ساااارة حبيبتى ..
ياحبيبتى لو مكنتيش تيجى تقولى الكلام ده هنا هتلاقى مين تقولى له الكلام ده غيرنا . يابنتى احنا عاملين زى الحله وغطاها يعنى ملناش الا بعض و ملناش مكان تانى نتكلم فيه ونطلع اللى جوانا الا هنا .. اتكلمى وقولى براحتك ياسلام مش احنا اخواتك برده ولا ايه ..
طبعا اللى بتحكى فيه ده ياحبيبتى ملهوش الا سبب واحد واضح جداا انتى نفسك قولتيه هو بعد زوجك عنك .. انا عارفاكى يا سارة انتى عاطفيه جدا بس عارفه كمان انك حمولة لاقصى درجة وتقدرى تتحملى كتير اوى اوى وتثبتى لزوجك انك راجل وتقدرى تسدى فى الوقت اللى يكون غايب فيه غصب عنه ..
وكمان عايزة ابشرك ان انا كمان جالى احساس زى بتاعك ده لكن طبعا انتى اكتر منى بمراحل علشان المسؤلية اكبر وعلشان كمان زوجك مسافر بس انا مريت بفترة زى دى كان زوجى فيها مشغول جدا جدا عنى وعن انس .. عارفه انتهت امتى ؟
انتهت لما انس بدأ يكبر شويه وكل ما بيكبر بحس انه مهما انشغل عنى زوجى فا انا ملهيه فى اللى عندى وكفايه عليا واحيان كتير بقول ياريت لو يتاخر عليا كمان بره البيت بسبب انى بكون عايزة اعمل حاجات كتير وهو مش موجود .. وكمان كلما ما يكبر الاولاد هتنشغلى باللعب معاهم .. همه دلوقتى لسه اكل ونوم وبامبرز :04:بس
اتفرجى بقه على اللعب اللى على اصله كمان كام شهر لما يبدأوا يفهموكى ويلاغوكى وانتى تلاعبيهم هيبقوا سكر ماشاء الله اللهم بارك ..
وهتقولى ساعتها ياريت زوجى ميجيش ويشوفنى معملتش حاجه وهتبقى اخر حوسة ياحبيبتى
وكمان عايزة اقوللك حاجه .. كفاية ان احساسك بالوحدة ده فضى عندك شويه وقت وخلانا نشوفك معانا ونستفيد بمعلوماتك ياسوسو دى احلى حاجه طبعا ... فرفشى ياسوسو كده والله لو كان زوجك مقيم عندك كان زمانك بترقعى بالصوت الحيانى ياحبيبتى اسألى مجرب لا
بالنسبه للاخ اللى قاللك الجمله اللى كتبتيها .. مش هقول غير اللهم بارك ربنا يحفظك من اى عين او اى شر يارب ياسارة ومتنسيش سورة البقرة دى طووووووووول النهار والليل فى البيت ياحبيبة قلبى ضرورى ضرورى ضرورى هتطرد الشيطان وهتهدى اعصابك وتخلى الاطفال هاديين بامر الله
وبالنسبه لمامتك (ربنا يرحمها ويرحم جميع المسلمين) بجد مقدرش اقوللك اى حاجه فى الموضوع ده غير انك تحاولى بقدر الامكان الحنان اللى جواكى لمامتك تطلعيه فى صورة حنان لاطفالك .. يعنى بدل ما تفكرى نفسك وتتدايقى ياحبيبتى فرغى احاسيسك مع الاطفال طبطى عليهم وحسسى على راسهم وحسى ناحيتهم بالامومة هتلاقى المشاعر اللى جواكى خرجت وارتاحتى .. وربنا يخليلك خالتك وبنات خالتك يارب
تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17
متابعة النقاش، صفحة 311