عندي فكرة مشروع ويهمني رايكم

بالتوفيق ان شاء الله

حبيبتي الموضوع مغامرة ...
بس بما انك موظفة ان شاء الله انك ما بتخافي من ركود الشغل خارج المواسم .

المشروع مربح بس للي تديره وتشرف عليه مضبوط ..
من ناحية الانشغال .
ترى والله ما بتحكي راسك .. لانها تحتاج مقابل لشغلها وتشرفي عليه لا تخرب لك اقمشة الناس .
ويحتاج انك تفتحي بيتك للناس و(كل من هب ودب )

انا مجربة ...
شغلي معها يبدا من الصباح اشرف عليها واتابعها و من صلاة العصر الناس داخله وطالعه ما اشوف بيتي ابد . حتى زوجي زهق منها .

بس لو تقدري تجيبي خياطة شاطره مره وتقابل هي الزباين ..... تكون امك داعية لك .
لانها بتفاصيلهم بدال ما يفشلونك بعض الناس ويرغمونك تخيطي لهم احياناً ببلاش.

مره ثانية اقول لك
موفقين ان شاء الله

موفقه

اشكرك نوال على ردك رغم إنه :44:خلاني شبه ابطل وهذا إللي مرددني في المشروع أخاف ماالقى الوقت وأندم ويصير وراي ارتباط وفعلاً الفلبينية تتقن عملها بس صعب التعامل معها على العموم يسعدني سماع ارائكم الله لايحرمني منكم يالغاليات

شكراً يالغالية على الرد الله يوفقك
بالنسبة لراتبها المكتب يقول يتفاوت من 800 إلى 1500 ومادمت في البيت راح يكون شغلها بسيط مو زي المشغل

حياك ربي جولنار هانم ومقدره لك هذا المرور ومثلك يستفاد منه الله يكثر من امثالك يفيد غيره بتجاربه ولا هانو الغاليات إللي يبدون رايهم وكله حكم
بالنسبة لفتح بيتي لكل من هب ودب مستحيل لأني ماراح اوسع نطاق شغلي يعني بخليه مقتصر على الأقارب والجيران وبعض الزميلات لين أكسب ثقة وسمعة بعدين استأجر مشغل واستقبل الكل
وبالنسبة للإحراج من بعض الناس هذا في كفة والشغل في كفة أنا من النوع إللي انحرج وممكن انزل في السعر لو لزمو وممكن اخيط بلاش لو كانت قريبة وأعرف ضروفها
والله العظيم ردودكم نبهتني للأشياء كثيرة ماكانت على بالي واستفدت منكم وأكيد أي وحده بتسوي نفس المشروع استفادت الله يجعله في موازين أعمالكم