السلام عليكم ورحمة الله وبركاتهوقبل كل شئ اشكر كل من تفاعل معي في موضوعي وكل من ارسل لي واعتذر لهم لاني مااعرف لرسائل الخاصةوقصتي تبدا من كنت حامل ففي ولدي كان لي 7 شهور كان اخر الليل دق جوال زوجي ورد كان واحدمايعرف عربي الا بسيط قال لزوجي انه فيه اثنين راح يسوولك سحر عشان تسوا حالتك المادية لدرجة ان حتى الثوب اللي عليك ماهو ملكك زوجي ماصدقه وسكر الجوال وبعد شهر من السالفة هذي زار زوجي صديق قديم كان منقول في مدينة ثانية وبعدين رجع لها زوجي كان عسكريوكانت ظروفه الماديةانقهر صديقة منهفي ذاك اليوم كان عازمة زوجي للفطور في رمضان وبعد ماخلصت شغلي جاء زوجي وقالي بنروح نلعب كورة بعدين بنتجمع في بيت الشعر اللي لصديقي وبعدها جت الساعة ثلاث الفجر وزوجي ماجاءخفت عليه وصرت ادق عليه الجوال مقفل عرفت انه فيه شي وكلمت زوجة ولد عم صديق زوجي وسالت عنه لان زوجها معهم قالت زوجي يقول مادري عنهم قلت لها انه اذاجاء زوجي شئ فهو المسؤل خافت وقال لزوجها وكلمتني و علمتني بعد يوم ونص ان زوجي امسكوه المباحث ولماعرف اعز ااصدقائه ان زوجي مسجون سوى المستحيل عشان يطلع ماقدر الا بعد مااعترف صديق السوء انه هو اللي اعطى زوجي حبه وحدة مخدرة عشان يطيحه في الحبوب لما شاف ظروف زوجي تمام قال عشان يشتري لي وله وان زو جي ماله دخل بالحبوب ولانهكان اصلا مراقب من الشرطةهذا صديق السوء بس تخيلوا ان السالفة هذي خلتهم يفصلونه من شغله بعد ان خلوة يشتغل لمدة سنتين بنصف الراتب وخلت الديون تراكب عليه وشوهت سمعته خلت اقرب الناس يتخلى عنه اللي كانت جمايله وقفاته مغرقتهم انا كنت احس اني في حلم احس اللي صارصار بسرعة صار ففلان اللي بيته كان مايفضي من الزوارصار نادر مايجه احد الا بعض الاصدقاء اللي وقفوا معه وقفت اخو اللي يقسم له من راتبه واللي يعطيه السيارة باليوم واليومين واستمرت ظروفنا لمدة سنتين ماحد يعرف لا اهلي ولا اهله لانا عايشين في مدينه ثانيه وحتى اهله لما عرفوا ماسووا شي الا امه جت ما صدقت ان ولدها يصير فيه كذا لانه معروف وغير كذا حبيب لها جت وساعدتنا ان ننتقل عندهم ورفض ابوه يستقبله او انه نسكن عنده نسى انه قبل اذا بغى اي شئ رفع السماعة وطلب اي شئ انسى اللي تركني وانا كنت باول حملي معي نزيف وقلت لزوجي لا تتركن وتروح لابوك اللي في مدينة ثانية عشان رجله فيها جرح وهو مريض سكر وخاف على ابوه قال اللي في بطنك يتعوض الا رجل ابوي ماتعوض :icon33: قامت امه واستاجرت بيت ودفعت الايجار من ذهبها المرة الثانيةاغصبت اخوانه يساعدونه الاخوان الا قبل اذا بغوا شي قالوا عطنا غير اللي صار عليه حادث ونظفه ويغير له ملابسه انا مااعدد زوجي وش سوا انا اقول هل هذا جزاء الاحسان ليه الجمل لطاح كثرت سكاكينه لما شوفه احس فيه نظرة الانكسار بعد نظرة العز والهيبةصار الناس يتجنبونه حتى اللي يعرفه صاروا يخافون انه يحط لهم شي المهم مرت الضروف اسواء من قبل ولازالت كل شئ صعب الاكل والشرب والايجار ومصاريف المدرسة اللي الا الحين مادبرنها وغيرطلبات عيالي اللي متخلص وياعمري يابناتي الليعلمتهم الهم من بدري اذا طلبوا شي قلت لهم ماعندنا قالوا خلاص ماهو لازم انا مانكر انه ولله الحمد عندي خواتي ساعدوني وابوي رجال كبير ماعنده الا راتب الضمان والا والله مايقصر الله يخليه ليلكن احس بانكسار لما اخذا حاجه من مدة بسيطة توظف زوجي حارس امن في مستشفى لكن الراتب الف وثلاث مائةهل توقعون انه يكفي لخمس اطفال ثلاثة يدرسون واثنين صغار واحد حليب وحفائظ الله يكرمكم ليه ماختاروا عقاب ارحم منكذا ليه ماسالوا هل عنده عائلة وشلون سلوكه في العمل مع ان الكل تدخل لكن سبحان الله احس ان اللي صار حلم واصحى منه انا ماخليت وظيفة ماقدمت عليها انا خريجة قسم تاريخ بكالوريوس بس سبحان الله ماكتب لي وظيفة بعد خمس سنوات على اللي صار جاء زوجي في حاله من الياس قال تذكرين الساحر اللي كلمني وقالي عن ان الحالة المادية تدهور تذكرينه قلت له هذا كذاب مع اني مانكر ان الشك دخلني بس تعوذت من الشيطان وبعد ماكتبت قصة حياتي اللي احسها حلم وما الومكوم لو ماحد صدقها لاني الا الحين انتظر احد يصحيني من الكابوسولا تقولون ليه زوجك ماقدم على وظيفة ماخلى ومكان ماقدم فيه كل الابوا ب مسكرة في وجهه الين رزقنا الله بالوظيفة اللي بالمستشفى مع ان زوجي مريض بالسكر والغدد والشكر كل من دعالنا او رد على موضوعي:44:وانا ولله الحمد وقفت معه والله اني نسيت نفسي لا سوق ولاغيرة الحاجة اللي اقدر استغني عنه ماهو لازم وانا توي طالعة من النفاس ولا شريت ولا شئ ولا اكلفه فوق طاقته ولا اقارنه باحد ابد ولا تنسونا من صالح دعائكم
شاركي في النقاش
سجلي الدخول لإضافة تعليق.
التعليقات
334- يالله ياواحد ياحد يالفرد الصمد لم يلد ولم يولد ولم يكن له شريك في الملك ان تفرج كربتها وترزق زوجها الوظيفة والرزق الحلال و تغنيه فيه عن الحرام
ياحي ياقيوم اجب دعاء اخيتي وفرج عنها ووسع رزقها وزوجها وابنائها - الله يرزقك ياااااااااااااااااااااارب
وحسبي الله ونعم الوكيل على من كان السبب - الله يفرج همكم ويفك كربكم ويرزقكم عليك بالدعاء دائماً بالفرج وان شاء الله تتسهل
- يالله ياواحد ياحد يالفرد الصمد لم يلد ولم يولد ولم يكن له شريك في الملك ان تفرج كربتها وترزق زوجها الوظيفة والرزق الحلال و تغنيه فيه عن الحرام
ياحي ياقيوم اجب دعاء اخيتي وفرج عنها ووسع رزقها وزوجها وابنائها
والله ينصركم نصرا عزيزا مقتدر
ياارب ياكريم انك ترزقهم وتصلح حالهم وتسعدهم وتفرج كربتهم وترزقهم الوظيفه عاجلا
الله يحفظك
مواضيع مشابهة
تابعي تجارب أخرى من هذا القسم.