انا خايفه عليها من النزيف المتكرر ده لانه بيسحب من صحتها كتير وهى مخستكه اساسا ولسه قايمه من دور نزيف برده وكانت لسه بتقول هتروح لحد تغذية يعيد بناءها من جديد ..
ياريت يابنات كللللللللللللللنا ندعى لنيفو ربنا يكرمها الشهر ده ويجبر بخاطرها عمرها ما نسيت حد فى الدعاء ياريت كلنا ندعى لها بظهر الغيب ان ربنا يصلح لها الاحوال الشهر ده ويكرمها وهى بأمر الله هتدخل اكيد بس لما تشوف مشكله الانترنت دى ..