خراب سابق + غربة ونفاس .. دعوة في ظهر الغيب لمن تساعدني باللي تعرفه

خواتي بنات عالم حواء

ماراح أطول عليكم وبدخل بالموضوع على طول

آخر نفاس لي طلعت منه بمشاكل وماأحس نفسي مررررررررة ويبي لي أسنع نفسي مرررررررة علشان أرجع

مثل أول والسبب كان إهمال مني وعدم الاهتمام وخصوصا بالأكل



أنا الحين حامل بالسادس وبغربة وناوية بإذن الله تعالى أهتم بنفسي وبنفاسي لأني ناوية إن شاء الله إن ربي أراد وكتب

لي ماأحمل إلا بعد 6-7 سنوات لأن الفترة اللي بين هالولادتين قصيرة

فما أبي أقعد فترة طويلة وأنا ماني سنعة أخاف بعدين أبو الشباب :arb: يطفش ويهج ويدور على غيري أحسن مني

فقلت مالي إلا خواتي الحوائيات يساعدوني باللي يقدرون عليه لأنهم يحبون الخير وماراح يقصرون أكيد

بنات أنا مشكلتي ماأعرف أسوي شي بالنفاس لأن كل ولاداتي السابقة كانت عند أهلي

وهالمرة قررت أعتمد على نفسي بكل شي وبنتي صغيرة

محتاجة منكم تساعدوني بأكلات النفاس اللي أقدر أفرزنها وطريقتها

وش الِأشياء اللي راح أحتاجها بنفاسي

فكرت أجمع كل الأغراض اللي بتقولون لي عليها وأطلبها من أهلي يرسلونها لي

أنا خطر على بالي شماغين علشان أربط بطني وناوية بعد أطلب نظام النفاس ( لهوم وكبو ) من أختنا قشر قهوة

بس لهالحين متلخبطة وماأعرف وش أطلب ووش أخلي

بنات تكفون نخيتكم أنا في هم مايعلمه إلا الله غربة ونفاس وبيت وعيال لا وطفل صغير :04: ومولود جديد

وجو راح يكون باااااااااااااااااااااااااارد أقسى درجات البرودة ولاعندي أخت أو جارة تساعدني ولا زوج يقوم فيني

لأنه راح يكون في قمة انشغاله وقت ولادتي ونفاسي

بنات من فرج عن مؤمن كربة فرج الله عنه كربة من كرب يوم القيامة

ساعدوني باللي تعرفونه من خبرتكم وش أكلات النفاس اللي أقدر أفرزنها ووش الاحتياجات اللي راح أحتاجها

أنا في انتظاركم على أحر من الجمر ولكم دعوة في ظهر الغيب وفي جوف الليل من أختكم اللي في كربة وغربة

20 تعليق 2,379 مشاهدة

شاركي في النقاش

سجلي الدخول لإضافة تعليق.

التعليقات

20
  1. @hlo_albnat_2

    خلي اهلك يجيبون لك علب مطاطيز جاهزه
    علشان ماتتعبي وقت تصليحه تكون جاهزه
    لان اهم شي الاكل
    وانتي فرزني الاكلات الشعبيه اللي فيها بر لانه كويسه لللي والده زي المصابيب
    والله يكون بعونك
  2. @highquality

    صاحبة الموضوع
    حلو البنات
    خلي اهلك يجيبون لك علب مطاطيز جاهزه علشان ماتتعبي وقت تصليحه تكون جاهزه لان اهم شي الاكل وانتي فرزني الاكلات الشعبيه اللي فيها بر لانه كويسه لللي والده زي المصابيب والله يكون بعونك
    الله يسعدك للرد

    وين ألقاها فيه علب المطازيز الجاهزة وكيف تتسوى ؟

    وش الأكلات الشعبية اللي أفرزنها ووش طريقتها تراي ماأعرف أسويها :44:

    مشكورة يابعد قلبي
  3. @tohan

    الله يفرج همك
    فيه المحلاه تسوينها وتفرزنينها في علب والمطازيز نفس الشي
    واللهوم انتي قلتي بتاخذينه من وحده
    يعني هذا اهم شي
  4. @highquality

    صاحبة الموضوع
    الله يسعدكم ويسخر لكم

    ياليت تعلموني وش طريقة المحلاة والمطازيز ؟

    وكيف أفرزنها ؟

    تكفون والله ما أعرف أسويهم أبي طريقتهم
  5. @ahb_aaylty_alsghyrh

    اللهوم اطلبيه وارتاحي
    واهم شي دفي رجولك لبسي شرابات دبل وفكس:)
    والمطازير جاهز بكرتونات صغيره بالسوبر ماركت
    الفلفل الاسود خليه بأكلك
    حتى الشاي مررا راح تستفيدي
    الغسول ماي دافي وملح
    جهزيه بدورة المياه الله يكرمك
    وامممممم
    فطورك دقيق اسمر مع فلفل محطيه على طاوه
    واكليه مع حليب دافي بحلب

    والله يسعدك
    وتولدين بالسلامه
    وحاولى تتعرفين على احد جنبك مايصير كذا
    الله يكون بعونك

تابعي تجارب أخرى من هذا القسم.