تجمع المتوكلات علي العزيز الوهاب (خبرات متبادله حول مراكز تأخر الحمل بمصر)الجزء 17

ماشاء الله اللهم بارك .. بسم الله الله اكبر ..
مبروك يا مشتاقة الف مليون مبروك ياحبيبتى حلم حياتك اتحقق وشوفتى بنوتتك بكل الخير بعد صبر طويل اكيد اتنسى اول ما شوفتى وش القمر .. ويارب ياشيمو عقبال ما تيجى تبشرينا بحملك يارب اللهم آمين المهم احنا عايزين يا شيمو على صحة مشمشة وعلى العمليه مش ان شاء الله تمت على خير ..

والله يابنات ده احلى خبر بجد
حاسة الافراح جاية بس محتاجين نتفاءل بالاخبار الحلوة دى .. عقبال ماما كمان ما تفرح وتفرحنا هى وبندقة الشهر ده وكمان ياجماعه نيفو لانها بتنشط مش عاوزين ننساها فى الدعاء .. ربنا يكرمكم جميعا يارب اللهم آمين الشهر ده يا اما تحملوا فيه يا اما يكون خطوة فعليه فى طريق الحمل احنا راضيين بأى حاجه كل اللى يجيبه ربنا خير
وانتى يا مشمش ربنا يفرحك بنور عينك هـــدى ومستنيينك بعد ما ترتاحى خالص علشان نعمل احتفال ونغنى لهدى فى السبوع بتاعها ..
حاسة الافراح جاية يابنات عايزين نتفاءل بالاخبار الحلوة دى

حبيبتى يا سارة والله مقدره الايام اللى مرت بيكى دى .. مش شرط انى اجرب عشان اشوف بعينى ثقل مسؤلية تربية 3 اطفال توائم ... ربنا يكون فى عونك ويباركلك فيهم ... انا معايا فى الشغل واحد زميلى جاب 3 بنات توائم بعد 10 سنين جواز ... وبالرغم من انه ايده بإيد زوجته لكنه هو شخصيا بيعانى وكان نفسه يهرب من البيت عشان يستريح وبيقول لو اعرف ان رزقى جاى بعد 10 سنين كنت استمتعت بوقتى وخرجت واتفسحت بدل ما كنا بنكد على بعض ... وكان بيعاتى الأمرين علشان يجيبلهم لبن ... ولما يمرضوا يبقى بالجملة... ولما يعيطوا
يبقى برده بالجملة ...
هما دلوقت الحمد لله عقبالك بقى عمرهم 3 سنين ومشاكلهم قلت وبقوا زى العسل ... احتسبى الفترة دى فى ميزان حسناتك زى بالظبط فترة تأخر حملك وبصى لنصف الكوب الممتلىء ..
ربنا معاكى ويقويكى انتى وابوهم .

حبيبتى جوجو ... اهلا بيكى معانا ... شوفى يا ستى ... انا معملتش منظار قبل كده ... بس فى حالتى مش حيفيد لأنى كده كده لازم اعمل محاولات حقن مجهرى لأن الوقت مش فى صالحى ... وبالنسبة لماما هى عملت منظار رحمى فقط ... تقدرى ترجعى للسى فى بتاعتى فى اول الملف وانتى تعرفى قصدى

الف مبرووووووووووووووووووووك عقبالنا

كلنا .... ياااااااااااااااااااااااه انا سعيدة جداجدا

جدا ... ربنا يباركلها فيها ويجعلها من الصالحين

يااااااااااارب

والله لسة فاكرة تليفون نوفى الجميلة ليا

وهى بتبشرنى بحمل المشتاقة

ربنا يفرحك يا نوفى أسرع مما تتمنى ويرزقكك

بالحمل الثابت السليم المعافى

يااااااااااااااااااااااااااارب

لا يا قلبى بلاش قلق خالص بأمر الله كل امورك انتى وماما ميسرة بعون الله وهتلاقى اليوم عدى خفيف خفيف كفايه ان ماما هتقابليها بكرة هتهونوا على بعض كتييير وهتقولى ياريت اليوم ما يخلصش ابدا .. وان شاء الله ربنا يعطيكى ويعطيكى ويعطيكى يا حبيبتى حتى ترضى .. و عايزة اقوللك ان بإنتهاء السحب يبقى كده انتى عديتى التقيل كله واللى جاى كله سهل فى سهل وبنصحك بقه بعد ما بكرة يعدى تحاولى تستجمى لك يومين وتخرجى كويس لحد معاد الارجاع علشان بعد الارجاع الراحة هتكون واجبه عليكى وممكن تزهقى من الرقدة فا انتى اتفسحى كويس واخرجى بقدر الامكان واتنططى براحتك وان شاء الله ياحبيبتى ربنا هيكرمك ويوفقك فى العمليه اللهم آمين
بالنسبه لى انا كويسه متقلقيش عليا ربنا يكرمك على سؤالك عنى ياجميل ..
وبالنسبه لنيفو حاضر السلام هوصله ياقلبى وبخصوص النزيف فا هى لسه مبلغتش الدكتور بيه بس هى ناوية بأمر الله تتصل بيه النهاردة بالليل علشان تقول له على التطورات وتسأله على شوية حاجات ربنا يوفقها ويوفقك يارب يابندقتى