تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

مصريه
اخبارك يامصريه عامله ايه.بالنسبه لصحبتك بصي هو السحب الي بيحتاج بنج اما الترجيع فمن غير بنج واكيد الدكاتره عندهم حل للحلات اللي عندها حساسيه من البنج
وداع توت شيمو زوزو عزيزه اودي هيا ننشر الخير ميكو ام مريم طمطم ساره اخباركم وحشيني

سارة يا قمراية: بصي انتي ربنا معاكي طبعا المسؤلية جامدة بس انتي قدها, حاولي شوية شوية تنظميلهم مواعيد نومهم و اكلهم و ان شاء الله تعدي علي خير. لو عايزة مساعدة قويلي. انا احمد لله نظمت مواعيد مايا.
اوكسي: مايوية بتسلم عليكي و علي كل البنات.
انا امبارح كان اول يوم شغل فحتلاقوني متواجدة ان شاء الله زي زمان.

بنانيت انا عندي سوال ايه الميزه في الترجيع في اليوم الخامس وديه حاجه الدكتور بيحددها وله انا اللي بطلبها.لان انا معنديش خبره في الموضوع ده

ساره اخبارك يام العصابه ربنا يخليهومليك ويبارك فيهم ياساره اذا مكنتيش تفضفضي معانا وتحكلينا هيبقي لازمتنا ايه مش احنا اخوات وموجودين علشان نساند بعض.طبعا ياقمر الاطفال مجهود واللي عندها طفل واحد بتهلك فربنا يعينك هو بس التعب وبعد جوزو عنك تاعب نفسيتك بس مجرد ما الولاد يكبروا شويه المجهود هيقل وربنا يعينك ويسعدك ويبعد عنك كل شر ويحفظك من كل عين عليكي بالاذكار والرقيه عليكي

صباح الخير عليكم جميعا

معلش مكنتش عارفة اتابع اخباركم يومين الاجازة اللى فاتو كويس

انا بس كنت بدخل من الموبايل سريع اطمن على طمطم واقول لها كلمتين وامشى على طول

بس انهاردة لما دخلت وعرفت خبر توفى اتضايقت جدا

بس مش قادرة اقول لها غير قدر الله وماشاء فعل وان شاء الله ربنا يكرمها بالحمل السليم المعافى قريب جدا

بس انا اؤيد بشدة فكرة انك تعملى منظار لانى اعرف من واحدة صاحبتى ان الحاجز الرحمى وحش على الحمل فى مراحله المتقدمة وممكن يأذى البيبى جدا لانه بيعتبر عائق بالنسبة لنموه الطبيعى جوة الرحم

وكده اة كده انتى اعملى المنظار تشخيصى وعلاجى فى نفس الوقت وان شاء الله هيجى بفايدة معاكى وتحملى بعده على طول




اوكسى

ايه النور ده كله ايه يابنتى طولتى الغيبة قوى ووحشتينا قوى
اوعى تغيبى تانى يا اوكسى وخليكى معانا على قدر ماتقدرى بجد وجودك بيفرق معانا جدا



ماما

ان شاء الله يوم التلات هتلاقى بويضات كويسة جدا ويرزقك منها باجنة درجة اولى ان شاء الله وربنا يكتبلك الحمل ان شاء الله ومايضيعش مجهودك ده ويجعل تعبك فى ميزان حسناتك يارب وترجعى السودان مجبورة الخاطر يارب